Žana konkretna wotmołwana ultimatum

wutora, 17. oktobera 2017
artikl hódnoćić
(0 )

Madrid/Barcelona (dpa/SN). Španiska zladuje nerwozna na Katalonsku. Budźe hospodarsce sylny region swoju njewotwinosć wuwołać? Ultimatum měł nětko jasnosć wutworić. Tola wotmołwa z Barcelony centralne knježerstwo njespokoja. Šef Katalonskeho regionalneho parlamenta Carles Puigdemont je hladajo na z wčerawšim ultimatumom zwisowacym prašenjom, hač je nětko njewotwisnosć wuwołał abo tola nic, španiskemu ministerskemu prezidentej Marianoej Rajoyej list napisał. W nim žada sej znowa dialog wobeju stronow. Dotal Madridske knježerstwo hišće reagowało njeje.

W katalanskich medijach pak bu list wčera wozjewjeny. „W přichodnymaj měsacomaj je naš hłowny zaměr, was k dialogej namołwjeć“, w nim rěka. Na jednanjach měli so mjezynarodne, španiske a katalanske wosobiny wobdźělić. Konflikt žada sej politiske rozrisanje.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND