We Varnsdorfje na Jurja Chěžku spominali

wutora, 28. nowembera 2017
artikl hódnoćić
(0 )
Milan Hrabal (naprawo) dźakuje so sobuskutkowacym na lětušim 21. swjedźenju serbskeje poezije we Varnsdorfskej měšćanskej knihowni.  Foto: Ivo Šafus Milan Hrabal (naprawo) dźakuje so sobuskutkowacym na lětušim 21. swjedźenju serbskeje poezije we Varnsdorfskej měšćanskej knihowni. Foto: Ivo Šafus

Varnsdorf (MH/SN). We Varnsdorfskej měšćanskej knihowni wotmě so 21. nowembra zarjadowanje, kotrež bě wěnowane Jurjej Chěžce. Běše to mjeztym 21. mjezynarodny wječor serbskeje literatury, přewjedźeny w pomjeznym čěskim měsće.

Lětuši wječor měješe dwaj dźělej. W prěnim předstajištaj basnik a přećel Serbow Milan Hrabal zhromadnje z nawodnicu Varnsdorfskeje knihownje Ilonu Martinovskej připosłucharjam basnika na wobrazach. Wjace hač 30 wopy­towarjow, mjez nimi wjace hač połojca šulerjow, tole z wulkim zajimom sćěhowaše, słuchajo na poeziju awantgardista serbskeje poezije Jurja Chěžki. Tak zeznajomichu so mjez druhim z ródnej wsu Chěžki, Hórkami. Hrabal a Martinovská pokazaštaj jim dale wobalki wšitkich jeho­ zběrkow a powědaštaj wo žiwjenju a skutkowanju basnika, kiž by lětsa­ 100. narodniny swjećił. Milan Hrabal čitaše na to ze swojich najnowšich přełožkow prozy Chěžki do čěšćiny a jeho basnje w serbskim originalu.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND