Budyske wopomnišćo přihotuje wustajeńcu wo času nacionalsocializma
Budyšin (SN/CoR). Moler, spisowaćel a redaktor Serbskich Nowin Měrćin Nowak-Njechorński budźe z přikładom wot NS-režima přesćěhaneho Serba we wustajeńcy, kotruž Budyske wopomnišćo tuchwilu přihotuje. „Hižo w prěnich rozmyslowanjach bě jasne, zo chcemy Serba zapřijeć do noweho dźěla stajneje pokazki, kotraž so stawiznam Budyskeju jastwow za čas nacionalsocializma wěnuje“, rozłožuje nawodnica wopomnišća Silke Klewin. „Problem pak bě, mjez telko wot nacijow přesćěhanymi Serbami wosobu namakać, kotraž sedźeše w našim domje a nic w druhich měšćanskich jastwach. Wšako bě to rozsudny kriterij.“