„Friederike“jara mócna była

pjatk, 19. januara 2018
artikl hódnoćić
(0 )
Mjeztym zo je wichor „Friederike“ wčera nawječor a wječor na njeličomnych městnach Hornjeje Łužicy zwjetša štomy spowalał, načini wón w Hórkach trochu wjace škody, dokelž je při tamnišim sportnišću třěchu jewišća dospołnje wotkrył. Zranił so na zbožo nichtó njeje.  Foto: Feliks Haza Mjeztym zo je wichor „Friederike“ wčera nawječor a wječor na njeličomnych městnach Hornjeje Łužicy zwjetša štomy spowalał, načini wón w Hórkach trochu wjace škody, dokelž je při tamnišim sportnišću třěchu jewišća dospołnje wotkrył. Zranił so na zbožo nichtó njeje. Foto: Feliks Haza

Budyšin (SN). Orkan, kiž je wčera po wšej Němskej cychnował, bě najmócniši minjenych dźesać lět. Wo tym su wjedrarjo přeswědčeni. Železniski wobchad bě dospołnje přetorhnjeny. Na wjacorych lě­tanišćach mějachu tohorunja problemy. „Friederike“ je sej znajmjeńša šěsć smjertnych woporow žadała. Z městnami naměrichu wichor sylnosće 12. Na někotrych­ blakach dyrbjachu wohnjowi wobornicy rumowanje spowalanych štomow přetorhnyć, dokelž běchu sami w žiwjenskim straše. Dźensa rano je Němska železnica zaso po planje jězdźić započała. Najebać to běchu mnohe žele­zniske čary spowróćanych štomow dla přeco hišće zaraćene. Runočasnje mějachu zamołwići składnosć, so wo zawostajenych škodach wobhonić.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND