Partija přerězna była, wjac pak tež nic

wutora, 13. měrca 2018
artikl hódnoćić
(0 )
Starša młodźina hraje, młódša młodźina přihladuje. Tak bě to njedźelu w Pančicach, jako dobychu koparjo ST Marijineje hwězdy 3:0 přećiwo hosćom z Noweho Města.  Foto: Jörg Stephan Starša młodźina hraje, młódša młodźina přihladuje. Tak bě to njedźelu w Pančicach, jako dobychu koparjo ST Marijineje hwězdy 3:0 přećiwo hosćom z Noweho Města. Foto: Jörg Stephan

ST Marijina hwězda – LSV Nowe Město II 3:0 (1:0)

Zestawa domjacych: Matik – Wróbl, Škoda, Rab, R. Hawš (46. Lipič), Jurš, Kuring, O. Hawš, Schmidt, Eldor (75. Čornak), ­Pakoßnick (78. Prasse)

W skerje srěnjej partiji wokrjesneje koparskeje ligi přesadźi so faworizowana ST Marijina hwězda přećiwo słabym hosćom z Noweho Města z 3:0. Při nalětnich temperaturach běchu domjacy hru postajacy. Hižo po 120 sekundach poskići so jim dobra móžnosć, jako steješe ­Richard Hawš po róžku Paula Schmidta nadobo dospołnje swobodny. Hawšowa třělwa ze zdalenosće dweju metrow pak prasny do Jakoba Pakoßnicka na wrotowej liniji. Dalši Schmidtowy róžk wjedźeše k 1:0 (8.) přez Alija Eldora, kiž bul ze zdalenosće pjeć metrow do wrotow zhłójčkowa. Prawa hrajna kultura pak bě w rjadach Pančičanow hakle po něhdźe poł hodźinje spóznajomna. Hosćo čakachu w tej fazy hry na kontery. We 38. min. dóstachu woni wólny kop w zdalenosći 25 metrow. Z wulkotnej paradu pak wrotar Dawid Matik wurunanju zadźěwa.

wozjewjene w: Sport
Prošu přizjewće so, chceće-li komentar podać

nawěšk

nowostki LND