Woidke: Brunica znajmjeńšahač do lěta 2040

póndźela, 08. oktobera 2018
artikl hódnoćić
(0 )

Berlin (dpa/SN). Braniborski ministerski prezident Dietmar Woidke sej žada, brunicu we Łužicy znajmjeńša hišće dwaj lětdźesatkaj wudobywać. „Brunica we Łužicy je kónčna, kaž to surowizny scyła su. Rěčimy tu wo 40tych lětach“, rjekny politikar SPD sobotu wječor we wusyłanju sćelaka ARD „Rozprawa z Berlina“. To je „porjadna perspektiwa za region. Ludźo trjebaja wěstotu, runje ći, kotřiž tam dźěłaja.“

Woidke potwjerdźi, zo njesměłoj so škit klimy a zachowanje dźěłowych měst­now mjez sobu wuhrawać. „Diskusija zwonka potrjechenych kónčin je zasadnje wopačna. Dyrbimy w Němskej runje jako industrijnym kraju narok měć, škit klimy a dźěłowe městna zwjazać.“

Zwjazkowe knježerstwo je k mjeno­wanej temje wuhlowu komisiju zasadźiło. Gremij „Rozrost, strukturna změna a dźěło­“ ma hač do kónca lěta strategiju za kónc zmilinjenja brunicy zdźěłać. ­Hišće w oktobru ma koncept wo strukturnej změnje we wuhlowymaj kónči­nomaj Němskeje předležeć.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND