Pisaki, běłe łopjena a stwa połna kreatiwnych dźěći

pjatk, 12. oktobera 2018
artikl hódnoćić
(0 )
Najprjedy je ideja trěbna, potom rěka rozmyslować, kak měli protagonisća comica wupadać a skónčnje započinaš  rysować, to rěka  zwučować wšelke formy tak na papjeru přinjesć, zo su wuprajace dosć. Jamila Žurec Najprjedy je ideja trěbna, potom rěka rozmyslować, kak měli protagonisća comica wupadać a skónčnje započinaš rysować, to rěka zwučować wšelke formy tak na papjeru přinjesć, zo su wuprajace dosć. Jamila Žurec
Hač so tak ideje za ilustracije rodźa? Jeničce holcy móžetej na to wotmołwić.

Na rjanym miłym nazymskim dnju dojědźech sej do Hornjeho Hajnka, hdźež zetka so 13 dźěći hłownje w starobje 3. do 5. lětnika na prěnju serbsku comicowu dźěłarničku. Organizował bě ju Budyski Rěčny centrum WITAJ.

Z pjerowku a ze swojim najlubšim comicom pod pažu zastupichu šulerjo do ródneho domu njeboh spisowaćela Jurja Brězana. Zuchu sej črije, slečechu so kabat a podachu so do pisanskeje stwy Brězana. Po tym zo běchu so za blido zesydali, so najprjedy mjez sobu zeznajomichu. Někotři so hižo derje znajachu – staj bratr a sotra, abo bydla w samsnej wsy. Tohodla so spočatne wobmyslenja spěšnje pozhubichu. Pod nawodom swobodnje skutkowaceho grafikarja a grafikoweho designera Šćěpana Hanuša wuknjechu wobdźělnicy – woni chodźa přede­wšěm do blišich wokolnych serbskich šulow Hornjeho Hajnka – zakłady rysowanja comicow. Zaměr bě rysowance charakter dać.

wozjewjene w: Předźenak

Galerija

dalši wobraz (1) Grafikar a grafikowy designer Šćěpan Hanuš je serbskim a serbšćinu wuknjacym dźěćom derje znaty. Jeho comicowej figurje Feliksa a Floriana wone wosebje lubuja.
dalši wobraz (2) Pisaki a papjeru – a ideje –, wjele wjac wobdźělnicy dźěłarnički njetrjebachu.
dalši wobraz (3)
Prošu přizjewće so, chceće-li komentar podać

nawěšk

  • Tež lětsa je Domowina na swjedźenskim zarjadowanju wjacorym čestnohamtsce skutkowacym Serbam Myta Domowiny, Čestne znamješko Domowny a tohorunja čestne čłonstwo třěšneho zwjazka spožčiła.  Mjez wuznamjenjenymi běchu zastupjerjo wjacorych generacijow.

nowostki LND