Swjedźenskej programaj za Juraja Kubánku

póndźela, 26. nowembera 2018
artikl hódnoćić
(0 )
Wuznamnemu choreografej Jurajej Kubánce su słowakskej a serbskej ćělesy kaž tež pře ćeljo swjedźensku galu składnostnje 90ćin wuhotowali. Foto: SN/Maćij Bulank Wuznamnemu choreografej Jurajej Kubánce su słowakskej a serbskej ćělesy kaž tež pře ćeljo swjedźensku galu składnostnje 90ćin wuhotowali. Foto: SN/Maćij Bulank

Bratislava (SN/bn). Na česć wuznamneho słowakskeho choreografa Juraja Kubánki su chór a balet kaž tež bywši rejwarjo Serbskeho ludoweho ansambla zhromadnje ze słowakskim ludowuměłskim kolektiwom SĽUK a baletom Słowakskeho narodneho dźiwadła składnostnje nje­daw­nych 90. narodninam wjelelětneho wuměłskeho nawody SLA a SĽUK w Bratislavskim starym narodnym dźiwadle wosebitej předstajeni pod hesłom „Hom­mage na mištra“ wuhotowałoj. Přidatny termin bě trěbny, dokelž běše planowana jónkrótna gala nablaku wupředata.

Prezident Słowakskeje Andrej Kiska gratulowaše Kubánce runje tak kaž ministerka kultury Ľubica Laššáková, kotraž rjekny: „Dowolće mi Wam z cyłeje wutroby wupřeć strowotu. Přeju Wam, zo zetkaće hišće wjele ludźi, kotřiž z a za Wami steja.“ Ministerstwo kultury bě tohorunja zarjadowar swjedźenja. Kubánka słuša w Słowakskej k najznaćišim akteram na polu wuměłskeje kaž tež ludoweje reje, jeho programy docpěwaja tysacy zajimcow.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND