Sakska, kaž ju molerjo widźachu

wutora, 27. nowembera 2018
artikl hódnoćić
(0 )
Wolfgang Donath wodźeše ministerku Stange a měšćanostu Böhmera (wotlěwa) po nowej wustajeńcy a rozłoži jimaj zajimawosće.  Foto: Carmen Schumann Wolfgang Donath wodźeše ministerku Stange a měšćanostu Böhmera (wotlěwa) po nowej wustajeńcy a rozłoži jimaj zajimawosće. Foto: Carmen Schumann

Budyšin (CS/SN). Wuměłc-moler Wolfgang Donath z Drježdźan rady w srje­dźišću njesteji. Hladajo pak na to, zo bě sakska ministerka za wědomosć a wuměłstwo dr. Eva-Maria Stange (SPD) na wotewrjenje wustajeńcy do Budyskeho mě­šćanskeho muzeja přišła, je wón składnosć wužił, zo by ju a Budyskeho financ­neho měšćanostu dr. Roberta Böhmera wodźił po nowej přehladce „Sakska, kaž ju molerjo widźachu“. Cyłkownje sto eksponatow, mjez nimi 70 mólbow a Mišnjanski pórclin z napohladami městow a krajin, su wšitke požčonki z wobšěrneje zběrki Donatha.

1945 w Drježdźanach rodźeny Donath, kiž běše po wukubłanju na wučerja wuměłstwowe stawizny studował, je 1966 zběrać započał. Muzeologa Falk Dießner z Mišnjanskeho Albrechtoweho hrodu wobkrući jemu wusahowacu wěcywustojnosć a wuběrne znajomosće wu­měłstwa. W Budyšinje wustajene dźěła pochadźeja z časa wot 18. do spočatka 20. lětstotka. Mnohe napohlady pokazuja Mišno, Drježdźany a wjesne kónčiny njedaloko sakskeje rezidency. Cyłkownje 30 molerjow je zastupjenych, wšitcy běchu­ chowancy Drježdźanskeje wuměłstwoweje akademije.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND