Zajim druhich skupin zbudźił

srjeda, 13. měrca 2019
artikl hódnoćić
(0 )
Čłonka młodźiny Łužiskeje aliancy Anna-Rosina Selmerojc, městopředsyda Ignac Wjesela, předsyda Hanzo Wylem-Keł a Hańžka Wjeselic (wotlěwa), posledni třo mjenowani přisłušeja Serbskemu sejmej, z wot delegatow hłowneje zhromadźizny Europskeje swobodneje aliancy přiwzatej deklaraciju wo samopostajowanju kónc minjeneho tydźenja w Brüsselu  Foto: Łužiska alianca Čłonka młodźiny Łužiskeje aliancy Anna-Rosina Selmerojc, městopředsyda Ignac Wjesela, předsyda Hanzo Wylem-Keł a Hańžka Wjeselic (wotlěwa), posledni třo mjenowani přisłušeja Serbskemu sejmej, z wot delegatow hłowneje zhromadźizny Europskeje swobodneje aliancy přiwzatej deklaraciju wo samopostajowanju kónc minjeneho tydźenja w Brüsselu Foto: Łužiska alianca

W Europskej swobodnej aliancy nazhonjenja Serbskeho sejma prašane

Brüssel (SN/at). „Europska unija ma domizna wšěm ludźom kontinenta być. Dajće nas Europu zhromadnje tworić; Europu ludźi, narodow a regionow.“ Tak rěka w zakónčacym politiskim wozjewjenju hłowneje zhromadźizny Europskeje swobodneje aliancy (EFA) wot 7. do 9. měrca w Brüsselu. Wšitcy ludźo, a zapřijate su mjeńšinowe zhromadźenstwa kaž tež tajke w diasporje, zasłužeja sej wjace respekta. Hesło zetkanja „Samopostajowanje je prawo, žane złóstnistwo“ zwurazni so zdobom w nominowanju politikarja za njewotwisnosć Katalonskeje Oriola Junquerasa, kiž sedźi w španiskim jastwje, za načolneho kandidata EFA k wólbam Europskeho parlamenta. Wobdźělnicy Łužiskeje aliancy a jako hosćo Serbskeho sejma mějachu nominowansku proceduru „za jara symboliski akt“.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND