600 lět Sernjany – zajimawe stawizniske powěsće wo delanskej wsy 6

pjatk, 26. apryla 2019
artikl hódnoćić
(0 )
Sernjanska Cyžec wjesna korčma je dźensa chětro woblubowany hosćenc za towarstwowe a swójbne swjedźenje. Předewšěm chwala sej hosćo nic jeno zbliska wuběrnje warjenu jědź.  Foto: Feliks Haza Sernjanska Cyžec wjesna korčma je dźensa chětro woblubowany hosćenc za towarstwowe a swójbne swjedźenje. Předewšěm chwala sej hosćo nic jeno zbliska wuběrnje warjenu jědź. Foto: Feliks Haza

Sernjany swjeća lětsa prěnje pisomne naspomnjenje wsy před 600 lětami. Rodźeny Sernjančan a dobry znajer stawiznow delanskich wsow Pawoł Rota je někotre stawizniske zajimawoski wo wsy zestajał, kotrež čitarjam Serbskich Nowin we wjacorych dźělach spřistupnjamy:

Knježa korčma a hospoda

Sernjanska knježa korčma přeńdźe w lěće 1772 do priwatnych rukow. Knjejstwo we wosobje Eleonora von Wobeser na Worklecach a Sernjanach předa ju za 200 tolerjow klóšterskemu poddanej Mikławšej Wjacsławkec z Kanec. Wón ju 1809 swojemu přichodnemu synej Michałej Bjeńšej přepoda.

Předawać smědźeše korčmar napoje jenož z wjesneju knježeju palernje a piwarnje. Knjejstwo pak tež stražliwosć při hospodowanju poruči, skedźbnjejo na „Räubermandat“: nikoho bjez płaćiwych wupokazow na nóclěh njepřijimać. A tola je tam w nocy na 20. awgust 1813 rano w třećej hodźinje cuzy „hantwjerkski“ bjez wupokaza a bjez pućowanskeje knižki zemrěł a bu 24. awgusta w Ralbicach pochowany.

wozjewjene w: Předźenak
Prošu přizjewće so, chceće-li komentar podać

Serbska debata

nowostki LND