Wosobinsce chwalbu wuprajił

wutora, 21. meje 2019
artikl hódnoćić
(0 )
Spodobny nalětni koncert bě muski chór Delany pod wuměłskim nawodom Pawoła Šołty-Kulowskeho minjeny pjatk na žurli Worcynskeho hrodu wuhotował. Knjez domu,  hrabja Alfred zu Solms-Sonnewalde, je hosći z wokoliny a předewšěm delanskich spěwarjow wosobinsce tež w serbskej rěči witał. Foto:  SN/Maćij Bulank Spodobny nalětni koncert bě muski chór Delany pod wuměłskim nawodom Pawoła Šołty-Kulowskeho minjeny pjatk na žurli Worcynskeho hrodu wuhotował. Knjez domu, hrabja Alfred zu Solms-Sonnewalde, je hosći z wokoliny a předewšěm delanskich spěwarjow wosobinsce tež w serbskej rěči witał. Foto: SN/Maćij Bulank

Z lubosću k serbskemu spěwej a njezlemjenym zapalom je Serbski muski chór Delany minjeny pjatk wječor na hrodowej žurli we Worcynje nalětni koncert wuhotował. Załožba za serbski lud bě projekt spěchowała.

Worcyn (CRM/SN). Wulka překwapjenka rjaneho wječora serbskeho spěwa bě, zo knjez Worcynskeho hrodu, hrabja Alfred zu Solms-Sonnewalde, hosći z wokoliny a předewšěm delanskich spěwarjow wosobinsce w swojim domje witaše a chórej po programje swoju rewerencu wupraji. A činješe to serbsce. Wučerka na wuměnku a agilna kulturnica Róža Pinkawina běše wězo kaž přeco wšitko derje organizowała. Pola njeje je so hrabja, kiž bě sej po politiskim přewróće raj swojeho dźěćatstwa blisko Wósporka wróćo zdobył, w serbšćinje wukmanił.

wozjewjene w: Kultura
Prošu přizjewće so, chceće-li komentar podać

Serbska debata

nowostki LND