Wosrjedź škitanych kónčin

pjatk, 23. awgusta 2019
artikl hódnoćić
(0 )
Na pohladnicy z lěta 1913 je korčma w Jatřobje zwobraznjena. archiw Herberta Probsta Na pohladnicy z lěta 1913 je korčma w Jatřobje zwobraznjena. archiw Herberta Probsta

Jatřob we Wulkodubrawskej gmejnje zhladuje na 600lětne stawizny

Runja Jatřobjej (Jetscheba) swjeća lětsa wjacore hornjołužiske sydlišća 600. róčnicu prěnjeho naspomnjenja. Hobbyjowi historikarjo, wjesni chronisća a domiznowědnicy su ze swojim wobšěrnym dźěłom k tomu přinošowali podeńdźenja zańdźenosće wobchować, zo njebychmy na nje pozabyli. Woni wšitcy smědźa so za swoje wsy – kaž su to tež Brěmjo (Brehmen), Kobjelń (Göbeln), Zdźar (Särchen), Zdźěr (Sdier), Zubornička (Kleinsaubernitz) a mnohe dalše – na samsne wopismo powołać: na register dochodow Budyskeho krajneho bohota za lěto 1419.

Zwučenej dnjej, swoje dyrbizny wotedać, běštej nalěto na Wałporu, 30. apryla, a nazymu na swj. Michała, 29. sep­tembra. Poddanojo mějachu pjenježne dawki a naturalije wotedać, ale tež wo­jerske słužby běchu po potrjebje žadane. To móhli skowane brónje runje tak być kaž nućene rekrutěrowanja. Wotedawki Jatřobjanow na Wałporu běchu po wšěm zdaću pjenjezy. Wšako žnjowe składy nalěto­ wjace tak derje pjelnjene nje­běchu.

wozjewjene w: Předźenak

Galerija

dalši wobraz (1) Prěni nakład zajimaweje brošurki wo stawiznach Jatřobja je hižo rozebrany, tak zo bě druhi trěbny.
Prošu přizjewće so, chceće-li komentar podać

Serbska debata

nowostki LND