Jubilej křesćanskeho kubłanišća
Kamjenc. Dokładnje před 300 lětami bu w bywšej Kamjenskej Serbskej kapałce Cyrkej katechizma wutworjena. Składnostnje jubileja přeproša ewangelsko-lutherska wosada Kamjenc-Hlinka dźensa, pjatk, w 19 hodź. na přednošk dr. Hansa-Jochena Kühneho wo stawiznach křesćanskeho kubłanišća, kotrehož załožer bě Johann Gottfried Lessing. Jutře slěduja wot 13 hodź. wodźenja mjez druhim po łubi Božeho domu.
Filozofija Lotzeho w fokusu
Budyšin. Rudolf Hermann Lotze słuša k dźensa skerje njeznatym filozofam, kotřiž přiwšěm wobstajnje na najwšelakorišich polach wliw wukonjeja. Předewšěm je so „hódnotam“ wěnował a tak hač do dźensnišeho trajacy interdisciplinarny diskurs nastorčił. Jutře, sobotu, rozłoži Ulrich Schollmeyer na přikładźe swojeho modela kaž tež recitujo teksty mysle wo stawiznach, kotrež „njeběža po předstawje Lotzeho ani w kole ani jako spirala“. Přednošk w Muzeju Budyšin započnje so w 15 hodź. Popłatk wučinja 7 eurow resp. potuńšeny 2 euraj.
Předstaji debitowy album
