Dźěłarnja Dźěłań dźeń, Kamjentny dom, Krječmarjec kniharnja, Wjenkec rěznistwo, hosćenc Zeleny pysk a wobchod Zeleny róžk – tele Budyske adresy su wot wčerawšeho hač do 11. nowembra z hosćićelom wustajeńcy „#Provinzliebe?“. Z přehladku prezentuja wuměłcy Brim.Borium, Henry Töpfer, Melanie Gürtler, Franziska Paniz a Dimitar Stoykow swoje mólby, miniatury, instalacije, plakaty a portrety w sprjewinym měsće, z kotrymž su na najwšelakoriše wašnje zwjazani. Foto: Irena Janiw

„Struktura za tym“ je titl tróšku njewšědneje wustajeńcy w baroknej kubłowej kapałce Rudna (Reuden, město Kalawa), w kotrejž předstaja socialny dźěłaćer, rěčewědnik a grafikar Lutz Schoenherr z pfalcskeho Edenkobena hłownje w stilowej formje hard edge­ (kruta kroma) molowane abo ćišćane twórby. Wuchadźišćo jeho wobrazow su skoro přeco geometriske zakładne formy kruh, kwadrat a třiróžk. W centrumje přehladki, kotraž je hišće hač do 12. septembra wšědnje wot 10 do 18 hodź. přistupna, steja­ twórba „Marrakesch 6“ (srjedźa před wołtarom) a wjacore serije wurězkow z njeje. Foto: Renate Uckrow

„Serbski tranzit“ je dźiwadłowy kruch interdisciplinarneho kolektiwa SINT, kotryž pokazuja wot dźensnišeho njedaloko Choće­bu­za. Z busom podawaja so wopytowarjo takrjec „do zemje Łužicy, hłuboko do žiłow serbskeje mytologije“, pišu zarjadowarjo. Premjera je dźensa w 19 hodź., dalše předstajenja su 28. a 29. awgusta kaž tež 4. a 5. septembra, stajnje w 19 hodź. Foto: Robert Engel

Čitajće w nowym rozhledźe (27.08.21)

pjatk, 27. awgusta 2021 spisane wot:

Foto Hórnikecy (wjeršk točidła z ćernjowku) Jürgena Maćija debi titul aktualneho wudaća. Z nim dokumentuje wón industrijowe powostanki. Dlěje hač 40 lět wěnuje so Maćij Łužicy we wšěch jeje fasetach. Wuběr jeho fotow je lětsa pod titulom „Tief im Osten – Die Lausitz im Wandel 1976–2020“ wušoł. Eva Gaeding je so z publikaciju zaběrała a ju čitarjam na wutrobu kładźe. Dalša recensija je wot Cosimy Stracke-Nawka, kiž je sej mytowany film „Jaja“ Nory Wendt a Helle Stolecki wobhladała a spytała jeho wobrazowu rěč dodnić. Jeli chceće sej wo filmje swój­ski zaćišć stworić, składnostnje Nysoweho filmoweho festi­wala pokazaja jón 19. septembra w Budyskim Kamjentnym domje.

Evelyn Fiebiger je so składnostnje 250. narodnin organista, komponista a hudźbneho pedagogi při Krajnostawskim wučerskim seminarje z Augustom Bergtom rozestajała, rysuje jeho žiwjenjoběh a jeho spomóžne skutkowanje.

Hódančko (27.08.21)

pjatk, 27. awgusta 2021 spisane wot:

Jeli pytane słowa 1–11 prawje wuhódaće, wučitaće w srjedźnymaj rjadomaj pomjenowanje za łužiske město.

1 francoska stolica, 2 ćěłozwučowanje, 3 lubowar rjanosće, 4 žort, wjesołosć, 5 sydło bohow, 6 šwicarske město, 7 grjekska kupa, 8 europski mórski kraj, 9 wón šije, 10 čěska stolica, 11 lěkarske wobkrućenje

Dóńty židowskich jatych steja w srjedźišću wuměłstwoweho projekta we wobłuku festiwala „Přińć a woteńć“, kotryž dožiwi dźensa, 20. awgusta, w 19.30 hodź. w Budyskim wopomnišću premjeru. Mjez druhim přenjesu Daniel Dorsch, David Brand, Julian­ Pešek a Wenzel Konjen (wotlěwa) nazhonjenja jatych do hudźby a pohibowanja. Foto: SN/Božena Šimanec

Linija (20.08.21)

pjatk, 20. awgusta 2021 spisane wot:
Jeli wot wupokazaneho spočatka po liniji dale dźeće, wučitaće prajidmo.

Płastowka (13.08.21)

pjatk, 13. awgusta 2021 spisane wot:
1 susodny kraj, 2 stolica Bołharskeje, 3 sewjeroeuropski kraj, 4 jara rjana, 5 teritorialne jednotki w Ruskej ­a druhdźe, 6 pozbudźowarjo mustwa, 7 princip, zakonitosć, 8 Drježdźanske koparske mustwo, 9 předmjeno koparja Kimmicha

Dźensa zahaji Přirodoškitny zwjazk „Lěćo překasancow“. Hač do 10. awgusta wupytajće sej rjany blečk w přirodźe a ličće tam hodźinku wšitke insekty, wšojedne hač su mjetelčki, bruki abo čmjeły. Pod wozjewjeny je formular, hdźež nańdu zajimcy tež tak mjenowany insektowy trainer kaž tež wosebitu app, kotrejž postajenje překasancow wolóžatej. Foto: Peter Becker

Křižowka (06.08.21)

pjatk, 06. awgusta 2021 spisane wot:

Wodorunje: 3 małe wódnišćo, 5 městno za sedźenje, 6 prazwěrjo skrótš., 7 Faden serbsce, 10 lubosć italsce, 13 pomjenowanje za Jerusalem, 14 ze štomami wobdata hasa, 15 forma komunikacije e-...

Padorunje: 1 elefant, 2 kwasna wosoba, 3 prěni čłowjek po Starym zakonju, 4 muski hłós, 8 kupa Balearow, 9 zwjazowace wódnišćo, 11 předznamjo, 12 zapal

Serbska debata

nowostki LND