Wot junija prezentuje so serbski tele­wizijny magacin Wuhladko w nowym ­šaće, mjenujcy z wjetšimi płoninami ­za wulke wobrazy a panoramy, kotrež mnohostronskosć serbskeho žiwjenja ­hišće lěpje pokazuja. Po wjacorych lětach w znatym designje bě nětko načasu, nowe ­puće kročić. Wšako so tež wašnje, kak ­přihladowarjo a přihladowarki telewi­zijny program sćěhuja, stajnje měnja. Wo tym přeswědčić móža so zajimcy ­jutře, sobotu, w 11.45 hodź. na sćelaku MDR. Mjez druhim rozprawjeja tam ­wo rozpušćenju Sakskeho wukubłan­skeho a wupruwowanskeho kanala SAEK. Jeho Budyska wotnožka je jara ­wjele pioněrskeho dźěła na polu serbskeje rěče w elektroniskich medijach wukonjała. Nětko so prašeja, kak z tym dale póńdźe.

We Wuhladku zaběraja so tež ze stolětnymi sta­wiznami Drježdźansko-Mišnjanskeje diecezy, kotruž bě bamž ­Benedikt XV. lěta 1921 znowa załožił, po tym zo bě něhdyše biskopstwo Mišno za čas reformacije zašło. Nimo toho ­předstaja dwurěčnu zawodowu nowinu, kotruž su njedawno w zawodźe TDDK w Nadróžnej Hrabowce wudali.

Z wosebitymi poskitkami

Budyšin. Z wosebitym kóncom tydźenja a podlěšenym wotewrjenskim časom wabi Budyski Serbski muzej zajimcow do města. Jutře w 10 hodź. poskića tam wodźenje po wustajeńcy „Barby daliny – Moler Ante Trstenjak a Łužiscy Serbja“ a kreatiwnu zaběru za swójby. Popołdnju w třoch změja potom kuratorske wodźenje po přehladce w němskej rěči a hodźinu pozdźišo w serbskej rěči. Zajutřišim, njedźelu, swój poskitk w samsnych časach wospjetuja. Płaćiwych postajenjow korony dla pak je trjeba so do toho přizjewić a sej termin dojednać, pak z e-mailku na pak pod tel. čo. 03591/270 870 11. Dale dyrbja wšitcy hosćo wot wosom lět aktualny negatiwny wuslědk koronatesta předpołožić. Šćěpjeni a wustrowjeni maja to z formularom dopokazać. Hač do 18. junija pokazuja w Serbskim muzeju tež hišće pućowansku přehladku Serbskeho instituta „Swoboda kiwa“.

Zazběh komornych koncertow

Jeli pytane słowa 1–11 prawje wuhódaće, wučitaće z wuzběhnjeneju rjadow skupinku předewšěm dźěći

1 dźěło ratarja w nalěću, 2 wudźěłk z mloka, 3 žro, 4 zachod do jstwy, 5 twarski material, 6 družina bencina, 7 přez nje słónco do jstwy swěći, 8 myslička, 9 wjes Luppa serbsce, 10 sportowc chce je třělić, 11 spěw w operje

Štwórtk 27. do 29.5.   3. zetkanje syće młodych akademikarjow-sorabistow – online

Pjatk 28.5. 19:30 Koncert ansambla CALMUS w Budyskej Marje-Marćinej cyrkwi

Sobotu 29.5. 10:00 Wodźenje po wustajeńcy „Barby daliny“ a kreatiwna zaběra za swójby w Budyskim Serbskim muzeju (po přizjewjenju)

  15:00 Kuratorske němskorěčne wodźenje po wustajeńcy „Barby daliny­“ w Budyskim Serbskim muzeju (po přizjewjenju)

  16:00 Kuratorske serbskorěčne wodźenje po wustajeńcy „Barby daliny­“ w Budyskim Serbskim muzeju (po přizjewjenju)

Njedźelu 30.5.    Wirtuelny dźeń chěžow ze stołom

  10:00 Serbsko-němske kemše w Dešnje

  10:00 Wodźenje po wustajeńcy „Barby daliny“ a kreatiwna zaběra za swójby w Budyskim Serbskim muzeju (po přizjewjenju)

  15:00 Kuratorske němskorěčne wodźenje po wustajeńcy „Barby daliny­“ w Budyskim Serbskim muzeju (po přizjewjenju)

  16:00 Kuratorske serbskorěčne wodźenje po wustajeńcy „Barby daliny­“ w Budyskim Serbskim muzeju (po přizjewjenju)