Z wudaća: štwórtk, 13 apryla 2017

Mnohich zajimcow je wčera wosebity poskitk Kamjenskeje měšćanskeje informacije w Haninej cyrkwi přiwabił. Zobelec mandźelskaj Friederike a Eberhard staj tam jutrowne jejka po znatych serbskich technikach debiłoj. Maćerje z dźěćimi, wowki z wnučkami, ale tež dalši su składnosć wužiwali jimaj raz přez ramjo hladać. Tež skupina šulerkow pod nawodom swojeje kubłarki knjenje Stöhr je so we wobłuku cyłodnjowskich poskitkow z debjenjom jutrownych jejkow zeznajomiła. Eberhard Zobel jim pokaza, kak debjerjo techniku wóskowanja a bosěrowanja prawje nałožuja. Foto: Feliks Haza

wozjewjene w: Serwis
štwórtk, 13 apryla 2017 14:00

Wo knihach a kniharni (13.04.17)

Hdyž so z Lipšćanskich knižnych wikow wróćiš, so će ludźo zwjetša prašeja: Na, kak je było? Što mějachu tam noweho? Wudani so za was docyła, zo maće tam wustajenišćo? Najspěšniše wotmołwy na to su: Bě zajimawe a napinace. Wjele knihow mějachu w poskitku, sobotu bě najwjace ludźi. Hač so wudani, njehodźi so w ličbach rjec.

Ale sprawnje prajene – wiki maja atmosferu, kotruž njemóžeš tak bjeze wšeho wopisać. Hdyž rano na wustajenišćo přińdźeš, to zetkaš wjele znatych. Nakładnistwa w susodstwje so mjeztym znaja. Zwjetša ma kóžde swoje wustajenišćo hižo wjacore lěta na samsnej městnosći. Hdyž su wiki za publikum hišće zawrjene, móža wustajerjo, druhdy tež jenički króć na cyły dźeń, sej te abo tamne stejnišćo woměrje wobhladać. Tak dyrbiš so rozsudźić, hač dźeš k dźěćacym kniham do druheje hale pohladać, přez syłu čakacych wopytowarjow, abo wostanješ w hali, hdźež sy.

wozjewjene w: Wo knihach a kniharni
štwórtk, 13 apryla 2017 14:00

Protyka (13.04.17)

Pjatk 14. do 17.4.  Jutry w Małowjelkowskim prazwěrjencu

   Wustajeńca jutrownych jejkow w Patokec bróžni na Horach (stajnje wot 10 do 17 hodź.)

   Jutrowna wustajeńca w Zabrodskim jutrownojejkowym muzeju (stajnje wot 10 do 17 hodź)

   Jutrowna wustajeńca w Slepjanskim Serbskim kulturnym centrumje

  10:00 Debjenje jutrownych jejkow w Budyskim Serbskim muzeju

  10:00 Jutry w Hórnikečanskej energijowej fabrice

  14:00 Debjenje jutrownych jejkow w Kamjenskim Muzeju zapadneje Łužicy

  14:00 Jutrowne třělenje při Lubijskej wěži při hosćencu

  16:00 Jutrowne spěwanje z chórom Łužyca w Dešnjanskej cyrkwi

  19:30 Budyska wěžowa krimijowa nóc

Sobotu 15. a 16. 4. 10:00 Debjenje jutrownych jejkow w Budyskim Serbskim muzeju

  11:00 Debjenje jutrownych jejkow a pokazka křižerja w Budyskej SKI

  15:00 Jutrowny program z folklornej skupinu Sprjewjan a rejwanskej skupinu Smjerdźaca w Budyskim Serbskim muzeju

  17:00 Folklorny program „Moja reja“ w Budyskim SLA

  17:00 Jutrowne spěwanje w Čornym Chołmcu

  18:00 Jutrowne trubjenje na Budyskim Hrodźišku

Njedźelu 16.4. 5:00 Jutrowne spěwanje w Rubynje

  5:30 Jutrowne spěwanje před Slepjanskej cyrkwju

wozjewjene w: Protyka
štwórtk, 13 apryla 2017 14:00

Sport (13.04.17)

Běh wokoło hata

Sportowe towarstwo Natwar Němske Pazlicy zarjaduje jutrownu póndźelu, 17. apryla, zaso ludosportowy běh kołowokoło Němskopazličanskeho wulkeho hata. 12. raz chcedźa tam jutrowne jejka wotběhać, a to bjez wubědźowanskeho charaktera. Start budźe w 10 hodź.

Pytaja dale dorost

Lodosport Běła Woda (ESW) pyta za sezonu 2017/2018 lodohokejistow. Srjedu, 19. apryla, a štwórtk, 20. apryla, stajnje wot 12 do 16.30 hodź. budźetej dalšej testowej treningowej dnjej. Za nowu hrajnu dobu pyta ESW motiwowanych dorostowych lodohokejistow lětnikow 1999 do 2004.

Wotewru zelenu sezonu

Jěchanske sportowe towarstwo Kulow wotewrje njedźelu, 30. apryla, zelenu sezonu z jěchanskim a skakanskim turněrom na tamnišim jěchanišću. Započatk budźe w 10 hodź. Pruwowanja su křižne skakanje hač do starobneje klasy 18 lět bjez kałanja / E-skakanje z kałanjom / wubědźowanje za dźěći / A-skakanje z kałanjom a L-skakanje z kałanjom. Zaměr je, konje na turněry zwučić a jich wukonliwosć po zymskej přestawce přepruwować.

Dalši koparski camp

wozjewjene w: Sport
štwórtk, 13 apryla 2017 14:00

Rozhłós (13.04.17)

ćichi pjatk, hornjoserbsce

11:00 Aktualne powěsće

11:10 Ewangelscy křižerjo w katolskich procesionach

11:20 Serbski rekwiem

12:00 Ew. nabožne wusyłanje

 (superintendent Jan Malink)

po tym hudźba

delnjoserbsce

12.30 Nabožne wusyłanje  (Cyril Pjech) 

12:40 Oratorij Korle Awgusta Kocora „Serbski rekwiem“

13:20 Woznam ćicheho pjatka za křesćanow

13:30 Jutrowne kulturne pokiwy z regiona a přehlad jutrowneho programa w delnjoserbskim radiju

jutrowničku, hornjoserbsce

11:00 Powěsće tydźenja z aktualnosćemi dnja – mjez druhim wo wujěchanju křižerjow

11:20 Oratorij Korle Awgusta Kocora a Handrija Zejlerja „Nalěćo“

12:00 Katolske nabožne wusyłanje

 (farar Tomaš Dawidowski)

po tym zbožopřeća

delnjoserbsce

12:30 Aktualny magacin z powěsćemi tydźenja, mjez druhim přinošk „Prěnje serbske tele­wokno před 25 lětami“ a wo pryzlach w jutrownej nocy

13:00 Jutrowne wuchodźowanje

13:30 Nabožne wusyłanje (Cyril Pjech)

po tym gratulacije

jutry póndźelu, hornjoserbsce

11:00 Aktualne powěsće

11:10 „To běchu lětuši křižerjo“ – přehlad wo lětušich křižerskich procesionach z ličbami a po­dawkami

wozjewjene w: Rozhłós
štwórtk, 13 apryla 2017 14:00

Krótkopowěsće (13.04.17)

Chcedźa dale wojować

Drježdźany. Towarstwo „Dlěje zhromadnje wuknyć“ chce tež po schwalenju noweho sakskeho šulskeho zakonja wo swoje zaměry wojować. Nowy zakoń jeho čłonow při tym „motiwuje“, kaž woni praja. Towarstwo dźělenje rjadownjow po 4. lětniku wotpokazuje. Krajny sejm bě wutoru z hłosami CDU a SPD wobzamknył, zo so wobstejacy system njezměni.

Dźěćo do jězora padnyło

Wownjow. Při tak mjenowanej předzawěrje Budyskeho spjateho jězora pola Wownjowa (Oehna) je dźensa dopołdnja pěstowarske dźěćo do wody padnyło. Alarmowani wohnjowi wobornicy tři­lětnu holcu z wody wućahnychu a re­animěrowachu. Z helikopterom dowjezechu holčku do chorownje. Kak bě k nje­zbožu dóšło, policija přepytuje.

Bamž: Měr na swěće zachować

wozjewjene w: Krótkopowěsće
štwórtk, 13 apryla 2017 14:00

Fachowa šula wobsteji 25 lět

Zetkanje na kubłanišću dopomnjenki a mysle do přichoda wuwabiło

Budyšin (SN/MiR). Bywši a nětčiši šulerjo Budyskeje Serbskeje fachoweje šule za socialnu pedagogiku woswjećichu wčera 25lětne wobstaće kubłanišća. Jako wonkowne znamjo za serbske kubłanišćo sadźichu na terenje Budyskeho powołanskošulskeho centruma (BSZ) za hospodarstwo a techniku, kotremuž je šula přirjadowana, młódnu lipu.

„Sadźimy lipu za serbsku fachowu šulu, dokelž je lipa štom Serbow“, zwurazni nawodnica socialneho wobłuka Elke Jäckel. „W minjenych 25 lětach smy w direktnym wukubłanju něhdźe sto serbskorěčnych kubłarjow a kubłarkow wukubłali. K tomu přińdu w zašłych dźesać lětach hišće něhdźe štyrcećo, kotřiž su powołanje po puću powołanje přewodźaceho wukubłanja nawuknyli“, rjekny wučer a fachowy poradźowar za socialnu pedagogiku dr. Hubertus Šenk.

wozjewjene w: Kubłanje
štwórtk, 13 apryla 2017 14:00

Dostojnosć kontra komercej

Měrćin Weclich

„Jutry su mjez zarjadowanjemi a swjedźenjemi w Hornjej Łužicy najwuznamniše a drje najrjeńše w běhu lěta. Wone maja w regionalnym marketingu swoje wažne městno. To wosebite a jónkrótne w tym nastupanju je, zo je přez cyły do a jutrowny čas bohatosć tradicijow a nałožkow Serbow za hosći widźomna a dožiwjomna. To je žiwa dwurěčnosć, kotruž ma serbski lud na sebi. Pytnjemy to přewažnje na wjele naprašowanjach žurnalistow, pućowanskich zarjadowarjow a indiwidualnych wopytowarjow.“ Takle praji na moje prašenje 0laf Franke, šef Marketingoweje towaršnosće Hornja Łužica-Delnja Šleska, kak wón jutry a z nimi zwjazane zwičnjenje turizma w Hornjej Lužicy posudźuje.

Zawěrno: Hotele a pensije su dosć derje wuknihowane. Busowe předewzaća z cyłeje Němskeje a wukraja budu z wćipnymi pućowacymi jutrowničku tež na serbskich wsach po puću, zo bychu sej křižerske procesiony wobhladali. Awtowe znamješka na parkowanišćach přichodnu njedźelu pokazaja, zwotkel so ludźo do katolskeje serbskeje Łužicy dóstawaja a so za naše poselstwo zrowastanjenja zajimuja.

wozjewjene w: Rozmyslowane
štwórtk, 13 apryla 2017 14:00

Wjace serbskosće w starym měsće

Wojerowski cityjowy management ma serbsku rěč a kulturu do dalšeho wuwića města zapřijeć. Wobchodnicy móhli tónle proces bjeze wšeho wobohaćić. To podšmórny předsyda Dirk Nasdala po wutornym posedźenju přirady za serbske naležnosće Zusoweho města.

Wojerecy (AK/SN). „Wosebje w priwatnym wobłuku nastupajo wuhotowanje wukładnych wonknow a firmowych taflow su rezerwy“, rozłoži Dirk Nasdala. Za poradźeny přikład ma wón lěkarsku praksu Rys na Cyrkwinskej hasy.

wozjewjene w: Łužica
štwórtk, 13 apryla 2017 14:00

Wosebitosć jutrow w Budyšinje

Runje tak kaž na serbskich a dwurěčnych wsach hotuja so tež w Budyšinje na jutry. Za lětsa je w sprjewinym měsće hišće wjac serbskosće připowědźene. Dźensa přihotowaše na přikład Nowojasčanka Monika Cyžowa we wukładnym woknje wobchoda napřećo Budyskej radnicy klanki, předstajace serbski katolski kwasny ćah. Sobotu budźe po mnohich lětach přestawki Serbska kulturna informacija na Póstowym naměsće zaso wotewrjena, hdźež maja za wšitkich zajimcow tohorunja wosebity jutrowny přinošk z křižerjom přihotowany. Foto: SN/Maćij Bulank

wozjewjene w: Kultura

Serbska debata

nowostki LND