Z wudaća: wutora, 18 apryla 2017

Berlin (SN). Zwjazkowy sejm je rozprawu społnomócnjeneho zwjazkoweho knježerstwa za narodne mjeńšiny Hartmuta Koschyka (CSU) wozjewił.

Rozprawa skići přehlad wo ćežišćach dźěła zwjazkoweho społnomócnjeneho na dobro mjeńšin a wusydlerjow w zašłym lěće. Zo je škit narodnych mjeńšin w Europje wažna naležnosć, pokazuje so mjez druhim w tym, zo je wonkowny minister Sigmar Gabriel (SPD) mjeńšinowu politiku jako jedne z ćežišćow za čas deklarował, jako bě Němska loni z předsydku Organizacije za wěstotu a zhromadne dźěło, Koschyk piše.

Hladajo na narodne mjeńšiny naliča rozprawa najwšelakoriše zarjadowanja a rozmołwy. „Lěto 2016 bě dosć wuspěšne. Móžu na wuspěchi a wjele dobrych přikładow poradźeneje integracije, sebjewědomja a dobreho dźěła zhladować. Dźakuju so wšitkim, kotřiž su so z wulkim angažementom za wusydlencow, wuhnatych a za narodne mjeńšiny zasadźowali. Bjez jich dźěła njeby tež moje dźěło wuspěšne było.“

wozjewjene w: Kraj a swět
wutora, 18 apryla 2017 14:00

.... zo běchu to turisća

W pisanym programje ćichu sobotu w Budyšinje bě za nimale kóždeho něšto pódla. Radźenej běštej premjera jutrownych wikow na Hłownym torhošću runje tak kaž poskitk w Serbskej kulturnej informaciji, hdźež móžachu zajimcy wot Bjarnata Cyža tójšto wo křižerjach zhonić. Tróšku pod kožu šło pak je mi předstajenje „Moja reja“ w Serbskim ludowym ansamblu. Wosebje zapal rejwarjow a rejwarkow, jich wukon zwoprawdźejo mišterske choreografije Jurja Kubańki, je w publikumje sylny a wobdźiwacy wothłós našoł. Zas a zaso někotři wopytowarjo ze spontanym scenowym přikleskom swoju sympatiju za runje widźane zwuraznichu. Chcył twjerdźić, zo běchu to turisća, kotřiž snano njejsu tajke něšto w Budyšinje wočakowali. Dźak słuša tohodla wšitkim wobdźělenym ansamblowcam – spěwarjam, rejwarjam a hudźbnikam. Jich přinoški jutry w měsće dale trjebamy. Axel Arlt

wozjewjene w: Kultura
wutora, 18 apryla 2017 14:00

Koncept integracije předźěłać

W Zhorjelskim wokrjesnym sejmiku wo wukrajnikach debatowali

Zhorjelc (AnB/SN). W časach, jako masiwny přichad ćěkancow wšudźe wulke diskusije zbudźi, bě Werner Genau kwality managera dopokazał. Je to předewšěm zasłužba wjelelětneho decernenta, zo je swój čas w Zhorjelskim wokrjesu takle měrne wostało, jako stejachu komuny w prašenju azyla před wulkimi wužadanjemi, měnješe krajny rada Bernd Lange (CDU) na njedawnym posedźenju wo­krjesneho sejmika. Tam su Wernera Genauwa­ oficialnje na wuměnk roz­žohnowali.

Přićah azyl pytacych bě lěta 2014 sylnje přiběrał. Wot lěta 2016 so połoženje zaso změrowa. Kónc minjeneho lěta by­dleše na teritoriju Zhorjelskeho wokrjesa hišće nimale 1 800 ludźi w zhromadnych přebywanišćach abo bydlenjach. Nimo wjacorych zhromadnych přebywarnjow maja we wokrjesu 261 bydlenjow, w kotrychž su ćěkancy zaměstnjeni, najwjace z nich w Zhorjelcu.

wozjewjene w: Łužica
wutora, 18 apryla 2017 14:00

Zeman faworit?

Praha (ČŽ/K). Přichodne wólby prezidenta Čěskeje republiki, kotrež wotměja so w januaru 2018 – při tym direktnje hłowu stata druhi raz wuzwola –, jewja swoje sćiny w podobje zwěsćowanja šansow kandidatow na zastojnstwo. Dobre šansy ma po woprašowanju agentury Media nětčiši prezident Miloš Zeman, kotrehož faworizuje 37 procentow wolerjow. Z wotstawkom sćěhuje předewzaćel-tekstar Michal Horáček z 20 procentami před něhdyšim předsydu Akademije wědomosćow Čěskeje Jiříjom Drahošom ze 17 procentami. Dalši kandidaća bjezwuhladnje zady wostanu. Lěkarja-aktiwistu Mareka Hilšera chcyło jenož dwaj procentaj ludźi wolić, předewzaćela Igora Sládka jedyn procent. Eksperta agentury Media Daniel Prokop ma za to, zo budźe Zeman w prěnim kole sylny, w druhim pak móhł so poměr mocow wurunać. Po nazhonjenjach je z tym ličić, zo dadźa wysokošulsce zdźěłani swój hłós liberalnemu riwalej Zemana, mjeztym zo so starši wolerjo z bóle konserwatiwnym nastajenjom dotalnemu prezidentej přichileja. Media je so w prěnjej dekadźe apryla po cyłym kraju 1 008 wobydlerjow woprašowała.

wozjewjene w: Słowjanski wukraj
wutora, 18 apryla 2017 14:00

Zeleny štwórtk wulkotnje do bula kopali

Sokoł Ralbicy/Hórki – LSV Hory 5:2 (3:0)

Zestawa domjacych: K. Gloxyn – Rawš, Šewc, Korjeńk, M. Matka – Šołta, D. Gloxyn, Wałda (38. Kř. Matka), Wowčerk – Kurjat (78. J. Bjeńš), Domaška (28. B. Bejma)

Hry přećiwo LSV Hory běchu w zašłosći stajnje napjate boje. Tónkróć pak bě duel jasna naležnosć za domjacych, byrnjež personalna situacija Sokołow tež hižo raz lěpša była. Stefan Bjeńš a Bosćij Bjeńš so wotzjewištaj, Tomaš Bejma je dale zranjeny, Bosćij Bejma steješe hišće na awtodróze a Heiko Zynda dyrbješe při sćoplenju bolosćow w kolenu dla wotprajić. Na zbožo wupomha Konječan Dirk Šołta, kiž smě za Sokoł kaž tež mustwo w Choćebuzu za bulom běhać.

wozjewjene w: Sport
wutora, 18 apryla 2017 14:00

Widźał, słyšał, napisał (18.04.17)

Awtor dźensa Jan Macka

Lube sportowče a lubi sportowcy, jutrowne haleluja zaklinča zaso radostnje a krasnje w našich křižerskich procesionach. W nich běše tež wulka syła aktiwnych sportowcow, kiž poselstwo­ zrowastanjeneho Jězu Chrysta na dostojne wašnje wozjewjachu. Wosebje hordy běch, hdyž wuhladach mojeho syna Uwe ze slěbornym a wnučka Paula ze zelenym wěnčkom.

wutora, 18 apryla 2017 14:00

Běhi w Biskopicach

W Biskopicach je so sobotu k 40. razej na dołhich čarach běhało. Wobdźěliło bě so 425 běharkow a běharjow, a to na pjeć wšelakich distancach. Najdlěša z nich bě 21,1 km, najkrótša 800 m. Budyski běhar Jurij Nuk je tam na čarje 4,5 km startował a w starobnej klasy prěnje městno wob­sadźił. Leo Čórlich z Němcow bu na sam­snej čarje w starobnej klasy šesty. SN

wozjewjene w: Sport
wutora, 18 apryla 2017 14:00

Na wrota třěleć pozabyli

ST Horni kraj Sprjewja – SJ Chrósćicy 2:0 (1:0)

Zestawa domjacych: Králíček – Pöpel (46. Domaška), Cyž, Sentivan, Šafář, Młynk (46. Dórnik), Schulze (74. Bětnar), Runt, Henčl, Věchet, Žur

wozjewjene w: Sport
wutora, 18 apryla 2017 14:00

Wuslědki (18.04.17)

Regionalna koparska liga

RB Lipsk II – Meuselwitz 1:1 (0:0)

Energija Choćebuz – Neustrelitz 6:1 (3:0)

Nordhausen – Jena2:4 (1:3)

Luckenwalde – Fürstenwalde 3:2 (1:1)

Lok Lipsk – Auerbach 1:3 (0:0)

FC Viktoria – Babelsberg 03 2:1 (1:1)

Schönberg – BFC Dynamo 3:0 (2:0)

Hertha BSC II – Berlinski AK 2:0 (1:0)

Neugersdorf – Budissa Budyšin 2:0 (1:0)

1. Jena  28 57 : 18 65

2. Energija Choćebuz  28 48 : 19 58

3. RB Lipsk II  28 54 : 33 50

4. Berlinski AK  27 44 : 35 47

5. FC Viktoria  28 55 : 40 46

6. Babelsberg 03  28 41 : 35 43

7. Hertha BSC II  28 37 : 37 41

8. Neugersdorf  28 33 : 25 40

9. Auerbach  28 41 : 40 39

10. Nordhausen  26 36 : 37 39

11. Lok Lipsk  27 43 : 42 37

12. Meuselwitz  28 27 : 28 35

13. Schönberg  28 41 : 51 34

14. BFC Dynamo  26 43 : 44 33

15. Fürstenwalde  28 36 : 55 29

16. Luckenwalde  28 32 : 56 23

17. Budissa Budyšin  28 23 : 50 15

18. Neustrelitz  28 23 : 69 7

Krajna koparska liga mužow

Markkleeberg - Rapid Kamjenica0:3 (0:1)

1. Eilenburg  21 61 : 16 55

2. Kamjenc  21 49 : 20 48

3. Grimma  21 45 : 21 47

4. Hohenstein-E.  20 49 : 30 36

5. Wocl Riesa  21 48 : 41 33

6. Pirna-Copitz  21 36 : 32 29

7. Markkleeberg  21 33 : 44 25

8. Niska  20 29 : 34 23

9. Rapid Kamjenica  21 38 : 41 22

10. Lößnitz  20 22 : 30 22

11. Glauchau  20 35 : 41 21

12. Reichenbach  20 20 : 34 16

13. Freiberg  20 30 : 57 16

14. Zwenkau II  21 23 : 50 15

15. Taucha  20 18 : 45 2

16. Zhorjelc  0 0 : 0 0

Wokrjesna wyša koparska liga

Sokoł Ralbicy/Hórki

– LSV Hory 19205:2 (3:0)

Wojer. FC – Módro-běli Kulow 1:0 (0:0)

1. ST Ćisk 1993 22 77 : 15 52

2. Rakečanske ST 22 55 : 32 45

3. Sokoł Ralbicy/Hórki 22 59 : 30 43

4. ST Hnašecy-Dobruša 22 44 : 34 39

5. SC Großröhrsdorf 22 30 : 26 32

6. Póst Germania Budyšin 22 37 : 41 31

7. Motor Kumwałd 22 42 : 48 31

8. Wojerowski FC 22 47 : 42 28

9. ST Kinspork/Łužnica 22 41 : 36 28

10. LSV Hory 1920 22 51 : 42 26

11. Módro-běli Kulow 22 39 : 42 26

12. Drohotka Ramnow 21 32 : 46 23

13. FV Ottend.-Okrilla 05 22 32 : 56 21

wozjewjene w: Wuslědki
wutora, 18 apryla 2017 14:00

Wulka sława křižerjam

Radwor (SN/BŠe). 119 křižerjow nastaji so jutrowničku připołdnju z Radworja do směra na Baćoń. Před Čornym Hodlerjom pak dóńdźe k wjacorym njezbožam, při čimž so někotři křižerjo zranichu. Jednoho z nich dowjezechu do chorownje. Na zbožo pak njeje so ćešo zranił. Wječor dožiwi Drježdźansko-Mišnjanski biskop Heinrich Timmerevers Radworskich křižerjow, mjez nimi noweho chorhojnika Dominika Jurka, třoch nowačkow a dweju slěborneju jubilarow na kěrchowje, hdźež so wotpuskny paćer modlachu. Po słowach biskopa běše to cyle emocionalny wokomik.
Ralbicy (aha/SN). 286 křižerjow, jeničce šěsć mjenje hač minjene lěto, wužohnowa farar Šćěpan Delan do Kulowa. Třeći raz nawjedowaše Daniel Wjesela procesion, w kotrymž bě lětsa pjeć nowačkow, sydom slěbornych jubilarow a 40. raz jěchaštaj Gerat Krawc ze Smjerdźaceje a Michał Šołta z Pěskec sobu. Nowosć­ bě – něchtó njemóžeše so na to dopomnić –, zo je so do křižerskeho procesiona zarjadował por z Jitka, a to Enrico Pilc ze swojim synom Jonathanom.
wozjewjene w: Łužica

Serbska debata

nowostki LND