Z wudaća: pjatk, 09 februara 2018

Jutře a njedźelu w 14 hodź. su nory na wulki póstniski ćah w Kinsporku a Šěrachowje witane. Foto: Gernot Menzel

wozjewjene w: Serwis
pjatk, 09 februara 2018 13:00

Wo knihach a kniharni (09.02.18)

Su knižne wiki w hospodarskej krizy? Čitarjo, kotřiž hišće před lětami wjele knihow kupowachu, so dźensa wot knižnich wikow wotwobroćeja. A tych je hač do sydom milionow. Absolutna ličba je nahladna: 8,9 milionow ludźi, kotřiž sej hišće w lěće 2015 znajmjeńša jednu knihu kupichu, njejsu lěto pozdźišo wo ani jeničku wjac rodźili. Hdźe pak su přičiny mjenje zajima na ćišćanej knize? Čehodla Němcy mjenje knihow kupuja? Čehodla woni mjenje čitaja? Přičiny su kaž mozaik, wjacore faktory hraja rólu.

wozjewjene w: Wo knihach a kniharni
pjatk, 09 februara 2018 13:00

Protyka (09.02.18)

Pjatk 9.2. 20:00 Žonjace póstnicy Serbskopazličanskeho karnewaloweho kluba w Njebjelčanskej „Bjesadźe“

Sobotu 10.2. 14:00 Žonjacy karnewal z póstniskim ćahom po Kulowje

  14:00 Dźěćace póstnicy Serbskopazličanskeho karnewaloweho towarstwa w Njebjelčanskej „Bjesadźe“

  14:00 Jutrowne jejka debić wuknyć w Njebjelčanskim gmejnskim centrumje

  16:00 Wječorny ptači kwas SLA na žurli SLA (tohorunja 19.30 hodź. z rejemi)

  16:00 Dźěćace kino w Chróšćanskej putniskej oazy

  16:00 Koncert Noweje Łužiskeje filharmonije „Kaž dźiwi“ w Kamjenskim měšćanskim dźiwadle

  19:30 2. kapičkowy wječor Serbskopazličanskeho karnewaloweho towarstwa w Njebjelčanskej „Bjesadźe“ 

  19:45 55 lět Róžeńčanski kružk pisacych – literarno-hudźbny wječor w Chróšćanskej putniskej oazy

  20:00 Póstnička Sorabije Lipsk w tamnišej Centrifuze

Njedźelu 11.2. 10:00 Zymske pućowanje z Čornym młynkom wokoło Čornochołmčanskeho Krabatoweho młyna

  13:00 Zapust w Turjeju, Běłej Górje a Tšupcu

  14:00 Wulki póstniski ćah po Šěrachowje

  16:00 Wječorny ptači kwas SLA na žurli Budyskeho SLA (tohorunja 19.30 hodź.)

  16:00 Koncert Noweje Łužiskeje filharmonije „Kaž dźiwi“ w Kamjenskim měšćanskim dźiwadle

wozjewjene w: Protyka
pjatk, 09 februara 2018 13:00

Rozhłós (09.02.18)

njedźelu hornjoserbsce

11:00 Łužica tutón tydźeń

11:20 Moja melodija:

Walburga Wałdźic

11:45 Na žónskich póstnicach w Kulowje

12:00 Nabožne wusyłanje

 (Daniel Dzikiewicz)

po tym zbožopřeća

delnjoserbsce

12:30 Aktualny magacin, mjez druhim wo nowym sobudźěłaćerju župy Delnja Łužica

13:00 Spominanje na  Bena Njekelu k 20. posmjertninam

13:30 Nabožne wusyłanje

 (Manfred Hermaš)

po tym zbožopřeća

wozjewjene w: Rozhłós
pjatk, 09 februara 2018 13:00

Pokiwy (09.02.18)

Haćenja norow dla

Kulow. Składnostnje karnewala budu w Kulowje wot jutřišeho do wutory, 13. februara, w Kulowje wšelake dróhi zašlahane. Přez cyły čas móža w nutřkownym měsće jenož tam bydlacy ze swojim awtom před domske jěć. Su-li pak nory jutře a róžowu póndźelu w póstniskim přećahu po puću, ani to móžne njeje. Přihladowarjam radźa, swoje awto při Koberowym młynje abo na Hózkowskej dróze kaž tež blisko tankownje wotstajić.

Campruja a swjeća póstnicy

Tšupc. Po tradicionalnej drastowej polonezy dźensa wječor z přewodom kapały nAund budu camprowarjo jutře hižo wot 7.30 hodź. w Tšupcu po puću. Štóž chce sej wobhladać, kak w Delnjej Łužicy postnicy swjeća, móže tam zajutřišim w 13.30 hodź. přećah dožiwić.

Na lyriski wječork

Smochćicy. We wobłuku zymskeje akademije Smochčanskeho Domu biskopa Bena k temje „Pytanje měra“ wotměje so jutře, 10. februara, w 19. 30 hodź. lyriski wječork ze spisowaćelom Lutzom Rathenowom. Hač do lěta 1990 wudawachu jeho knihi jenož w starej zwjazkowej republice, žiwy bě Rathenow we wuchodnym Berlinje a čitaše w NDRskich cyrkwjach.

Pućowanje do orienta

wozjewjene w: Pokiwy
pjatk, 09 februara 2018 13:00

Sport (09.02.18)

Stara garda we Wojerecach

Stara koparska garda Aktivist Čorneje Pumpy, Energije Choćebuz, ze Złeho Komorowa a Wocla z Riesy hraje jutře dopołdnja wot 10 hodź. we Wojerecach, a to w sportowej hali Šulskeho powołanskeho centruma. Wudospołnjene budźe polo z mjetarjemi Lok Wojerecy, kiž móža tež z wulkim bulom wobchadźeć.

Hraja wo pokal wjesnjanosty

Lětuši wolejbulowy turněr wohnjowych woborow gmejny Ralbicy-Róžant wo pućowanski pokal wjesnjanosty budźe sobotu, 17. februara, wot 15 hodź. w Ralbičanskej ćěłozwučowarni. Zarjadowar je Sernjanska wohnjowa wobora. Wšitcy wobornicy a sportowi zajimcy su wutrobnje přeprošeni.

Witaja nalěćo

Wólnočasni wolejbulisća abiturneho lětnika 1996 Serbskeho gymnazija Bu­dyšin zarjaduja štwórtk, 1. měrca, turněr z mjenom „Witamy nalěćo“, a to za prošene mustwa. Wot 18 hodź. budźe so w Ralbicach šěsć wolejbulowych cyłkow wubědźować, a to na dwěmaj hrajnišćomaj.

Blidotenisowej duelej

10.02. 16:00  Viktoria Worklecy

  – ST Wětnica/Hola

24.02.  15:30  TTSV Hagenwerder

  – Viktoria Worklecy

Koparske dypkowe hry

10.02. 14:00  Rakečanske ST

  – ST Hnašecy-Dobruša

10.02.  14:00  Motor Kumwałd

wozjewjene w: Sport
pjatk, 09 februara 2018 13:00

Křižowka (09.02.18)

Wodorunje: 3 dźěl ćěła, 5 hara, ridrowanje, 6 kónc modlitwy, 7 łužiske městačko, 10 depot, 13 wón porjedźa črije, 11 europski satelit, 15 sławny čěski lodohokejist

Padorunje: 1 čink kuzłarja, 2 drohotny kamjeń, 3 złoženje dźěła, 4 wubědźowanišćo, 8 islamski prawiznik, 9 filmowe myto USA, 11 dźěl koparskich wrotow, 12 dwojota

wozjewjene w: Serwis
Jenož derje, zo žadyn sněh nimamy, dyrbiš sej myslić, hdyž tónle wobraz pola Chrósćic wuhladaš. Sněhowe płoty, kotrež su sobudźěłaćerjo nadróžneje mištrownje stajili, leža mjeztym w błóće a puć ze Zejic do Chrósćic lědma hišće před zawěćom škitaja. Nadźijomnje njedostatk sčasom do přichodneho sněha wotstronja. Foto: SN/Maćij Bulank

wozjewjene w: Łužica
pjatk, 09 februara 2018 13:00

Saznik zbožo přinjesł

Jenož mało mandźelskimaj je zbožo spožčene, železny kwas dožiwić. Pomjenowanje 65lětneje zhromadnosće po robustnym metalu pokazuje na njepowalnu a krutu lubosć. Cyle po hesle „Stara lubosć njezerzawi“ symbolizuje železny kwas dołhotrajnu swěru a přichilnosć. Tajkile njewšědny jubilej swjećitaj jutře, sobotu, w Ralbicach Lepiorcec mandźelskaj Hana a Teodor.

wozjewjene w: Łužica
pjatk, 09 februara 2018 13:00

CSB nošer noweho horta

Gmejnscy radźićeljo wo podłožkach, zajatosći a dwurěčnosći diskutowali

Wotrow (SN/MWj). Křesćansko-socialny kubłanski skutk (CSB) ma přewzać nošerstwo noweho horta w Pančicach-Kukowje. Tole rozsudźi wjetšina tamnišeje gmejnskeje rady na swojim wčerawšim posedźenju we Wotrowje. Při wothłosowanju bě wosom radźićelow za w předłoze namjetowany CSB, dwaj radźićelej běštaj přećiwo tomu. Wonaj byštaj skerje Serbske šulske towarstwo (SŠT) faworizowałoj, kotrež bě so tohorunja wo nošerstwo horta prócowało.

wozjewjene w: Łužica

Serbska debata

nowostki LND