Z wudaća: štwórtk, 12 apryla 2018

štwórtk, 12 apryla 2018 14:00

Pokiwaj (12.04.18)

Pytaja komparsow

Budyšin. Za lětuše předstajenje lětnjeho dźiwadła „Olsenowa cwólba wotzběhnje“ wot 14. junija do 22. julija na dworje Budyskeho hrodu pyta Němsko-Serbske ludowe dźiwadło komparsow. Trěbni su mužojo wot 18 lět, kotřiž su sportowscy a porjadnje muskulozni. Wšako maja w lětnim dźiwadle wosobinsku gardu Čorneho barona hrać, kiž zhromadnje z wulkim pozadnikom Bangom Johansenom Olsenowej cwólbje žiwjenje poćežuje. Zajimcy njech předstaja so na wosebitym castingu, a to póndźelu, 23. apryla, w 17 hodź. na probowym jewišću hłowneho domu NSLDź na Seminarskej.

Přednošk a ekskursija

Rěčicy. Na přednošk wo wjelkach ze slědowacej ekskursiju přeproša kontaktny běrow „Wjelki w Sakskej“ sobotu, 14. apryla, zajimcow do wjelčeje bróžnje na Rěčičanskim Erlichtec dworje. W přednošku wěnuja so mjez druhim aktualnym wuslědkam slědźenja wo žiwjenskim wašnju rubježnika. Započatk je w 14 hodź.

wozjewjene w: Pokiwy
štwórtk, 12 apryla 2018 14:00

Do kina (12.04.18)

12.04.2018 – 18.04.2018 Budyski fil­mowy palast: Unsere Erde 2: pj, nj a srj 18:30 Der Sex Pakt: wšědnje 15:00 (nimo srj), 17:15 a 19:45 (nimo pó) | pó 16:15 a 20:30 | pj a so 22:45 Peter Hase: wšědnje 14:45 (nimo pó a srj) a 17:00 | nj 12:45 Ready Player One w 3 D: wšědnje 17:00 a 19:45 Jim Knopf und Lukas der Lokomotivführer: wšědnje 14:00 (nimo srj) a 16:15 (nimo pó) | nj 12:30 Die kleine Hexe: nj 12:30 Midnight Sun – Alles für dich: štw, so, pó a wu 18:30 Tomb Raider w 3 D: pj 22:00 Fünf Freunde und das Tal der Dinosaurier: wšědnje 14:45 (nimo srj) Die Biene Maja 2 – Die Honigspiele: nj 12:15 Heilstätten: so 22:00 Red Sparrow: pj a so 22:00 Fifty Shades of Grey – Befreite Lust: wšědnje 20:30 (nimo pó) | pj a so 22:30

Kino-ekstra: Nur Gott kann mich richten: pó 17:15 a 20:15

wozjewjene w: Do kina
štwórtk, 12 apryla 2018 14:00

Motowy tydźeń na SGB

Bórze su maturitne pruwowanja. Tola prjedy hač so dwanatkarjo Budyskeho Serbskeho gymnazija (SGB) ze šulskim žiwjenjom rozžohnuja a so dospołnje wuknjenju wěnuja, haja hižo wjelelětnu tradiciju. Tuchwilu přewjeduja na SGB tak mjenowany motowy tydźeń. Kóždy dźeń so wotchadnicy wotpowědnje wuzwolenej temje zdrasća. Wěnowali su so hižo temam, kaž su to charaktery serijow a filmow, wuměnkarjo, pyjama-party, změna splaha atd. Wčerawša tema bě assije. Jutře, posledni regularny šulski dźeń, dwanatkarjo motowy tydźeń zakónča. Foto: Juliana Bjeńšec

wozjewjene w: Łužica
štwórtk, 12 apryla 2018 14:00

Wjac dźěławych w Hornjej Łužicy

W Hornjej Łužicy je telko dźěłopřijimarjow kaž hižo nimale 20 lět nic. To zdźěla Budyska dźěłowa agentura a mjenuje dobru hospodarsku konjunkturu jako přičinu.

Budyšin (CK/SN). W Hornjej Łužicy je tuchwilu 200 850 dźěławych z winowatostnym socialnym zawěsćenjom. „To je prěni raz po lěće 1999, zo mamy zaso wjac hač 200 000 dźěławych“, rozłožuje Ilona Winge-Paul, operatiwna jednaćelka Budyskeje agentury za dźěło. Lěta 2008 bě jeno 165 233 ludźi w dźěłowym poměrje z winowatostnym socialnym zawěsćenjom. Wjetša ličba je wuraz dobreje hospodarskeje konjunktury, potwjerdźa ­Ilona Winge-Paul. Předewzaća su stabilne a su zwólniwe nowych sobudźěłaćerjow přistajić, wona wuswětla. Jako bjezdźěłni přizjewjenych bě minjeny měsac w Hornjej Łužicy 21 512 žonow a muži. Najwjace bjezdźěłnych w měrcu wujewja statistika za lěto 2002 z 73 439 ludźimi.

wozjewjene w: Hospodarstwo
štwórtk, 12 apryla 2018 14:00

Policija (12.04.18)

Do awta nadróžneje mištrownje zrazył

Wóspork. Zo maja sobudźěłaćerjo na­dróžnych mištrownjow chětro strašne dźěłowe městno, wšědnje znowa widźimy a słyšimy. Dopokaz za to je tež nje­zbožo, kotrež sta so předwčerawšim, wutoru, na awtodróze A 4 pola Wósporka. Tam bě 28lětny šofer nakładneho awta do směra na Zhorjelc po puću a zrazy ­do jězdźidła nadróžneje mištrownje. Zranił so na zbožo nichtó njeje, kaž policija zdźěla. K přičinje njezboža pak žane informacije njepodawa. Škoda wučinja ně­hdźe 4 000 ­eurow.

wozjewjene w: Policija
štwórtk, 12 apryla 2018 14:00

Digitalna wučbnica online

Bjez přidatneho spěchowanja projekt so zwoprawdźić njehodźał

Drježdźany (SN/MiR). Dwaj ministraj a jeju zawdatej ruce, k tomu błyskanje foto­aparatow a nimale něme šwórčenje telewizijnych kamerow – tajki bě zeleny štwórtk start za digitalny poskitk www.krokpokroku.sorbischlernen.de. Prěni přitomni hladachu w medijowym a wobydlerskim centrumje sakskeje statneje kenclije w Drježdźanach hnydom na swoje smartphony, hač je poskitk serbskorěčneje digitalneje wučbnicy woprawdźe swobodnje daty.

wozjewjene w: Kubłanje
štwórtk, 12 apryla 2018 14:00

Krok po kroku postupować

Zapodaš-li internetnu adresu www.krokpokroku.sorbischlernen.de, wočini so ći na wobrazowce spodobny a přehladny digitalny poskitk po barbje a pismje. Štóž chce, móže tam hnydom swoje mjeno zapodać.

Tola tež bjez toho móže zajimc pokro­čować. Nětko woli rěč, w kotrejž chce so po produkće pohibować. Tuchwilu hodźi so poskitk w němčinje a hornjoserbšćinje wotwołać, pozdźišo ma delnjoserbska warianta k tomu přińć.

wozjewjene w: Kubłanje
štwórtk, 12 apryla 2018 14:00

Team je wažny

Drježdźany (SN/MiR). Jan Budar, direktor Załožby za serbski lud, předstaji w Drježdźanach projekt „Serbšćinu online wu­knyć“. Kurs za jeje nawuknjenje měri so wosebje na młodostnych a dorosćenych bjez znajomosćow serbskeje rěče. Wón bazuje na zhromadnym europskim ramiku za přiswo­jenje rěčow. Tuchwilu poskitk, kotryž w hornjoserbšćinje předleži, měsačnje wjace hač 650 zajimcow wu­žiwa. Atraktiwny je kurs­ wosebje přez žiwe powědančko, w kotrymž dožiwjataj protagonistaj zajimawych ludźi a žiwjenske situacije. 80 comicowych wobrazow a mnohe awdionatočenja wutworjeja za wužiwarja jara praktiski poměr k serb­šćinje. Zjimajo swój přednošk Jan Budar podšmórny: „Wažne je sej wot wšeho spočatka za tajki projekt natwarić team fachowcow, kotřiž hromadźe dźěłaja.“

wozjewjene w: Kubłanje
štwórtk, 12 apryla 2018 14:00

Poskitk rozšěrili

Budyšin (SN/MiR). Wědomostnica Budyskeho Serbskeho instituta dr. Sonja­ Wölkowa zaběraše so z programom, kotryž namaka zajimc pod www.soblex.de. Mysleny je program za serbšćinu wuknjacych z předznajo­mo­sćemi. Soblex dalše programy za nawu­knjenje abo wužiwanje serbšćiny wu­do­społnja. Zakładny za­měr­, měć za hor­njo­serbšćinu awtomatiske přepruwowanje prawopisa, je mjeztym dawno roz­šěrje­ny. W lěće 2016 móžachu wosebje za wobłuk kwalitneje kontrole z přidatnych srědkow Załožby za serbski lud za nowe medije dalšeho sobudźěłaćerja w serbskej wědomostnej instituciji při­stajić. Mjeztym stej do Soblexa nimo modula za awtomatisku prawopisnu kontrolu zapřijatej morfologiski generator kaž tež móžnosć, serbskorěčne teksty analyzować.

wozjewjene w: Kubłanje
štwórtk, 12 apryla 2018 14:00

Wuslědki (12.04.18)

Kopańca, wokrjesna liga, stafla I

Großröhrsdorf II – Wjernarjecy 4:0 (1:0)

Frankenthal – Budissa Budyšink 0:2 (0:0)

Arnsdorf – Wachau1:4 (1:2)

Horni kraj II – Germ. Budyšin II 5:1 (4:1)

Großharthau – Ottend.-Okrilla 0:8 (0:4)

Huska – Załom2:1 (1:1)

Bretnig-Hauswalde – Porchow 0:5 (0:3)

čoło tabulki

1. TSV Połčnica 21 80 : 23 53

2. ST Porchow 21 50 : 18 47

3. Traktor Malešecy 21 52 : 25 46

4. TSV Wachau 21 47 : 14 41

5. TSV Wjernarjecy 21 57 : 36 39

6. Concordia Załom 20 39  : 29 37

7. Horni kraj-Sprjewja II 21 55 : 38 32

8. FV Ottendorf-Okrilla 21 45 : 37 31

9. SC Großröhrsdorf II 21 41 : 22 30

10. Arnsdorfske KT 20 32 : 33 26

11. SV Frankenthal 20 37 : 48 23

12. Bretnig-Hauswalde 21 24 : 52 16

13. SV Großharthau 21 21 : 58 16

14. Germania Budyšin II 21 25 : 65 12

15. SV Budissa Budyšink 20 14 : 78 12

16. ST Huska 21 22 : 65 8

wozjewjene w: Wuslědki

Serbska debata

nowostki LND