njedźelu hornjoserbsce
11:00 Łužica tutón tydźeń z přehladom powěsćow tydźenja
11:20 Ze serbskimaj wočomaj po slědach wjercha Pücklera – rozpominanja historikarja Wernera Měškanka
12:00 Katolske nabožne wusyłanje
(farar Hans-Friedrich Fischer)
po tym zbožopřeća
delnjoserbsce
12:30 Aktualny magacin – wo wuznamjenjenju „Rěči přichilena komuna“ Braniborskeje
13:00 Portret Ingrid Nageloweje
13:40 Nabožne wusyłanje
(Bernd Pittkunings)
po tym zbožopřeća
Delnjoserbska premjera NSLDź
Hochoza. Lubowarjo delnjoserbskeho dźiwadła su jutře, 14. apryla, w 19.30 hodź. do Hochožanskeho kulturneho srjedźišća na premjeru NSLDź přeprošeni. Dźiwadźelnikaj Jan Mikan a Jurij Šiman předstajitaj kruch „Wjelika wutšoba“. Přełožiła bě stawiznu Lutza Hübnera „Das Herz eines Boxers“ wo njewšědnym přećelstwje Ingrid Hustetowa. Dalše předstajenja su njedźelu w 17 hodź. w Dešnje, přichodnu wutoru na Choćebuskim komornym jewišću a njedźelu, 29. jutrownika, w Turjeju.
Krokawam a žabam pomhać
Dołha Boršć. Přirodoškitna stacija w Dołhej Boršći přeproša swójby jutře wot 7 hodź. na wosebitu akciju. W škitnym rumje amfibijow při statnej dróze S 121 při hatach mjez Klětnom a Košlu chcedźa žabam a krokawam škitny płoćik nastajić, zo njebychu awta je přejěli.
Koncert w muzeju
Budyšin. Přichodny Budyski komorny koncert jutře w 19.30 hodź. w Serbskim muzeju prezentuje Rhythm4, bodypercussionowa skupina z Awstriskeje.
Němsko-pólski dźeń
Brizantny wolejbulowy duel
We wobwodnej klasy dyrbja wolejbulistki Viktorije Worklecy jutře w Kinsporku w Sportowni Arthura Kießlinga přećiwo ST Haselbachtalej nastupić. Posledni wobwodneje klasy wočakuje wot 14 hodź. předposlednjeho. Worklečanki dyrbja zestupny duel dobyć abo so pomocy načolnika CVJM Zhorjelc nadźijeć. Tón hraje mjenujcy po tym na samsnym městnje přećiwo Haselbachtalčankam.
Kónctydźenska kopańca
14.04. 13:00 Módro-běli Kulow II –
ST Wětnica-Hola
14.04. 13:00 TSV Połčnica II –
SJ Njebjelčicy II
14.04. 13:30 Budissa Budyšin –
SV Babelsberg 03
14.04. 15:00 Póst Germ. Budyšin –
Rakečanske ST
14.04. 15:00 Módro-běli Kulow –
ST Radwor
15.04. 13:00 ST Marijina hwězda –
Zeleno-běli Sepicy
15.04. 15:00 FSV Nowosólc-Hródk –
SJ Chrósćicy
15.04. 15:00 SG Großnaundorf –
Sokoł Ralbicy/Hórki
Šěsnata hra wšo rozsudźaca
Blidotenisća 1. mustwa Viktorije Worklecy wočakuja jutře w 16 hodź. MSV Budyšin 04 III. Za hosćićela budźe to zestupny duel. Minimalna šansa za zwostaće w 1. wobwodnej lize pak hišće wobsteji, hdyž Worklečenjo dobudu a TTF Běła Woda we Wósporku přěhraje.
Fitnesowy sport w Delanach
Wodorunje: 1 typ němskich awtow, 3 płody k jědźi, 5 načolny šlager, 7 njewotwisnosć, 10 dźělčk pjeršće, 14 bywši zwjazkowy prezident, 15 ličba, 16 Geschenk serbsce
Padorunje: 1 muski hłós, 2 swětowa strowotniska organizacija, 3 ličba, 4 genetiske wopřijeće, 6 kupa Balearow, 8 wójna jendźelsce, 9 łaćonsce Bože, 10 małe wódnišćo, 11 kanton Šwicarskeje, 12 narod, 13 dym
Ćisk (SiR/SN). Zarjadnišćo za koordinaciju kubłanja pola wyšeho měšćanosty Stefana Skory (CDU) a iniciatiwa Ciwilna kuraža Wojerecy stej na akciju „Dźeń a nóc tolerancy“ přeprosyłoj. Srjedu mějachu tuž hólcy a holcy z Wojerowskeho domu požadarjow azyla a dźěći Domu lutkow w Ćisku sładnosć, so mjez sobu zeznać. Zarjadnišćo, kotrež je w nošerstwje Dźěłaćerskeho dobroćelskeho skutka, bě so na akciji wospjet wobdźěliło, mjeztym třeći króć. Tak dožiwichu dźěći wšelakeho pochada zhromadne dopołdnjo. „Chcemy ze zetkanjom docpěć, zo so mjezsobne strachi přewinu. Dźeń měješe w dźěćoch, wšojedne kotreho pochada su, pozitiwne a nadźijomnje trajne začuće zawostajić“, rozłoži zakładny zajim dnja zetkanja Dora Gebauerowa z wobydlerskeho zwjazka „Wojerecy pomhaja z wutrobu“.
Worklecy (aha/SN). Nowaj wobsedźerjej hosćenca „Ke kupowemu hatej“ we Worklecach, bratraj Henry a Marcus Szczepaniak, běštaj so prócowałoj jón gastronomisce dale wobhospodarjeć. Dokelž pak njenańdźeštaj za to žanoho zajimca, staj so rozsudźiłoj horni poschod ze žurlu na dwě štyristwowej bydleni přetwarić.
Budyšin (SN/mwe). Drapa (Krätze) njeje chorosć, kotruž maš přizjewić. Najebać to su wo njej minjene tydźenje w medijach a druhdźe wospjet rozprawjeli – ze starownjow, dźěsćownjow, pěstowarnjow, ale tež z domow požadarjow azyla. Kaž Budyski krajnoradny zarjad na naprašowanje našeho wječornika informuje, pak móžeš pady minjeneju lět „na jednej ruce wotličić. W pola nas znatych padach móžachu drapu spěšnje zamjezować. Poprawom su to jenož hygieniske naprawy, kotrež měli přewjesć. Tak kolegojo strowotniskeho zarjada hladanski personal wšelakich zarjadnišćow mjez druhim powučuja. Zdobom hygienowe plany kontroluja a medikamenty wudźěleja. Zawrěće cyłeho zarjadnišća abo někotrych wotdźělow nam dotal žane znate njeje“, Gernot Schweitzer z nowinskeho běrowa wokrjesa rozprawja.
Dobre nazhonjenja
Ćežka zražka na křižowanišću
Budyšin. Na křižowanišću Budyskeje Lubijskeje dróhi a Thomasa Münzeroweje (B 156), je wčera wječor Opel Corsa nimale frontalnje do Citroëna zrazył. Jako prěni pomocnicy k městnu njezboža přijědźechu, nańdźechu w awtowymaj wrakomaj štyrjoch zranjenych. Wjacore wuchowanske wozy z nuzowym lěkarjom, nimo policije a wohnjowych wobornikow, so wo znjezboženych starachu. Wodźerka Opela so ćežko zrani, tamnych třoch mjenje zranjenych dyrbjachu tohorunja do chorownje dowjezć. Přičiny njezboža policija přepytuje.
Bjez „papjerow“ po puću był
Chrósćicy. Patrulja Kamjenskeho policajskeho rewěra je srjedu nawječor w Chrósćicach na Cyrkwinskej horje 64lětneho wodźerja Renaulta lepiła, kiž njeměješe žanu jězbnu dowolnosć při sebi. To wón tež njemóžeše, dokelž scyła žane „papjery“ nima. Te běchu „čornojězdźerjej“ hižo před měsacami wzali.