Z wudaća: pjatk, 11 meje 2018

pjatk, 11 meje 2018 14:00

Pokiwy (11.05.18)

Darmotnje do muzeja

Budyšin. We wobłuku Mjezynarodneho dnja muzejow přeproša tež Budyski Serbski muzej zajutřišim, njedźelu, wot 10 do 18 hodź. na dźeń wotewrjenych duri. W 11 a w 15 hodź. wotměje so zjawne wodźenje po muzeju. W mjezyčasu móža wopytowarjo bjezpłatnje awdio-přewodniki za dorosćenych a nowe awdiopřewodniki za dźěći wužiwać. Runje za młodych wopytowarjow je to dyrdomdej, wšako jich pjeć bajowych postawow žortnje a informatiwnje po domje přewodźa. W šulskim kabineće budźe dalša zabawa přihotowana. Zastup je tón dźeń darmotny.

Rostliny měnjeć

wozjewjene w: Pokiwy
pjatk, 11 meje 2018 14:00

Sport (11.05.18)

Sokoł dwójce hraje

Stara koparska garda Sokoła Ralbicy/Hórki dyrbi přichodny tydźeń hnydom dwójce přećiwo Módro-běłym z Kulowa hrać. Póndźelu we 18.30 hodź. nachwataja delanscy stari knježa w Ralbicach dypkowu hru a pjatk jich znowa doma wi­taja. Potom pak budźe to połfinalna pokalna partija wo zaćah do kónčneje hry. Tež tu je zakop za 18.30 hodź. planowany.

Pokalna hra postajena

Zapadołužiski koparski zwjazk přewjedźe sobotu, 19. meje, połfinalnu koparsku hru mjez SC 1911 Großröhrsdorfom a Sokołom Ralbicy/Hórki. Poprawom bě ta za kónc apryla planowana, Sokoljo pak dyrbjachu hišće w štwórćfinalu nastupić. Duel w Großröhrsdorfje započnje so w 17 hodź., sudnik njeje hišće postajeny.

Kónctydźenska kopańca

12.05. 15:00 Motor Kumwałd –

  Rakečanske ST

12.05. 15:00  SC Großröhrsdorf –

  ST Radwor

13.05. 13:00 SJ Njebjelčicy II –

  SV Liegau-Augustusbad

13.05. 15:00 SJ Njebjelčicy –

  Nowe Město II

13.05. 15:00 SG Weixdorf –

  SJ Chrósćicy

13.05. 15:00 Sokoł Ralbicy/Hórki –

  LSV Hory

13.05. 15:00 Zeleno-běli Sepicy –

  SJ Chrósćicy II

13.05. 14:00 ST Njeswačidło II –

  Módro-běli Kulow II

Druhi lětuši běh dumperowcow

wozjewjene w: Sport
pjatk, 11 meje 2018 14:00

Křižowka (11.05.18)

Wodorunje: 3 přećiwo, 5 posledni grjekski pismik, 6 hrajer hłowneje róle, 7 hudźbna twórba, 10 šesty měsac, 13 kwětka, 14 wobkrućer ­sudnistwa, 15 nic prědku

Padorunje: 1 spěw jednotliwca, 2 nic horje, 3 město w Šwicarskej, 4 nic prěni ani druhi, 8 napinanje, 9 so lubjacy, 11 los bjez dobyća, 12 chětro

wozjewjene w: Serwis
Runja mnohim druhim kónčinam běchu wčera tež wokoło Radworja mužojo na swojim wosebitym dnju po puću. Tam sy sej mjez druhim na tamniše stare dwórnišćo wulećeć móhł. W swojoraznej atmosferje bywšeje Mitropy dachu sej wopytowarjo swoje piwko zesłodźeć. Runočasnje móžachu sej tam wjele zajimawostkow wobhladać. Foto: Feliks Haza

wozjewjene w: Łužica
pjatk, 11 meje 2018 14:00

Přewjele hary awtodróhi dla

Hodźij a dalše komuny sej žadaja, škitne naprawy podłu zwjazkoweje awtodróhi A4 wobchadnemu poćežowanju přiměrić. To ma so pozitiwnje na strowotu wobydlerjow wuskutkować.

Hodźij (CK/SN). Dźeń a wjace wobydlerjow Hodźijskeje gmejny ćerpi pod haru nadróžneho wobchada. Potrjechene su předewšěm Běčicy, Prěčecy, Koblicy a Čěškecy, dokelž leža nimale bjezposrědnje při awtodróze A 4. Při přepytowanjach ­lěta 2010 zličichu w běhu 24 hodźin dohromady 34 220 jězdźidłow. Z toho bě 14 procentow nakładnych awtow. Mjeztym je ličba awtow wob dźeń na nimale 40 000 rozrostła. Tež podźěl nakładnych awtow je přiběrał, rozłoži André Laue z techniskeho zarjada gmejny na njedawnym posedźenju gmejnskeje rady. 50 wobydlerjow mjenowanych wsow ćerpi hary dla pod tak wobstajnym poćežowanjom, zo so wone negatiwnje na strowotu wuskutkuje. Tak mjenowane pasiwne naprawy kaž wokna z wosebitej škleńcu hižo njedosahaja, dokelž su jich wuskutki skerje snadne.

wozjewjene w: Łužica
pjatk, 11 meje 2018 14:00

Mało zboža na awkcijomaj

Njebjelčanscy wobornicy trjebaja nuznje nowe jězdźidło

Njebjelčicy/Pěskecy (JK/SN). W njedawno wot Njebjelčanskeje gmejnskeje rady schwalenym planje wohnjowoborneje potrjeby je mjez druhim zapisane, zo trjebaja nuznje nowe hašenske jězdźi­dło. Derje wuhotowane awta płaća nimale 300000 eurow. Znajmjeńša połojcu abo w najlěpšim padźe 100 000 eurow by gmejna sama zwjesć dyrbjała. Te pjenjezy w Njebjelčicach nimaja. Wob lěto planuje a wudawa gmejna 10 000 eurow za winowatostne nadawki woborow. Za dźesać lět móhli sej takrjec swójski podźěl nalutować. W tym času pak njesměli žane druhe wudawki za wobory nastać.

wozjewjene w: Łužica
pjatk, 11 meje 2018 14:00

Policija (11.05.18)

Kontroli so spjećować chcyła

Biskopicy. Jako policisća zawčerawšim wječor w Biskopicach 35lětnu wodźerku Mitsubishija kontrolowachu, njeje w jeje awće jeno za alkoholom smjerdźało. Zastojnikam napadny tež słódka wóń canabisa. Při alkoholowym tesće naměrichu pola žony 1,5 promilow. Drogowy test wona wotpokaza. Na to přewodźachu ju policisća k wotedaću kreje. Přećiwo tomu so šoferka kopajo spjećowaše, ale bjez wuspěcha.

wozjewjene w: Policija
pjatk, 11 meje 2018 14:00

Delanske starožitnosće widźeli

Domowinska skupina Pančicy-Kukow je sej zawčerawšim zdźěla z kolesami do Konječanskeho muzeja Jakuba Šołty (srjedźa) wulećała. Něhdźe 30 ludźi, mjez nimi młode swójby z dźěćimi, sej tam wobhladachu, kotre starožitnosće z ratarstwa, ale tež z domjaceje nadoby zašłych lětdźesatkow bě Konječan zezběrał. Wosebje starši wopytowarjo wědźachu so dopomnić, zo tón abo tamny nastroj hišće sami doma wužiwachu. Na dompuću pozastachu w Nowej Wjesce, hdźež při praženej kołbasce a słódnej kapce hišće bjesadowachu. Foto: Marian Wjeńka

wozjewjene w: Towarstwa
pjatk, 11 meje 2018 14:00

Radźićeljo so zetkaja

Njebjelčicy. Wuwzaćnje wutoru, a to 15. meje, wotměje so přichodne posedźenje Njebjelčanskeje gmejnskeje rady, tónraz w Miłočanskim socialnym bydlenskim domje blisko tamnišeje žaby. Započatk budźe w 19.30 hodź. Na programje steji mjez druhim předstajenje planowanja wutwara hłowneje dróhi přez Miłoćicy. Dale chcedźa wólbny proces za Serbski sejm rozłožić.

Do srjedźowěka a baroka

Wojerecy. Historiski spektakl za cyłu swójbu lubi časowa jězba do srjedźowěka a baroka, na kotruž móža so zajimcy jutře a njedźelu na Wojerowskim hrodźe a w susodnym zwěrjencu podać. Při wjacorych stejnišćach předstaja historiske rjemjesła. Na łuce zwěrjenca demonstruja ryćerske boje, nimo toho zaklinči srjedźowěkowska live-hudźba. Na hrodźe wotwjedu wopytowarjow do wšědneho dnja baroka a pokazaja wotpowědne reje. Wopyt płaći za dorosćenych wosom, za dźěći pjeć a za swójby 14 eurow.

Blockbuster k dnjej maćerje

wozjewjene w: Z městow a wsow
pjatk, 11 meje 2018 14:00

Wosebity přebytk „na chwilku“

Njewšědny hotel w bywšej Goethowej apotece – historiske slědy staj wobsedźerjej do koncepta zapletłoj

Kuchar kofejownje a hosćenca „Wolfgang’s“ Ralf Nielisch přihotuje hosćom mjez druhim přewšo rady mjaso, kotrež zrawi w swójskim sušaku, tak mjenowanym „dry ageru“.

Za fasadu Budyskeje Hošic hasy čisło 27 chowa so woprawdźita drohoćinka. Adresa wodźeše něhdy do Goethoweje apoteki. Tež hdyž je mjeztym zawrjena, su slědy bywšeho mějićela Paula Leidlera hišće jasnje spóznajomne. Meble apoteki wobohaćeja nětko kofejownju a hosćenc z mjenom „Wolfgang’s“. Hdźež běchu do toho bydlenja na hornich poschodach a w přitwarje, je ekskluziwny butikowy hotel „Moments“.

wozjewjene w: Předźenak

Serbska debata

nowostki LND