Z wudaća: wutora, 15 meje 2018

15. raz su minjeny kónc tydźenja w Halštrowskim měšćanskim parku wulke hornčerske wiki přewjedli. Wjace hač 30 wikowarjow z cyłeje Sakskeje kaž tež ze susodnych zwjazkowych krajow poskićowaše kołowokoło parkoweho hata a podłu Čorneho Halštrowa swoje wudźěłki. Petra Ludwig z Crimmitschauwa prezentuje tule hornc z wěkom. Wopytowarjo, kotřiž při jeje stejnišću něšto kupichu, rěčachu wo tym, zo tale módra barba dobru naladu přisporja. Hłowny organizator wikow, ­Halštrowski hornčerski mišter Hans Holland, je so sobotu kaž tež njedźelu sobu wo ćělne derjeměće wopytowarjow starał. Foto: Daniel Schäfer

Radwor (SN). Sakski krajny społnomócnjeny za wobdźěłanje diktatury SED Lutz Rathenow přewjedźe w zwisku ze swojej nadregionalnej poradźowanskej iniciatiwu k prašenjam rehabilitacije SED-njeprawdy tež wobydlersku rěčnu hodźinu w Radworju. Na zhromadnym poradźowanju ze sorabistom a stawiznarjom dr. Timom Meškankom hodźa so nimo prašenjow narunanja politisce motiwowaneje njeprawdy tež běžne rehabilitaciske jednanja rozrěčeć – prěni raz tež w serbskej rěči. Krajnemu społnomócnjenemu je wažne, wupokazanemu wědomostnikej poradźowanje přenjesć. Ze spěchowanjom krajneho społnomócnjeneho wuńdźeštej Meškankowej knize „Instrumentalisierung einer Kultur: Zur Situation bei den Sorben 1948–1989“ kaž tež „Sorben im Blick der Staatssicherheit“.

Wojerecy. Wot dźensnišeho hač do 15. oktobra směće so w Šibojskim jězoru kupać. Wotpowědnej próstwje města Wojerec je Budyski krajnoradny zarjad přihłosował. Dowolnosć płaći za 120 metrow dołhi přibrjóh na zapadnym boku jězora. Přijězd je po platowym puću wot bliskeho parkowanišća. Tež za přichodnej lěće dowolnosć předleži. Z motorom ćěrjene čołmiki so na jězoru wužiwać njesmědźa.

VSG Altglienicke

– FSV Budissa Budyšin 0:1 (0:1)

VfB Germania Halberstadt

– FSV Budissa Budyšin 5:1 (1:1)

Zestawa hosći: Schulz – Kunze (82. Gehrmann), Hausdorf (65. Kloß), Hoßmang, Heppner, Mack, Weiß, Pfanne, Milde (59. Krawčik), Bönisch, Schmidt

Po tym zo běchu prěnju nachwatansku koparsku dypkowu hru po 17 sekundach wothwizdać dyrbjeli, je so při třećim pospyće hrać hodźało. Budissa chcyše na kóždy pad dypkować, zo by w poslednjej hrě přećiwo VSG Altglienicke lěpše karty w boju přećiwo zestupej měła­. Hrajersce sylny hosćićel najprjedy jónu­ wočakny a sej wobhlada, što maja Budyšenjo w poskitku. W 25. min. pak swoju prěnju móžnosć wuži. Po wólnym kopje Tima Oschmanna trjechi Florian Eggert k 1:0. 315 ludźi widźeše spěšnu partiju, kotraž wothrawaše so mjez šěsnatkomaj. Hišće do połčasa móžachu hosćo přez Tonyja Schmidta (41.) wurunać.

SJ Njebjelčicy

– SV Haselbachtal 3:3 (3:0)

Zestawa domjacych: Hahn – Zeller, Hrjehor, Pawlik, Hanuza, Haška, Lejnart, Šołta, Čornak (70. Kral), Ričel, Korjeńk

Wječor do swjedźenja Božeho spěća běše za Njebjelčanskich koparjow na­chwa­tanska dypkowa partija přećiwo SV Haselbachtalej postajena. Přihladowarjo dožiwichu dwaj cyle rozdźělnej połčasaj.

Sokoł Ralbicy/Hórki

– Módro-běli Kulow 2:2 (2:1)

Zestawa domjacych: Gloxyn – Rawš (90. Kř. Matka), Młynk, Šewc, Materna, Janca (77. Korjeńk), Bjeńš, Bejma, M. Matka, Kurjat, Domaška

Zestawa hosći: Adler – Pohl, Hantschke, Korch, Streicher, Katzer (46. Wehlan), Popjela (46. Piatza), Bulank, Wittek, Nicolaides, Graf (77. Graf)

Srjedu přichwata něhdźe sto přihladowarjow do delanskeho Stadiona přećelstwa, zo bychu sej nachwatanski koparski derby mjez Sokołom Ralbicy/Hórki a Kulowom wobhladali. We woběmaj mu­stwomaj pobrachowachu stajni hrajerjo, tak zo dyrbještaj jej trenarjej přestajić.

Kónčna tabulka regionalnych seniorskich mišterstwow we wolejbulu

1. VZ Nordhausen   6  6:2

2.  FSG Budyšin/ST Mar. hwězda  4  5:2

3. SZ Motor Thurm   2  3:4

4. VZ Königstein   0  0:6

Po dobyću bronzoweje medalje na sakskich mišterstwach seniorow w Lu­biju pohosćichu wolejbulisća Budyskeje FSG a ST Marijineje hwězdy dalše tři cył­ki w sportowej hali Serbskeho šulske­ho a zetkawanskeho centruma Budyšin, zo bychu so wo jězdźenku za něm­ske zwjazkowe mišterstwa w Berlinje wubědźowali.

Nimale by so Budyskim serbskim a němskim senioram sensacija poradźiła, woni pak su finalnu partiju přećiwo durin­ske­mu mištrej VZ Nordhausen z 1:2 snadnje přěhrali.

W turněrowej formje hraješe kóždy přećiwo kóždemu dwě do­byćerskej sadźbje. Po wulosowanju na­stupichu Łuži­čenjo najprjedy přećiwo VZ Königsteinej, aktualnemu sakskemu wicemištrej. Tón pak njeměješe tónraz wšitkich hrajerjow k dispoziciji a bě w přijimanju nadaćow a w nadběhu słabši. Přěhra tuž wobaj přechodaj z 19:25 a 18:25.

Sokoł Ralbicy/Hórki

– LSV Hory 1:0 (0:0)

Zestawa domjacych: Gloxyn – Kř. Matka, Zynda, B. Bjeńš, Materna, M. Matka (93. Kobalc), Janca (78. Bejma), Domaška, Kurjat, S. Bjeńš, Jakubaš (46. Młynk)

Kaž hižo přez cyłu sezonu dyrbjachu Sokoljo najwšelakorišich přičin dla mócnje rotěrować. W defensiwje wupomha Bosćij Bjeńš a postara so tam wo wul­ku stabilitu hromadźe z Heikom Zyndu. W ofensiwje dyrbješe hrajer starych knje­zow Handrij Jakubaš jedyn połčas bule dźeržeć, štož so jemu wulkotnje zešlachći. Mjenowany Jakubaš měješe w 20. min. tež nawjedowanje na noze, po přihrawce Pětra Domaški. Nisku třělwu pak škrabny hóstny wrotar hišće z linije. Jenož pjeć mjeńšin pozdźišo poskići so tajka móžnosć Gabrielej Kurjatej, ale wón pak bul prawje njetrjechi. Swoju jeničku wulku móžnosć mějachu hosćo hižo do tuteju składnosćow za Sokoł, jako dźěše pospyt z 20 metrow na łatu. Hrajerscy sylni Horjenjo mějachu přez cyły prěni połčas bul časćišo w swójskich rjadach, ale defensiwa Sokoła steješe jara wěsće.