Z wudaća: póndźela, 11 junija 2018

Specialne jězdźidło fuk

Zhorjelc. Wosebje ćežke transporty přewodźace jězdźidło su njeznaći sobotu popołdnju w Zhorjelcu pokradnyli. Napadnje žołte wobarbjene awto typa Renault ma hódnotu něhdźe 70 000 eurow. Za specialnym jězdźidłom nětko mjezynarodnje pytaja.

ST 1922 Radwor – Sokoł Ralbicy/Hórki 2:5 (2:2)

Zestawa domjacych: Kral – Omran, Šěrak, Henka, Zähr (68. Handrik), Wjeńka, Nuk, Zimmermann, Bauer (57. Wróbl), Schulze, Kurjat (85. Buša)

Zestawa hosći: Ch. Gloxyn – Rawš, Zynda, Šewc, K. Matka, M. Matka, Janca, Bjeńš, Młynk (86. Korjeńk), Kurjat, Domaška (86. Kobalc)

Wonkowne wuměnjenja za serbski kopar­ski derby we wokrjesnej wyšej lize běchu optimalne. Něhdźe 300 přihla­­dowarjow bě do Radworja přichwatało. Wobě­ mustwje měještej swoju klasu hižo za­wěsćenu, tuž móžeštej z wotewrjenym wizěrom hrać.

Awtor dźensa

Clemens Šmit

„Tutón cyły multikulti-humbuk mje chětro rozhněwa! Hdyž, potom ma to tak kaž tehdy rěkać – nic hinak!“ Jako testowachu chowancy narodneho koparskeho trenarja Joachima Löwa minjeny pjatk přećiwo Sawdi-Arabskej, wudyrichu w socialnych syćach paralelnje ze zahwizdanjom zaso horce diskutuje. Přičina njebě ani skerje słaby wukon němskich koparjow ani prašenje, štó sej ko­treho (statneho) prezidenta bóle česći. Ně, po cyłym interneće hadrowachu so ludźo znowa cyle druheje přičiny dla. Samo w kruhu znatych sym hižo podobne di­skusije dožiwił.

Čehodla pak so někotři tu tak jara wadźa a rozestajeja? Rěč je wo aktualnym přimjenje němskeho koparskeho mustwa jako „die Mannschaft“. Při tym njejsu přimjena za narodne wubranki poprawom ničo wosebiteho. Brazilčenjo maja swoju „seleção“, po słowje wubranku. Jendźel­čenjo juskaja za „three lions“, potajkim za tři lawy. Dale stej tež tak mjenowanej „squadra azzurra“ za Italčanow a „furia roja“ za Španičanow swětoznatej. A što nětk z němskim přimjenom njetrjechi?

Po tym zo je Max Grundmann ze swójskeho dorosta zrěčenje njedawno hač do lě­ta 2020 podlěšił, předstaji FC Energija dwaj eksternej nowopřichadaj. Abdulkadir Beyazit přińdźe wot stafloweho konkurenta Babelsberg 03 a dóstanje zrě­čenje hač do lěta 2020. „Widźimy w nim wysoko talentowaneho hrajerja, kiž ma hišće wulki wuwićowy potencial. „Po charakteru a tež sportowsce so wón absolutnje k nam hodźi,“, rjekny šeftrenar Claus-Dieter Wollitz. 21lětny nadběhowar bě hižo za Herthu 03 Zehlendorf, Tennis Borussiju Berlin, 1. FC Union Berlin­ a Viktoriju Berlin hrał, prjedy hač dźěše­ w lěću 2016 k SV Babelsberg 03. Tam je wón 52 winowatostnych hrow absolwował a 17 wrotow třělił. Za škit je FC Energija Daniela Stanese angažowała. Defensiwny srjedźopólny kopar, kiž ma w třećej lize hižo nazhonjenja, přińdźe wot VfR Aalena do Choćebuza a wostanje tohorunja hač do 2020. „Z Danielom Sta­ne­su mamy derje wukubłaneho hraje­rja w najlěpšej koparskej starobje. Wón je w třećej lize hižo konstantne wukony pokazał. Myslimy sej tež, zo hodźa so jeho čłowjeske a sportowe kwality do našeho teama“, Wollitz 24lětneho posudźuje.

Kopańca

Tabulka wokrjesneje wyšeje ligi

1. SC Großröhrsdorf 29 57 : 17 65

2. Rakečanske ST 29 75 : 43 57

3. Póst Germ. Budyšin 29 68 : 41 50

4. Motor Kumwałd 29 61 : 35 50

5. Wojerowski FC 29 57 : 37 48

6. LSV Hory 29 70 : 57 47

7. Drohotka Ramnow 29 61 : 60 43

8. Módro-běli Kulow 29 55 : 32 41

9. Sokoł Ralbicy/Hórki 29 47 : 52 40

10. SG Großnaundorf 29 50 : 55 39

11. ST Hnašecy-Dobruša 29 54 : 66 32

12. ST Kinspork/Łužnica 29 57 : 61 31

13. ST Wjelećin 29 56 : 88 31

14. ST Radwor 29 56 : 69 30

15. Zeleno-běli Bukecy 29 39 : 82 25

16. ST Budyšin 29 35 : 103 14

Vatikan (B/SN). Bamž Franciskus je pomjenowanje 14 nowych kardinalow připowědźił. Woni maja wotbłyšćować „uniwersalitu cyrkwje“, rjekny swjaty wótc. Mjez druhim dóstanjetaj patriarch Louis Raphael I. Sako z Bagdada a arcybiskop Joseph Coutts z Pakistana 29. junija purpur kardinala. Kandidat z němskorěčneho ruma tónkróć žadyn pódla njeje.

Za mjezynabožinsku wučbu

Erfurt (B/SN). Durinska krajna frakcija CDU je mjezynabožinsku wučbu zaki­towała. Předmjet ewangelskim kaž tež katolskim šulerjam zhromadnje poda­wać móže pedagogisce płódne być, rje­kny nabožinsko-politiska rěčnica frakcije Gudrun Holbe. To pak njesměło k tomu wjesć, zo so stat ze swojeje zamołwitosće wuwinje, poskićeć na konfesiju wjazanu wučbu nabožiny.

Sadźby Hartza IV hinak wobličić