Z wudaća: wutora, 12 junija 2018

Rakecy (LR/SN). Mjeztym hižo 20. raz je so minjeny pjatk w Rakecach chórowa serenada wotměła. Wjesnjanosta Swen Nowotny (CDU) wšitkich přitomnych němsce a serbsce postrowi. Składnostnje jubileja dźakowaše so wón Rakečanskemu žónskemu chórej a chwaleše sej, kak jeje čłonki kulturne žiwjenje we wsy wobohaćeja. Ideju serenady zrodźili běchu něhdy na sportowym swjedźenju, hdźež chcyše chór sobu skutkować. Zazběh bě 23. junija 1999. Wot lońšeho wotměwa so chórowa serenada na dworje Pawołskeje šule. Tamne lěta wotměwaše so wona před hrodom.

wozjewjene w: Kultura
wutora, 12 junija 2018 14:00

Tež serbscy atleća wuspěšni

Ramnowski Fichtowy běh

Na mjeztym hižo 7. Fichtowym běhu w Ramnowje je so 289 sportowcow wubědźowało. Dźewjeć atletow z nich startowaše w skatowanju, wosom we walkingu a wšitcy tamni w běhanju. Skaterojo měrjachu swoju spěšnosć a wu­trajnosć na 2 a 10 km, lubowarjo walkinga na 7,5 km a běharjo na 0,8; 2,2 abo 7,5 km.

Na 0,8 km za dźěći pod wosom lětami docpěchu ze serbskich šulerjow slěbornej městnje na dobyćerskim podesće Jarek­ Schade z Budyšina (2:49 min) a Isabella Grubertec z Chasowa (3:01 min). Sotra Jareka, Jitka Schadec, wubědźi sej dobre 5. městno (3:08 min).

Na distancy 2,2 km za staršich šu­lerjow doběža Bernd Grubert z Chasowa z 8:38 min w sylnym polu kontrahentow na jara dobrym cyłkownym 3. městnje. Na najdlěšej distancy 7,5 km wojowaše tež najwjace serbskich wobdźělnikow, a to z brawuru. Cyłkownaj dobyćerjej bě­štaj Sandy Pollack (30:15 min) a Georg Bär (24:57 min) z Drježdźan.

wozjewjene w: Sport

SJ Chrósćicy – LSV Nowe Město 3:6 (0:4)

Tabulka krajneje klasy

1. FSV Nowosólc-Hródk 25 74 : 32 54

2. LSV Nowe Město 25 74 : 44 52

3. Laubegast 25 63 : 44 48

4. Čerwj.-běli Mužakow 25 58 : 34 45

5. SZ Drježdźany-Strěžin 25 52 : 32 38

6. FC Neugersdorf II 24 50 : 39 36

7. ST Horni kraj-Sprjewja 25 53 : 46 36

8. ST Ćisk 25 46 : 56 33

9. FSV Oderwitz 02 24 50 : 51 32

10. SG Weixdorf 24 46 : 47 31

11. SJ Chrósćicy 25 40 : 62 26

12. SC Borea Drježdźany 25 46 : 74 24

13. ST Trjebin 24 28 : 74 22

14. Drježdźanski SC 25 44 : 89 12


Zestawa domjacych: Králíček – L. Zahrodnik, Hrdlitschka, Sentivan, Dehn (61. Pöpel), M. Zahrodnik, Runt, Henčl, G. Zahrodnik (57. Bogusz), Młynk (87. Mark), Němec

W poslednjej domjacej hrě sezony 2017/2018 nastupichu koparjo Chróšćanskeje SJ minjenu sobotu přećiwo cyłkej z Noweho Města. Tón steji tučasnje na druhim městnje tabulki a ma na poslednim hrajnym dnju šansu, wubědźić sej titul w krajnej klasy-wuchod. Tak bě w Chrósćicach wězo wulki faworit.

Domjacy chcychu swojemu při­wiskej hišće raz rjanu partiju pokazać. To pak so w 1. połčasu docyła njeporadźi. Hra bě poměrnje wurunana, ale zmylki hosćićela běchu přičina za hnydom štwore přećiwniske wrota. Dokelž běchu to nimale wšo kontery a 1-pře­ćiwo-1-situa­cije, bě tež wrotar Petr Krá­líček bjez ­šansy.

wozjewjene w: Sport
wutora, 12 junija 2018 14:00

Smědźa dalšu sezonu planować

SJ Chrósćicy II

– HZ Wulke Ždźary 6:2 (2:1)

Zestawa domjacych: Matješk – Dórnik, Mark, Bětnar, Dehn (82. Klimant), Bogusz, Šiman, C. Šmit, Mohaupt (69. Donat), Liznar, D. Šmit (78. Jakubaš)

wozjewjene w: Sport

Kónčna tabulka sakskeho krajneho finala w starobnej skupinje II:

1. Sportowy gymnazij Kamjenica9 14:1

2. Serbski gymnazij Budyšin  7 4:4

3. Wyša šula Aue-Zelle 5 2:2

4. Měšćanski gymnazij Riesa 4 2:7

5. Prof. dr. Maxa Schneiderowy

gymnazij Lichtenstein 2 0:7


Koparjo 8. do 10. lětnika Serbskeho gymnazija Budyšin (SGB) wubědźichu sej w kónčnym wurisanju najlěpšich šěsć šulow Sakskeje slěbornu medalju. Woni su štwórte hólče mustwo SGB, kotrež­ je krajne finale w tutej bulosportowej družinje docpěło.

W lěće 2003 běchu šulerjo 9. a 10. lětnika ći prěni, kotřiž wróćichu so ze swojim kapi­ta­nom Mattijom Bětnarjom z Lipska ze slěbrom. A w lěće 2010 wobsadźichu hólcy 7. a 8. lětnika pod režiju Jonasa Krawčika pjate městno. Dalše slěbro wubě­dźichu sej loni naši najmłódši kopa­rjo 5. a 6. lětnika wokoło kapitana Leona Šołty, a nětko je njewočakowano třeća slěborna medalja z kapitanom Stevom Schröderom k tomu přišła. Dokelž njeběchu šulerjo Wiprechtoweho gymnazija Groitzsch do Lipska přijěli, wuhra zbywace pjeć mustwow kóžde přećiwo kóždemu swojeho dobyćerja, a to dwójce dźesać mjeńšin.

Serbski gymnazij Budyšin

wozjewjene w: Sport

Serbska debata

nowostki LND