Wojerecy (SN). Klětu změje Wojerowski zwěrjenc kulojte narodniny. Składnostnje jeho 60lětneho wobstaća chcedźa so z wopytowarjemi, bywšimi pomocnikami při natwarje a z přećelemi na časowu jězbu do zašłosće podać. Za to pytaja Wojerowčanow, kotřiž běchu při natwarje jednotliwych wobłukow coologiskeje zahrody pomhali a na přikład ze swojej brigadu wosebite akcije přewjedli. Dale pytaja stajnych wopytowarjow, kotřiž su jej hižo wjele lět swěrni. Z časowymi swědkami chcedźa dopomnjenki, anekdoty a dožiwjenja zachować, zo bychu tež přichodne generacije zhonili, kak je zwěrjenc nastał a kak je so na woblubowane wočerstwjenišćo wuwił. Zajimcow proša so pod telefonowym čisłom 03571/ 47 63 700 abo e-mailnje pod přizjewić.
Jedyn z woblubowanych fotowych motiwow su mjedźane figury kozow, na kotrychž je wjele fotow dźěći a jich swójbow nastało. K 60. róčnicy coowa chcedźa fotowu wustajeńcu zestajić, w kotrejž tele a dalše motiwy ze zašłych lětdźesatkow pokazaja. Pósłać móža zajimcy swoje wobrazy na mjenowanu e-mailo- wu adresu abo na adresu zwěrjenca Am Haag 20, 02977 Wojerecy.
W stawiznach Serbskeho gymnazija Budyšin (SGB) docpěchu bičwolejbulisća třeći raz kónčne krajne finale we wurisanju „Młodźina trenuje za olympiju“. W lětomaj 2014 a 2016 wróćichu so naši sportowcy ze štwórtym městnom, tónraz wuskoči w Drježdźanach dobre pjate městno.
Srjedź junija dojědźechu sej hrajerki a hrajerjo wokoło kapitana Dawida Wowčerja do Drježdźan, zo bychu w sakskim finalu bičwolejbula sobu wo medalje wojowali. Bě to wot spočatka ćežki nadawk, wšako čakaštej na nich w stafli 1 ze Sportowym gymnazijom Drježdźany a Gymnazijom „Am Sandberg“ Wilkau-Haßlau sylnej konkurentaj. Chcychu-li na kóncu wo bronzu hrać, bě wuspěch přećiwo sportowcam z Wilkauwa-Haßlauwa wuměnjenje.
Aktualna tabulka wólnočasneje koparskeje ligi (starych knjezow) WFV
1. Sokoł Ralbicy/Hórki 11 40 : 10 28
2. HZ Wojerecy/Wětnica 11 48 : 14 27
3. Módro-běli Kulow 11 20 : 11 21
4. LSV Hory 11 27 : 18 16
5. HZ Hórnikecy/Ćisk 9 24 : 24 13
6. Jednota Wojerecy 10 13 : 24 12
7. Aktiwist Wojerecy 10 30 : 47 12
8. HZ Rakecy/Šćeńca 9 13 : 19 10
9. HZ Bluń/Lubuš 10 13 : 20 7
10. HZ Lok Wojerecy 10 10 : 51 3
Sokoł Ralbicy/Hórki
– HZ Bluń/Lubuš 3:1 (2:0)
Zestawa domjacych: Měškank – Statnik, Brězan (30. M. Žur), Jakubaš (50. Serbin), Lulak, Brückner (60. Schultz), Hrjehor, Zynda, Bjeńš, Matka, Šołta (41. Šwejda)
Po wuspěšnej sezonje, w kotrejž wubědźichu sej koparjo Sokoła Ralbicy/Hórki loni wicemišterstwo a wokrjesny pokal, přewza w lěću 2017 něhdyši profijowy kopar Jiří Krohmer delanske mustwo. Za 40lětneho čěskeho trenarja njebě to žadyn lochki nadawk, kročić po stopach Tomaša Henčla. Nětko, lěto pozdźišo, je so Krohmer hižo zaso rozžohnował. Čehodla a dokal je šoł, to přeradźa wón Jurjej Bjeńšej.
Knježe Krohmero, po jednym lěće jako trenar w Ralbicach sće swoju sportowu tobołu hižo zaso spakował. Čehodla?
J. Krohmer: Trenarjo dóstawaja kóžde lěto znowa poskitki druhich towarstwow. Tež pola mje tak bě, a sym sej wšitko derje přemyslił. Najbóle wabił bě mje hižo raz poskitk Budissy Budyšin, tam zhromadnje ze Steffenom Hoßmangom wěsty nadawk spjelnić, štož pak je na maličkosćach zwrěšćiło. Hižo dołho z Hoßmangom wo tym rěčimoj, zo budźemoj raz zhromadnje při liniji stać. Smój dźě spřećelenaj. Přichodnu sezonu nětko tak daloko je, budu jemu jako kotrenar w Ćisku poboku. Z ST Ćiskom je wón loni hakle postupił.
Što je Was tak wabiło, do Ćiska hić?