Z wudaća: wutora, 17 julija 2018

wutora, 17 julija 2018 14:00

Krótkopowěsće (17.07.18)

Kralowski por pytany

Bórkowy. Nowy serbski kralowski por pytaja w Bórkowach. Tuchwilny chce krónu a ceptar na domizniskim a dra­stowym swjedźenju w awgusće dale dać, zdźěla Bórkowski hamt. Alice a Benja­min I. staj region jedne lěto na wše­lakich turistiskich zarjadowanjach a wikach zastupowałoj. Přizjewjenja přijimuje Bórkowska turistiska informacija.

Delnjoserbski Witaj-camp

Jarješk. 19 hólcow a holcow přebywa tón tydźeń w 13. Witaj-campje Choće­buskeje wotnožki Rěčneho centruma WITAJ.­ We wob­lubowanym wočerstwjenišću Ja­rje­šku mjez Baršćom a Mužakowom wu­kmanjeja so wobdźělnicy w delnjoserbšćinje. Tak přewjeduja wšelake akcije a wubědźowanja. Wobhladać chcedźa sej film wo Krabaće, tež do šo­kolodoweje fabriki sej wuleća.

Wustajeńca wo Thietmaru

wozjewjene w: Krótkopowěsće
wutora, 17 julija 2018 14:00

Wjesne wobory zachować

Gmejny měli zhromadnje gratownje twarić a wudźeržować

Pančicy-Kukow (SN/JaW). Dale a wjetše starosće maja komuny tež w Hornjej Łužicy, wodnjo hotowosć swojich dobrowólnych wohnjowych woborow zaručić. W gmejnje Ralbicy-Róžant njemóža ju na přikład w Róžeńće hižo dlěši čas zaručić, dokelž maja jenož jednoho wobornika k dispoziciji, kaž nawoda gmejnskeje wobory Ralbic-Róžanta Achim Měrćink na njedawnej gmejnskej radźe rozprawješe.

wozjewjene w: Łužica
wutora, 17 julija 2018 14:00

Słowjanstwo dyrbi dale čakać

Cyril Kola

Na dosah ruki běchu koparjo narodneho mustwa Chorwatskeje na tym byli, jako­ prěni reprezentanća sporta jednoho ze słowjanskich krajow pyšić so z bły­šćatym złotom swětoweho mištra w najpopularnišej sportowej družinje, pěstowanej po cyłym swěće.

Ale zaso jónu dyrbješe słowjanstwo w tymle prestižnym nastupanju do měsačka hladać. W najposlednišej chwili jemu­ Équipe Tricolore přihotowanu radosć skazy, k wšemu njezbožu tež hišće w stolicy najwjetšeho słowjanskeho naroda. Něšto kaž tragika bywa při tym fakt, zo Francozojo – njech je jim jich wu­spěch­ na swětowych mišterstwach při­wšěm popřaty – we wobchadźenju z kožanej kulu (abo puchom, kaž bě Radworčan Michał Nawka-rěčespytnik w połstatych lětach zašłeho lěttysaca „bul“ ryzy serbsce wukřćić spytał) božedla njejsu wo ničo lěpši byli hač chorwatscy ko­parjo. Najwustojniši němski telewizijny rozprawjer wo kopańcy Béla Rethy samo přiznawajo měnješe, zo su Chorwaća po wašnju hraća přećiwnika přesahowali.

wozjewjene w: Rozmyslowane
wutora, 17 julija 2018 14:00

Wuradźuja wo nowym šulskim koncepće

Wojerecy (KD/SN). Spěchować serbsku rěč a kulturu, to ma na Zakładnej šuli „Han­­drij Zejler“, na gymnazijach a w mno­hich towarstwach Wojerec wulku hódnotu. „Woleni politiscy zastupjerjo m­ěsta a tudyšeje župy Domowiny to pod­pěruja a chcedźa wuwučowanje serbšćiny tež na woběmaj wyšimaj šulomaj zwoprawdźić“, zwurazni měšćanosta za kulturu Thomas Delling (SPD) na naprašowanje žurnalistki za Serbske Nowiny.

Wotewrjenje noweje wyšeje šule w lěće 2020 by za to­ dobru składnosć ski­ći­ło. Dom bu 1959 jako prěnja poly­tech­ni­ska wyša šula we Wojerowskim nowym měsće wote­wrjeny. Pozdźišo bě tam Zusowy gymnazij zaměstnjeny. „Nětko jón přetwarjamy, zo móhli tam zwoprawdźić šulski koncept z perspektiwu“, Delling potwjerdźi.

wozjewjene w: Kubłanje
wutora, 17 julija 2018 14:00

Kursisća w Smolerjec kniharni

Na minjeny štwórtk zahajenym lětušim mjezynarodnym lětnim kursu za serbsku rěč a kulturu Serbskeho instituta wobdźěla so cyłkownje 47 zajimcow z 13 krajow, z čimž je maksimalna kapacita městnow nimale docpěta. Wjetšina kursistow je z Čě­skeje, najdlěši přijězdny puć drje mějachu třo Američenjo a Japanjan. Wčera je dr. Fabian Kaulfürst wobdźělnikow po Budyšinje wodźił. Mjez druhim wopytachu tež Smolerjec kniharnju. Hač do kónca měsaca njewukmanjeja so woni jenož na polu rěče, ale maja tež składnosć, so we wobłuku ekskursijow na přikład do Sle­pjan­skeje kónčiny a do klóštra Marijineje hwězdy podać. Foto: SN/Maćij Bulank

wozjewjene w: Kubłanje
wutora, 17 julija 2018 14:00

Söder: Berlin je wina

Mnichow (dpa/SN). Bayerski ministerski prezident Markus Söder (CSU) je sej wěsty, zo leža přičiny za špatnu nahladnosć strony mjez wolerjemi předewšěm na zwjazkowej runinje. Je to „wuslědk Berlinskich rozsudow“, rjekny Söder Mnichowskim nowinarjam. „Tohodla dyrbimy so sylnišo na Bayersku wusměrić.“ Woprašowanja minjenych měsacow su wunjesli, zo je CSU na najlěpšim puću, při wólbach krajneho sejma 14. oktobra tuchwilnu absolutnu wjetšinu w krajnym sejmje přisadźić.

Žonu k jastwu zasudźili

Moskwa (dpa/SN). Sudnistwo w Mo­s­kwje je jednu ze štyrjow žonow, kotrež běchu na finalnej hrě swětowych koparskich mišterstwow njedźelu w Moskwje na trawnik běželi, k 15 dnjam jastwa zasudźiło, kaž punkrockowa band Pussy Riot internetnje zdźěla. „Chcych pokazać, kak wšelako so struktury mocy nało­žuja“, žona w sudniskim jednanju rjekny. To rozprawja powěsćernja Interfax. Pussy Riot twjerdźi, zo su žony, kotrež běchu na hrajnišću, čłonojo skupiny.

May so přesadźiła

wozjewjene w: Kraj a swět
Kaž swětowych mištrow su koparjow chorwatskeje narodneje wubranki wčera w Zagrebje domoj witali. Statysacy jim podłu puća­ z lětanišća do centruma města přiwyskachu. Wšako běchu Chorwaća na swětowych mišterstwach w Ruskej njewoča­ko­wano slěbornu medalju dobyli. Lětadła chorwatskeho wójska su mašinu z koparjemi hač k lětanišću eskortěrowali. W běhu dnja je statna prezidentka Kolinda Grabar-Kitarović hrajerjow w swojej kencliji přijała a wuznamjeniła. Foto: dpa/Tomislav Miletić

wozjewjene w: Sport
wutora, 17 julija 2018 14:00

To a tamne (17.07.18)

Na třěše cyrkwje wisajo wostał je 16lětny ze swojim płujadłom za płachtako­wanje. Wohnjowa wobora dyrbješe jeho wuswobodźić. Młodostny so při misnjenym lěće w Mühlenbachu na noze zrani. Njesćerpny młodostny bě bjez kóždehožkuli nazhonjenja na tym polu při bliskim lěsu na prěni tajki paragliding startował. Po něhdźe 300 metrach pak so jeho płujadło w cyrkwinej třěše zapopadny a tomu zadźěwa, zo 16lětny na zemju padny.

Zamołwiteho za rumowanje kutlow (Pferdeäpfel) pytaja na kupje Hiddensee w Baltiskim morju. Tamniše kurowe zarjad­nistwo je wotpowědne dźěłowe městno wupisało. Na kupje je lědma awtow­, konjace zapřahi njejsu tuž ničo njewšědneho. Nowy sobudźěłaćer měł nimo přećelneho wustupowanja a techniskeho zrozumjenja zwólniwy być, zo tež kónc tydźenja a swjate dny dźěła.

wozjewjene w: To a tamne

Magdeburg (dpa/SN). Bywši hospodarski minister Saksko-Anhaltskeje Horst Rehberger je před hospodarskimi sćěhami kónca wudobywanja brunicy warnował. Klimopolitisce by so kónc zmilinjenja lědma wuskutkował, rjekny politikar FDP powěsćerni dpa w Magdeburgu. Po­trjechenym kónčinam předewšěm na wuchodźe Němskeje pak hrozy zničenje dźěłowych městnow a tak hospodarska a socialna katastrofa.

Swoje wobmyslenja je Horst Rehberger w lisće předsydam wuhloweje ko­mi­sije zwjazkoweho knježerstwa for­mulo­wał. Politikar bě wot lěta 1990 hač do 1993 a wot 2002 hač do 2006 hospodarski minister Saksko-Anhaltskeje. W spisu skedźbnja Rehberger na tójšto planowanych nowotwarow wuhlowych milinarnjow w Aziskej. Jeničce China a Indiska planujetej milinarnjowe kapacity wjace hač 800 gigawattow. Cyłkowna němska kapacita wučinja 21 gigawattow.

wozjewjene w: Kraj a swět
wutora, 17 julija 2018 14:00

Trump wulku rozhorjenosć zbudźił

Helsinki (dpa/SN). Po wjerškowym zetkanju z ruskim prezidentom Wladimirom Putinom ma prezident USA Donald Trump ruce połnej dźěła, zo by kritikarjow w swojej domiznje zaso změrował. Mjeztym zo w Ruskej wustupowanje Trumpa chwala, zběha so w USA žołma rozhorjenosće, samo w rjadach Trumpowych republikanow. Jedyn z jeho najwjetšich podpěraćelow New Gingrich rěčeše wčera wječor wo najchutnišim zmylku prezidenta po přewzaću zastojnstwa před połtřeća lětom. Trump dyrbjał swoje wuprajenja wo tajnej słužbje USA hnydom korigować, sej Gingrich žadaše. Dalši politikarjo wopisowachu zadźerženje Trumpa ze słowami kaž „wohańbjace“, „blamabelne“, „přeradne“, „strašne“ abo „słabe“.

Wladimir Putin bě na nowinarskej konferency kóždežkuli nutřměšenje do wólbneho boja USA prěł. Najwjetšu rozhorjenosć bě Donald Trump zbudźił, jako informacije tajneje słužby USA w tym nastupanju do prašenja staješe. „Dowěrjam tajnej słužbje, dementi prezidenta Putina pak bě jara sylne a mócne.“

wozjewjene w: Kraj a swět

Serbska debata

nowostki LND