Z wudaća: štwórtk, 11 oktobera 2018

Lubowarjo psyčeho sporta njech njeskomdźa wosebite zarjadowanje, kotrež wotměje so zajutřišim, sobotu, a njedźelu we Wojerecach. Na swojim terenje na Heinowej (bywše sportnišćo ESV) wuhotuje towarstwo „Pfote drauf“ wobaj dnjej wot 8 do 16 hodź. mjeztym 5. łužiski jězorinowy cup w psyčim sporće. We wšelakich klasach nastupi něhdźe sto wobdźělnikow ze swojimi štyrinohatymi lubuškami. Jedyn z nich budźe Rainer Stüwe, kiž je z psycu Lara hižo někotrežkuli sakske wubědźowanje ­dobył. Pos dyrbi parcours ze zadźěwkami we wěstym času zmištrować. Mějićel psa přewodźa a jemu komanda dawa, hewak ničo. Foto: Silke Richter

11.10.–17.10.2018 Budyski filmowy palast: Luis und die Aliens: wu a srj 10:00 Smallfoot w 3 D: wšědnje 15:00 Smallfoot: wšědnje 17:00 (nimo nj) | wu a srj 10:15 | nj, wu a srj 12.15 | nj 17:15 Der Vorname: nj 17:00 Ballon: wšědnje 14:30 a 19:30 (nimo pó) Pettersson und Findus: wšědnje 15:00 Die Unglaublichen 2 w 3 D: wšědnje 14:30, 17:15 a 19:45 | wu a srj 10:15 | pj a so 22:30 Gundermann: pj a so 22:30 Klassentreffen 1.0: wšědnje 17:00 (nimo nj a pó) a 19:45 (nimo pó) | pó 19:30 The Nun: pj a so 22:15 Hotel Transsilvanien: nj 12:30 | wu a srj 10:15 a 12:30 Venom w 3 D: wšědnje 15:15 (nimo nj) a 20:00 | pj a so 22:30 Das Haus der geheimnisvollen Uhren: nj, wu a srj 12:45 Das schönste Mädchen der Welt: nj, wu a srj 12:30

Kino-ekstra: Zuhause ist es am schönsten: nj 17:15 | pó 17:15 a 20:15

Wojerowski CineMotion:

Smallfoot w 3 D: wšědnje 18:15 Smallfoot: wšědnje 12:05, 14:10 a 16:15 Flashdance: srj 20:10 Grüner wird’s nicht: srj 18:00 Venom w 3 D: wšědnje 20:25 | pj a so 22:45 Venom: wšědnje 18:00 (nimo srj) | srj 15:45 A Star is Born: wšědnje 17:10 a 19:55 | pj a so 22:40 Die Unglaublichen 2: wšědnje 12.15, 15:00, 17:35 a 20:20 | pj a so 22:55 Klassentreffen 1.0: wšědnje 20:15 Das Haus der geheimnisvollen Uhren: wšědnje 15:45 (nimo srj) Das schönste Mädchen der Welt: wšědnje 12:10 Pettersson und Findus: wšědnje 14:00 The Nun: pj a so 22:50 Gundermann: wšědnje 14:25 Hotel Transsilvanien: wšědnje 12:00

Mjeztym zo wulki dźěl ratarskich předewzaćow na swojich polach lědma hišće běrny plahuje, čini to dźensa něchtóžkuli doma w swójskej zahrodce. Nětko w oktobru tak daloko je, zo móžeš běrny žnjeć. Wulke su wočakowanja, kak drje su so wone lětsa­ radźili. Pola Korchec w Němcach su tele dny wnučki Quentin, Jakub a Kenneth při zběranju běrnow pomhali. A hdyž je jedyn z nich wosebje wulki eksemplar wuhladał,­ bě wjeselo ćim wjetše. Někotre Němčanske běrny běchu samo ćeše hač 700 gramow. Foto: Gabriela Korchowa

Zerzawe błóto z Wochožanskeje brunicoweje jamy wobydlerjow Miłoraza a z wokolnych wsow wulce starosći

Miłoraz (AK/SN). Wjacore sta metrow šěroka je woršta zerzaweho bruneho błóta. Hižo mnohe lěta so wone we wote­wrjenym pódlanskim pasmje Wochožanskeje brunicoweje jamy wotsadźa. Južnje Miłoraza postaja błóto wobraz krajiny. „To bě montažowe městno wuwozneho mosta F 60. Tam, hdźež steještej bager a wuwozny móst, je so Wochožanska brunicowa jama započała“, dopomina so Günter Cech z Miłoraza. Runje tam, hdźež je dźensa woršta błóta, steješe ródny dom jeho žony Elsy. W lěće 1966 bě tónle dom prěni wopor jamy, při čimž sta so wjesny dźěl Miłoraza, Nowo­měšćanski wutwar z 540 wobydlerjemi, z woporom wotbagrowanja. „Miłoraženjo a mnozy ludźo wokoliny wo zerzawym błóće wědźa. Starosćimy a bojimy so“, Günter Cech podšmórnje.

Z Němcow pochadźaca 45lětna Serbowka Beata Čórlichec je so spočatk julija jako amaterka w francoskim měsće Nizza na połnej Ironman-distancy štwórty króć za najćeše swětowe mišterstwa w triatlonje na Hawaiiskej kupje kwalifikowała. Lětuši Hawaiiski Ironman je njedźelu, 14. oktobra. Budu to na jedyn dźeń 3,8 km płuwanje w žołmach Pacifiskeho oceana, 180 km kolesowanje při nje­wobličomnych wětřikach w bliskim hórstwje a 42,195 km marathonowy běh po wotrězkach lawy.

Beata Čórlichec je hižo srjedu, 3. oktobra, po něhdźe 30 hodźinach lěta na Hawaiiju přizemiła. Tak móžeše so na kupje aklimatizować a zažiwić. Nimo toho tam tež hišće pod tamnišimi tropiskimi poměrami a wuměnjenjemi trenuje. Jeje startowe čisło budźe lětsa 1199.

Přejemy Beaće Čórlichec wjele wuspěcha a zo sej swój wulki cil štwórty raz bjez zranjenja spjelni! Jurij Nuk

Zajutřišim, sobotu, budźe we wokrjesnej koparskej lize mjez mustwomaj SC Mały Wosyk (Kleinhänchen) a ST Marijina hwězda němsko-serbski derby. Maik Rupprecht ma hru sudźić. Wosebitosć duela je ta, zo stej so koparskej rezerwje wobeju cyłkow za aktualnu hrajnu dobu zjednoćiłoj. Přećelsku partiju před šěsć lětami běchu Pan­čičenjo 6:2 dobyli. Jurij Bjeńš

ST Marijina hwězda – ST Nadrózna Hrabowka 1:0 (0:0)

Zestawa domjacych: O. Schmidt – Wróbl, Ch. Cyž, Bělk, Lipič (53. R. Cyž), Pesch­mann, Hawš (62. Winkler), Pjetaš, P. Schmidt, Eldor (78. Čornak), Pakoßnick

W druhim wokrjesnym pokalnym kole je so prěnje koparske mustwo ST Marijineje hwězdy snadnje přećiwo Nadróznej Hrabowce (Straßgräbchen) přesadźiło. Dobyće pak bě zasłužene. W ekstremnje słabej partiji nasta wjele zmylkow a tójšto njetrjebawšich dołhich třělwow, tak zo žadyn porjadny hrajny natwar móžny njebě. Při­wšěm mějachu domjacy swoju prěnju móžnosć po dźesać mjeńšinach. Po dobrym přihoće Richarda Hawša steješe Jakob Pakoßnick sam před wrotarjom hosći, njezamó pak bul do syće sunyć. Tež dalšej pospytaj Matijasa Wróbla a Feliksa Pjetaša njeběštej wuspěšnej. W 23. min. bě to znowa Hawš z prima přihrawku Křesćanej Bělkej, kiž pak z kónčkojteho kuta na wrotarju zwrěšći. Do połčasa mějachu Pančičenjo jenož hišće jednu­ naspomnjenjahódnu scenu. Wólny kop Paula Schmidta na žerdź je Falko Pesch­mann jeno snadnje misnył (34.).