Z wudaća: štwórtk, 08 nowembera 2018

Přepytuja morjenja dla

Budyšin. Po wšěm zdaću hrózbny njeskutk sta so wčera w Budyšinje. Kriminalna policija je wječor přepytowanja podhlada morjenja dla zahajiła. Jako bě žona po dźěle do swojeho bydlenja na Karla Marxowej přišła, namaka tam swoju dźowku nježiwu. Přiwołany nuzowy lěkar móžeše jenož hišće smjerć 30lětneje zwěsćić.

W bydlenju 50lětneje maćerje bě to­horunja 32lětny žiwjenski partner jeje dźowki. Wón bě spytał sebje samoho morić. Nuzowemu lěkarjej pak so poradźi jeho wožiwić. Na to 32lětneho zajachu. Pod škitom policije dowjezechu jeho do chorownje. Při tym dyrbjachu muža sputać, dokelž so wón ze wšej mocu přećiwo wuchowanju­ wobaraše. Što bě so w by­dlenju dokładnje stało, dotal hišće znate njeje. Kriminalisća zawěsćichu slědy a dopokazanki. Statne rěčnistwo a komisija za mordarstwa pad přepytujetej.

8.11.–14.11.2018 Budyski filmowy palast:­ Phantastische Tierwesen 2: srj 14:30 Phantastische Tierwesen 2 w 3 D: srj 16:30 a 19:30 Coldplay: srj 20:00 25 km/h: wšědnje 17:15 (nimo nj a pó) a 20:00 (nimo pó a srj) Der Vorname: wšědnje 14.15 (nimo so a pó) a 19:00 Der Nussknacker: wšědnje 13:45 (nimo pó) Der Nussknacker w 3 D: wšědnje 15:45 (nimo srj) a 20:00 (nimo srj) | srj 16:30 | pj a so 23.15 Halloween: wšě­dnje 21:00 | pj a so 22:30 Johnny English­: wšědnje 18:00 (nimo srj) Die Unglaublichen 2: wšědnje 14:30 (nimo pó a srj) Pettersson und Findus: so 14:15 Klassentreffen 1.0: štw, pj, nj a wu 16:30 Ballon: so a pó 16:30 Smallfoot: nj 12:00 Hotel Transsilvanien: nj 11:45 Das schönste Mädchen der Welt: nj 12:15 The Nun: so 22:30 Venom: pj 22:30

Kino-ekstra: Don’t worry, Weglaufen geht nicht: nj 17:15 | pó 17:15 a 20:15

Wojerowski CineMotion:

Droždźij (CS/SN). Tysacy wopytowarjow su minjenu njedźelu běrnjacy swjedźeń w Droždźiju pola Wósporka wopytali. Tamniše domizniske towarstwo je woblubowane zarjadowanje derje přihotowało a mnozy wjesnjenjo pomhachu, zo by so wšo radźiło. Wósporski měšćanosta Jürgen Arlt (njestronjan) jich angažement chwaleše, mjez druhim to, zo bě dosć parkowanskich městnow.

W srjedźišću swjedźenja stejachu wězo běrny. Pilne žony so wo to starachu, zo móžachu sej je wopytowarjo jako poliwku, plincy, kisałe běrny abo z twarohom a lanym wolijom popřeć. Sobudźěłaćerjo Hrodźišćanskeje agrarneje wikowanskeje towaršnosće neple po měchach předawachu a čłonojo młodźinskeje wohnjoweje wobory je k awtam kupcow nošachu. Nimo toho je něhdźe 50 wikowarjow swoje twory poskićało.

Hinak hač w zašłych lětach sej wopytowarjo Droždźijski hrodowy park lětsa wobhladać njemóžachu. Nowy wobsedźer hrodu bě wokoło swojeje ležownosće płót stajił.

Sakska literarna rada je serbskej basnicy Literarne myto ministerstwa za wědomosć a wuměłstwo Sakskeje připóznała. Wuto­ru, 26. winowca, ministerka dr. Eva-Maria Stange (SPD) Róži Domašcynaj wuznamjenjenje na połnje wobsadźenej žurli „Vis-à-vis“ we Wojerecach přepoda. Do toho bě so jednaćelka literarneje rady dr. Sibille Trömel ministerce za to dźakowała, zo bu cyłkowna suma myta na 10 000 eurow zwyšena, z čimž wuznamjenjenje „hódnotu a prestiž nabudźe, kajkejž jemu wotpowědujetej“. Tule wozjewjeja Serbske Nowiny dźaknu narěč lawreatki kaž tež wujimk z wobkrućenja jury.

Lubi swójbni, přećeljo a znaći, česćena knjeni ministerka, česćena jury

Wjelče šćežki a (nje)žiwjenske puće

W słowach namakaš warianty, z kotrymiž móžeš so dołho zaběrać. W słowje „žiwjenje“ na přikład tči „žiwe“ a „nje“, potajkim tež „nježiwjenje“. Zbywa prašenje: za čo so rozsudźić?

ST Marijina hwězda

– HZ Wulke Ždźary 4:0 (1:0)

Zestawa domjacych: Schmidt – R. Cyž, Škoda, Rab, Zelnak, Peschmann, Pjetaš (67. Bělk), Hawš, Eldor (77. Čornak), Pakoßnick (75. Winkler)

Cyle tak jasna kaž wuslědk hra spočatnje njebě. Koparjo ST Marijineje hwězdy mějachu přećiwo hłuboko stejacym hosćom spočatnje wulke ćeže. Porjadny natwar hry móžny njebě, tež dołhe třělwy ničo njepomhachu. Z prěnim porjadnym nadběhom padny w 12. min. 1:0. Feliks Pjetaš bě sej w srjedźnym polu z bojowniskim zasadźenjom bul wuwojował a na prawym křidle Alija Eldora pósłał. Tón posłuži Jakoba Pakoßnicka, kiž trjechi ze zdalenosće dźesać metrow. Po dwěmaj móžnosćomaj za hosći (16., 18.) a po fazy, w kotrejž za Pan­čičanow najebać nawjedowanje tak prawje njeběžeše, so kló­šter­scy koparjo zaso popadnychu. Tójšto móž­nosćow pak k 2:0 njewjedźeše. Falko Pesch­mann misny flanku Pakoßnicka swobodnje stejo (25.), a Pakoßnickowa třělwa po soloběhu do rukow wrotarja bě dar (29.). Bjez wuspěcha wostachu tež móžnosće Eldora (32.) a Pakoßnicka (32., 34.).

1. FC Kaiserslautern

– FC Energija Choćebuz 0:2 (0:0)

Zestawa hosći: Spahić – Weidlich, Stein, Schneider, Matuwila, Holthaus, Kruse, de Freitas (88. Scheidhauer), Viteritti, Geisler (54. Schlüter), Mamba (90. Rangelow)

Mjez 24 000 přihladowarjemi bě minjeny pjatk w Kaiserslauternje tež 8 000 hosći z Choćebuza. A ći dožiwichu druhe wonkowne dobyće swojeho mustwa. Z tym wšak nichtó tak prawje ličił njebě, wšako hraješe chudy FCE pola bohateho FCK. Nimo toho bě hosćićel štyri ze zašłych pjeć partijow dobył a so z pincu tabulki rozžohnował. Z kompaktnym rjećazom pjeć škitarjow stupichu so Łužičenjo přećiwo nadběham domjacych, při čimž hraješe dorostowy kopar Leon Schneider w centrali wažnu a suwerenu rólu.

Kopańca, wokrjesna wyša liga

1. Rakečanske ST 11 37 : 3 33

2. Módro-běli Kulow 11 24 : 11 24

3. Póst Germ. Budyšin 11 30 : 21 20

4. LSV Hory 11 23 : 16 20

5. Sokoł Ralbicy/Hórki 10 21 : 15 20

6. Drohotka Ramnow 11 24 : 19 18

7. Natwar Němske Pazlicy 11 17 : 12 18

8. Motor Kumwałd 11 20 : 26 16

9. Wojerowski FC 11 26 : 19 15

10. ST Kinspork/Łužnica 11 18 : 19 15

11. TSV Połčnica 11 18 : 25 15

12. SG Großnaundorf 11 23 : 25 12

13. ST Hnašecy-Dobruša 10 20 : 23 11

14. Zeleno-běli Bukecy 11 15 : 41 7

15. ST Porchow 11 12 : 33 4

16. ST Radwor 11 11 : 31 1

wokrjesna liga, stafla I

Großröhrsdorf II – Wachau 3:1 (0:0)

Germania Budyšin II – Wjelećin 1:4 (0:3)

Huska/Hodźij – Horni kraj II 0:6 (0:3)

Bart – Kubšicy0:1 (0:0)

Ottendorf-Okrilla – Frankenthal 2:0 (1:0)

Biskopicy II – Wjernarjecy 4:0 (2:0)

Lomnitz II – ST Budyšin 0:3 (0:1)

Bretnig-Hauswalde – Arnsdorf1:4 (0:3)

čoło tabulki

1. TSV Wachau 11 51 : 21 22

2. Arnsdorfske KT 11 31 : 19 22

3. FV Ottendorf-Okrilla 10 25 : 15 21

4. Horni kraj-Sprjewja II 10 35 : 14 19