Z wudaća: pjatk, 11 januara 2019

Němsko-Serbske ludowe dźiwadło je wčera inscenaciju „Teror“ w Budyskim sudnistwje pokazało. Andreja Rjedźic-Bulankowa je rólu Any Pauliny Leitner přewzała. Hraješe tuž, štož tež woprawdźe powołansce čini, statnu rěčnicu. Dalši kuriozum: W kruchu wobskorženy je zboka jewišća jeje mandźelski Marian Bulank. Přichodne předstajenje budźe 12. měrca. Foto: SN/Maćij Bulank

Nowe lěto je mjeztym něšto dnjow stare, a w Smolerjec kniharni poskićamy zajimawostki, kotrež su hišće kónc minjeneho lěta na knižnym polu wušli.

Towarstwo Kólesko z.t. je z „Gladźarnica. Slěpjańska burska drasta – Dźěćetko“ předpołožiło prěnju knihu w tym rjedźe. Jako přichodny projekt je planowana kemšaca drasta. Nowostka je wažny dokument, dokelž pokazuje za wšitke wosom wsow Slepjanskeje wosady drastu dźěćetka – započinajo ze spódnjej drastu hač k dospołnemu woblečenju. Kóžda kročel hotowanja dźěćetka je z fotom zapo­padnjena, tak zo su jednotliwe rozdźěle derje spóznajomne. Stare fota a rozkładowace teksty su w serbskej a němskej rěči podate. Nowowudaće wudospołnja knihu wo Slepjanskej drasće z 80tych lět.

Pjatk 11.1. 19:00 Serbski krosnowar Achim Mič přednošuje wo swo­jich dožiwjenjach w Africe pod hesłom „Na ju­hu Afriki“ w Kulowskej Třělerni

  19:45 Čitanje z knihi „Weißer Stein – Ein Oberlausitzer Mordprozess ohne Leiche“ z awtorom Christianom Schultzu w Chróšćanskej putniskej hospodźe

Sobotu 12.1. 9:00 Hwězdni spěwarjo ducy po Worklecach

  10:00 Swinjorězanje na Rownjanskim Njepilic statoku

  10:00 Dźěłarnička Serbskeho sejma wo refleksiji interne­je a eksterneje komunikacije, předewšěm wo jednanskim porjedźe sejma; we Wětošowskim wobydlerskim domje

  13:00 3. zjawne posedźenje Serbskeho sejma we Wětošowskim wobydlerskim domje

  16:00 „Ćeta Monika bajku baje“ z Moniku Gerdesowej w Chróšćanskej putniskej hospodźe

  18:00 Nowolětny koncert SLA na Mortkowskej (Mortka) Jakubecec twjerdźiznje

  19:30 „Magic dreams“ – pěskowe molerstwo z Ellu Winter­ w Kamjenskim hotelu Město Drježdźany

  20:00 Zahajenje slěda lětušich wosebitych koncertow Heidemarje Wiesnerec na spočatku lěta „Slědy – Spu­ren“ w Berlinskej Wili Schwartzsche

Njedźelu 13.1. 16:00 Koncert Heidemarje Wiesnerec k nowemu lětu na žurli Wojerowskeho hrodu

Njedźelu, hornjoserbsce

11:00 Łužica tutón tydźeń, mjez druhim z powěsćemi tydźenja

11:15 Wobrazk z narańšich Serbow

11:25 Kak ćežko je migrantam z Łaćonskeje Ameriki so w Němskej zasydlić

11:45 Jolka 2019

12:00 Nabožne wusyłanje

(Gerat Wornar)

po tym Zbožopřeća

delnjoserbsce

12:30 Aktualny magacin

13:00 Rozhłosowa woklapnica 2018

(druhi dźěl)

13:30 Nabožne wusyłanje

(Bernd Pittkunings)

po tym Zbožopřeća

Budyšin (SN). W Budyskim Serbskim muzeju móža wopytowarjo tójšto wo žiwjenju łužiskich Słowjanow w srjedźowěku zhonić. Za lěto 2019 su sej muzejownicy zaso tři wosebite wustajeńcy předewzali. Što chcedźa pokazać, to přeradźa přihladowarjam direktorka Chri­stina Boguszowa w januarskim Wuhladku. Prěni měsačny magacin lěta 2019 wusyłaja jutře, 12. januara, w 11.45 hodź. w telewiziji MDR. Dalša tema magacina je rozmołwa z dr. Stephanom Bulankom wo nowym ultrazwukowym systemje. Wuhladko wopyta 96lětneho molerja Jana­ Buka a zhladuje na jeho skutkowanje. „Wšitko spěwa do ranja!“ rěkaše dohodowna akcija Serbskeho rozhłosa, kotraž je tohorunja tema wusyłanja.

Na 21. jolka-swjedźeń

Nuknica. Jutře, 12. januara, w 20 hodź. započnje so w Nukničanskej Brězanec bróžni program 21. jolka-swjedźenja, kotryž­ rěka „Klumpańca na hrodźišću“. Nimo zabawy na jewišću móža so hosćo wjeselić na dobru jědź a rjanu serbsku bjesadu z tradicionalnym wohnjostrojom. K rejam piska kapała SerBeat. Po tym hraje hišće DJ hač do zažneho ranja.

Na lětny swjedźeń

Salow. Towarstwo Bratrowstwo přeproša swojich čłonow, wosadnych a dalšich zajimcow zajutřišim, njedźelu, na lětny swjedźeń w formje swójbneho popołdnja. Započatk budźe w 14.30 hodź. ze swójbnym nyšporom w Salowskej ka­pał­ce. Přizamknje so zabawne popołdnjo za cyłu swójbu při kofeju a tykancu na žurli w Salowje. Program wuhotuja chór Bratrowstwa a serbska wosadna šola. Za dźěći budu zabawne hry přihotowane.

Wot hiphopa k dancej

Budyšin. W Budyskim Kamjentnym domje wotměje so jutře a njedźelu lětuši rejwansko-dźiwadłowy festiwal aufTAKT. Repertoire lokalnych a regionalnych doro­stowych ansamblow saha wot hiphopoweje show hač k dancej. Jutřiši zapo­čatk je w 19.30 hodź. a nazajtra w 15.30 hodź.

Koparske mišterstwa žonow

Jutře, sobotu, wot 9 do 14 hodź. wubědźuje so wosom holčich koparskich mustwow w Kamjenskej sportowni při lětanišću wo halowe wokrjesne mišterstwa. Hrać budu w modusu „Kóždy přećiwo kóždemu“, a to stajnje dźesać mjeńšin.

Jutře RB-cup w Kamjencu

Zapadołužiski koparski zwjazk zarja­duje jutře, 12. januara, w sportowni při Kamjenskim lětanišću halowy koparski turněr RB-cup. Tež Sokoł Ralbicy/Hórki je prěni raz mustwo muži za turněr přizjewił. Hrate budźe wot 15 hodź. w dwěmaj skupinomaj.

Testowe koparske hry

Po hodownej a nowolětnej přestawce su wyšoklasowe mustwa zaso trenować započeli a sej w přichodnych tydźenjach wjacore testowe hry dojednali. Tak změje FC Energija Choćebuz jutře w 14 hodź. z AC Spartu Praha najatraktiwnišeho přećiwnika w Stadionje přećelstwa. Dalše testowe partije:

19.01. 11:00  Dyn. Drježdźany U19 – 

  Budissa Budyšin

19.01. 11:00  Jednota Kamjenc –

  Módro-běli Kulow

19.01. 14:00  FC Energija Choćebuz –     1. FC Magdeburg

Prěnje a druhe mustwo wonka

Wolejbulisća Viktorije Worklecy hraja jutře za tydźeń w halomaj přećiwnika, a to we Wojerecach a Niederoderwitzu.

Wodorunje: 3 přisłušnik našeho ludu, 5 nic huste, 6 interpunkciske znamjo, 7 hudźbna skupina hižo w NDR, 10 wokolina, wobwod, 13 dočasnje, žno, 14 wěsty dźěl zatwarjenja, 15 typ sowjetskich awtow

Padorunje: 1 kłok a ..., 2 postrow Sportej ..., 3 wot cyłka zdalena skupina, 4 partner Julije, 8 spěw w operje, 9 słód, 11 sportowa družina, 12 ličba bjez hódnoty

Jězorinowy klinikum wotewrje nowu paliatiwnu staciju

Wojerecy (AK/SN). Po wosom měsacach twarskeho časa wotewru přichodnu wutoru we Wojerowskim jězorinowym klinikumje nowu paliatiwnu staciju. Změja tam šěsć stwow stajnje za jednoho pacienta. „Organizatorisce je wulke wužadanje, jich zastarać. Terapijowy plan a dnjowy­ wotběh chcemy indiwidualnje zestajeć a na potrěbnosće a přeća kóždeho jednotliwca wu­směrić“, podšmórny wčera fachowa lěkarka za nutřkownu medicinu a šef­lěkarka za geriatriju a paliatiwnu medicinu w jězorinowym klinikumje Michaela Stöckel. Wona je nowinarjam swój nowy wotrjad předstajiła.

Mjeztym zo we wjesnych kónčinach dobrowólnych wohnjowych wobornikow w nuzowym padźe wołaja, přijědu w Budyšinje jako prěni powołanscy wobornicy k hašenju abo njezbožam.

Budyšin (SN). Nowych sobudźěłaćerjow dóstanje přichodnje Budyska powołanska wohnjowa wobora. Jedna žona a pjećo mužojo su swoje wukubłanje zahajili resp. to w aprylu činja. Jich žiwjenske srjedźišćo budźe w přichodnymaj lětomaj krajna wohnjowoborna šula w Narću pola Wojerec. Prjedy hač potom statne pruwowanje złoža, zmištruja woni wšelake praktikumy w Budyšinje a druhich powołanskich wohnjowych woborach. Wukmanić so na wuchowanskeho sanitetarja je tohorunja dźěl jich wukubłanja.