Z wudaća: póndźela, 11 měrca 2019

Zastupnistwo Serbski sejm namołwi Zwjazkowu republiku Němsku, „,dorěčenje wo domoródnych a w kmjenach žiwych ludow w njewotwisnych krajach‘ Mjezynarodneje organizacije za dźěło (ILO 169), kotrež je 5. septembra 1991 płaćiwosće nabyło, ratifikować kaž tež serbski lud jako indigeny narod w zmysle dorěčenja připóznać“.

Hodźij (SN/at). Wuběrk „wustawa/prawo“ noweho zastupnistwa je nadawk dóstał, zdobyć partnerow za přesadźenje wobzamknjenja; w jednanjach měli na to skutkować, je zwoprawdźić. To je wobsah wobzamknjenja z 5. posedźenja cyłka sobotu­ w Hodźijskim kantoraće.

Tak kaž mi je so wčera wječor zawěsće najwjetšemu dźělej ludźi šło: „Eberhard“ wonka ze wšej mocu howrješe, zo žaluzije před woknami jenož tak klepotachu. To so zawěrno wjeselach, zo běch nutřka w ćopłym a jenož hdys a hdys z woknom pohladnych, hač je hišće wšitko w porjadku. Wšitcy pak sej tak rjenje njemějachu. Přetož wohnjowym wobornikam wobradźeše sylny wichor hotowy stres. Woni dyrbjachu njeličomne spowalane štomy rumować, kotrež běchu zdźěla na puć padnyli. A hdyž běchu jedne zasadźenje zmištrowali, su jich hižo na přichodne městno wołali. Radworscy wobornicy na přikład hnydom w gratowni wostachu a tam na přichodne komando čakachu. Za tónle čestnohamtski angažement słuša kameradam tež raz zjawny dźak, zo so na dobro druhich zasadźeja. Móžu sej mjenujcy derje předstajić, zo bychu tež woni wčera wječor a w nocy radšo doma wostali. Marian Wjeńka

Znate brune awtodróhowe tafle z turistiskimi pokiwami njejsu jenož w Delnjej a Hornjej Łužicy tež dwurěčne. Tele dny su w gmejnje Dannewerk blisko Schleswiga (Schleswigsko-Holsteinska) tajkej z němsko-danskim popisanjom aktualizowanej připrawili.

Dannewerk (SN/at). Štož njeje za módre puće pokazowace awtodróhowe tafle hišće móžno, zda so za brune tafle při awtodróhach, wabjace za wu­znamne turistiske cile, zdawna samo­zro­zumli­wosć być: dwurěčne popisanje. Nimojěducych na wosebitostki skedź­bnjeć njeje jenož naležnosć łužiskich turistikarjow.

Budyšin/Pančicy-Kukow (SN/MWj). Ze spěšnosću zdźěla wjace hač 100 km/h je wichor „Eberhard“ w nocy po Sakskej a tak tež po Hornjej Łužicy howrił. Dobra powěsć je, zo so po wšěm zdaću w Budyskim a Zhorjelskim wokrjesu nichtó zranił njeje. Na njeličomnych městnach pak su štomy powróćane. Zwjetša wone jenož na puć padnychu. W Budyšinje pak bu při tym wosobowe awto wobškodźene. Nimo južneho dźěla Zhorjelskeho wokrjesa a Kamjenskeje kónčiny je wichor wokoło sprjewineho města najsylnišo zachadźał. Tu dyrbjachu wohnjowi wobornicy Nutřkownu Lawsku dospołnje zaraćić, dokelž hro­žeše so třěcha tak mjenowanych byr­garskich domow sypnyć.

Na wokołopuće a zaraćenu dróhu budu so šoferojo nastajić dyrbjeć, kotřiž chcedźa­ po jutrach ze Šunowa do směra na Kulow jěć. Tež nawopak wot delnich Sulšec do směra na Šunow ničo wjace njepóńdźe.

Šunow/Sulšecy (SN/JaW). Hnydom jutrownu wutoru, 23. apryla, započnu wo­krjesnu dróhu mjez Šunowom a delnimi Sulšecami dospołnje ponowjeć. To zdźěli na naprašowanje sobudźěła­ćerka nowinskeho wotrjada Budyskeho krajnoradneho zarjada Sarah Günther. „Za to budźe puć hač dosrjedź awgusta dospołnje za­wrjeny. To je trjeba wuskosće jězdnje za wukonjenje­ dźěłow dla“, wona při­powědźi.

Budyšin. Hač su jich požadanske podłožki w porjadku, móža dźěłopytacy jutře, wutoru, wot 10 do 12 hodź. w Budyskej agenturje za dźěło přepruwować dać. ­Zajimcy měli swoje podłožki w papjerjanej formje abo na USB-sticku sobu přinjesć. Sobudźěłaćerka agentury dawa jim pokiwy za wobsahowe a optiske wuho­towanje. Přizjewjenja pod telefonowym čisłom 03591/ 66 1410

Najbóle wopytana swójbna schadźowanka dotal

Chrósćicy (MaU/SN). Swójbna schadźowanka w Chrósćicach wuwiwa so na wulki zymski wjeršk. Wosebje dźěći a jich starši maja termin kruće do kalendra zapisany, wšako móža so tón dźeń mjez sobu zetkać a bjesadować. Dźěći pak wužiwaja zarjadowanje za to, so zabawjeć. Tomu běše tež wčera popołdnju tak. Budyski Rěčny centrum WITAJ a Kamjenska župa „Michał Hórnik“ běštej na wot­měnjawe popołdnjo do Chróšćanskeje „Jednoty“­ přeprosyłoj. Wot 15 hač do 18 hodź. knježeše w hali kaž tež w rumnosćach Serbskeje zakładneje šule „Jurij Chěžka“ čiłe žiwjenje. Cilowa skupina zarjadowanja­ su dźěći wot nul do dwa­naće lět zhromadnje ze swojimi swójbnymi. Na wšě 400 ludźi wčera přichwata. „Tak je lětuša swójbna schadźowanka z dotal wotměwacych so najbóle wopytana“, zwěsći regionalna rěčnica za teri­torij župy Katarina Jurkowa. Budyšanka Franciska Krawcowa rjekny: „Smy mjeztym druhi króć na swójbnej schadźowance byli. Mi so zarjadowanje jara spodoba. Bydlimy w Budyšinje. Naju syn ma tule składnosć zwiski k wjesnym dźěćom­ nawjazać a wobstejace skrućić.

W Biskopičanskej twjerdźiznje, najstaršim twarjenju města, chce Křesćanski hospic wuchodneje Sakskeje (CHO) stacionarny hospic z dwanaće městnami wutworić. Tam su nětko prěnje twarjenje torhać započeli. Hišće kmane historiske twarske elementy kaž durje a zornowcowe platy budu zachowane a najprjedy raz składowane. Zachować chcedźa tež wěžu, kotruž do projekta zapřijmu. CHO, kotryž w Ochranowje dalši hospic­ wobhospodarja, chce za projekt w Biskopicach nimale pjeć mio eurow­ nałožić. Z toho budu tři miliony eurow swójskich srědkow. Foto: Steffen Unger

Do štoma zajěł a so zhubił

Mučow. Z njewšědnym wobchadnym njezbožom dyrbješe so policija w nocy na njedźelu na zwjazkowej dróze B 96 mjez Mučowom a Wulkimi Ždźarami zaběrać. Tam bě Opel po wšěm zdaću do wjacorych štomow zrazył. Jako chcychu prěni swědcy pomhać, pak bě so šofer hižo zminył. Alarmowani wohnjowi wobornicy w bliskim lěsu z ćopłotnej kameru po­darmo za nim pytachu. Na to zasadźichu policajskeho psa, kotryž je slědy šofera něhdźe kilometer přez lěs hač do Mu­čowa wučuchał. Tam so slědy zhubichu. Čehodla bě so šofer z městna njezboža zhubił, hač bě wón sam w awće a hač je wón zranjeny, njeje dotal znate. Zwjazkowa dróha bě tři hodźiny zawrjena.

Kopańca, 3. liga

Uerdingen – Karlsruhe 1:3 (1:3)

Choćebuz – Preußen Münster 3:0 (3:0)

Hansa Rostock – Großaspach 0:0 (0:0)

Wiesbaden – 1860 Mnichow 0:1 (0:0)

Unterhaching – Meppen 0:1 (0:1)

Braunschweig – Würzburg 2:2 (0:1)

VfL Lotte – Fortuna Köln 1:2 (0:1)

Osnabrück – Zwickau 3:0 (2:0)

Kaiserslautern – Carl Zeiss Jena 4:1 (1:1)

Aalen – Halleski FC0:1 (0:1)

pinca tabulki

14. SC Fortuna Köln 27 28 : 45 33

15. FSV Zwickau 27 29 : 32 30

16. Sonnenh. Großaspach 27 22 : 26 30

17. Eintr. Braunschweig 27 32 : 45 28

18. FC Energija Choćebuz 26 32 : 41 27

19. FC Carl Zeiss Jena 27 29 : 45 25

20. VfR Aalen 27 32 : 45 21

regionalna liga muži

Viktoria Berlin – Meuselwitz 2:1 (0:1)

Babelsberg – Nordhausen 0:0 (0:0)

Kamjeničanski FC – Altglienicke 4:4 (1:1)

BFC Dynamo – Rathenow 1:0 (1:0)

Erfurt – Lok Lipsk1:2 (0:1)

Auerbach – Budyšin2:1 (1:0)

Biskopičanske KT – Neugersdorf wupad

Halberstadt – Berlinski AK 0:0 (0:0)

Fürstenwalde – Hertha BSC II 1:0 (0:0)

regionalna liga žonow

Biskopičanske KT – RB Lipsk 0:2 (0:1)

Přezjednota Lipsk – Magdeburg 0:0 (0:0)

Steglitz – Fortuna Drježdźany 3:0 (2:0)

Rudne horiny Aue – USV Jena II 0:4 (0:3)

Marzahn – Union Berlin 0:2 (0:0)

Viktoria Berlin – Neuendorf 2:0 (2:0)

1. FC Viktoria Berlin 15 53 : 6 42

2. Union Berlin 15 60 : 10 40

3. RB Lipsk 15 49 : 12 33

4. Magdeburgski FFC 15 33 : 18 31

5. Hohen Neuendorf 15 36 : 22 28

6. Steglitzski FC Stern 15 39 : 28 22

7. USV Jena II 15 19 : 15 21

8. Biskopičanske KT 15 14 : 46 14

9. FC Rudne horiny Aue 15 15 : 47 11

10. Přezjednota Lipsk-juh 14 17 : 37 10

11. BSC Marzahn 15 14 : 60 4