Z wudaća: srjeda, 10 apryla 2019

Šulerjo wopiteho lepili

Wulke Ždźary. Zhromadnje ze šulerjemi je policija zawčerawšim před Wulkoždźarowskej Zakładnej šulu spěšnosć awtow měriła. Z 21 kontrolowanych šoferow běchu štyrjo přespěšni. Mjez nimi bě 60lětny wodźer Citroëna, kiž wosom km/h přespěšnje nimo šule jědźeše. Bóle grawěrowace hač tele přeńdźenje pak bě, zo měješe muž napadnu alkoholowu chorhojčku. Pola njeho naměrichu 1,64 promilow alkohola w kreji, a to hižo w 7.30 hodź. Jeho jězbna dowolnosć je wězo fuk.

Serbski moler Jan Buk zemrě 1. jutrownika w 97. žiwjenskim lěće. W rozestajenju z dogmatiskimi nahladami wo tym, što měło serbske wuměłstwo zdokonjeć, a we wotmjezowanju wot kulturnopolitiskich předpodaćow nasta cyle swójske Bukowe tworjenje. Tak sta so wón z reprezentantom nowočasneho serbskeho wuměłstwa. Jeho wuměłski euwre přeswědči z kwalitatiwnej wurunanosću. Z bědnych prócowanjow za čas studija we Wrócławju a w Drježdźanach spočatk 1950tych lět, ze zasakłeho zakitowanja swójskich wuměłstwowych nahladow přećiwo zadźěwkam časa nastachu harmoniske kompozicije krajinow, ćišnow a aktow we wobknježenej formje.

Na hłownej zhromadźiznje towarstwa Serbski kulturny turizm su so čłonojo z nowej ideju zaběrali, turistow wo našim­ ludźe informować. Serbšćina ­je hłowny dypk.

Rěčny kurs na serwjetach je jedyn z projektow, kotrež Załožba za serbski lud spěchuje. „Předewšěm wusměrja so projekt na hosćencarjow. Woni měli turistow na serbšćinu skedźbnjeć“, je předsyda towarstwa Serbski kulturny turizm Pětr Brězan na njedawnej hłownej zhromadźiznje we Łazu mysličku přitomnym rozkładł. Partner je delnjoserbske kulturne towarstwo Studnja, kotrež měješe zakładnu ideju. Tuchwilu zdźěłuja grafiski koncept. Zakładne wobroty, kaž Dobry dźeń abo Dobry wječor měli so na serwjetach jewić. Runje tak zapřijeć chcedźa akterojo wšelake mustry módroćišća. „Hosćency móhli tež swój logo naćišćeć dać“, Pětr Brězan podšmórny. Towarstwo Serbski kulturny turizm chce projektej praktisce přidźěłać.

Wólnočasna koparska liga WFV

HZ Hórnikečanski jězor/Ćisk

– HZ Bluń/Lubuš 2:1

HZ Rakecy/Šćeńca – Hermsdorfske ST 5:0

LSV Hory – Módro-běli Kulow 1:4

Sokoł Ralbicy/Hórki

– HZ Aktiwist/Lok/SC Wojerecy 4:3

HFC Natwar Wětnica – HFC Jednota 3:1

1.  Sokoł Ralbicy/Hórki 3 8:5 7

2. HZ HFC (Natwar) Wětnica 2 10:1 6

3. HZ Rakecy/Šćeńca 3 9:3 6

4. HZ Bluń/Lubuš 3 3:3 4

5. HFC (Jednota) 3 6:7 4

6. Módro-běli Kulow 2 5:4 3

7.  HZ Hórnikečanski jězor/Ćisk 2 3:4 3

8. LSV Hory 3 4:6 3

9. Hermsdorfske KT 2 3:8 1

10.  HZ Aktiwist/Lok/SC Wojerecy 3 4:14 0

Maik Brězan

kopańca muži, 3. liga

1. VfL Osnabrück 32 47 : 22 67

2. Karlsruheski SC 32 51 : 32 58

3. SV Wehen Wiesbaden 32 60 : 42 55

4. Halleski FC 32 36 : 29 53

5. F.C. Hansa Rostock 32 40 : 41 46

6. TSV 1860 Mnichow 31 43 : 34 44

7. FC Würzburger Kickers 32 46 : 39 44

8. 1. FC Kaiserslautern 32 40 : 42 44

9. KFC Uerdingen 05 32 38 : 48 44

10. SV Meppen 32 42 : 42 43

11. SC Preußen Münster 32 40 : 40 42

12. SpVgg Unterhaching 32 45 : 38 41

13. FSV Zwickau 32 37 : 38 40

14. SC Fortuna Köln 32 34 : 52 37

15. VfL Přećeljo sporta Lotte 32 28 : 36 36

16. Eintracht Braunschweig 32 37 : 47 36

17. Sonnenhof Großaspach 31 27 : 32 34

18. FC Energija Choćebuz 32 41 : 52 34

19. FC Carl Zeiss Jena 32 34 : 51 31

20. VfR Aalen 32 39 : 48 30

Wot 22. měrca 2019 mustwa wólnočasneje ligi Zapadołužiskeho koparskeho zwjazka (WFV) zaso za bulom honja. Stari knježa z Ralbic, amtěrowacy mišter, wobdźěleja so nětko hižo štwórty króć na winowatostnych hrach WFV. Prěni króć pak su woni ći honjeni.

Sokoł Ralbicy/Hórki

– HZ Hórnikečanski jězor/Ćisk 3:1 (1:0)

Hnydom k zazběhej rěkaše přećiwnik starych knjezow Sokoła HZ Hórničanski jězor/Ćisk. Mustwo bě so zesylniło, a Ralbičenjo mějachu swoju lubu nuzu, hrajnu nitku namakać. Přez wrota Sandra Žura a Silwija Rychtarja woni 2:0 nawjedowachu. Napjatosć pak stupaše, jako hósć w kónčnej fazy na 2:1 zniži a samo wurunać spyta. Ale we 80. min. postaji sudnik Jan Hrjehor woprawnjenu jědnatku, kotruž Bosćij Lulak přetwori. Prěnje tři dypki běchu zawěsćene, a dalše dyrbjachu w druhej hrě slědować.

Sokoł Ralbicy/Hórki

– HZ Bluń/Lubuš 1:1 (1:0)