Z wudaća: štwórtk, 11 apryla 2019

Budyšin/Kinspork. Předewzaće Debag Deutscher Backofenbau ma stejnišći w Budyšinje a Kinsporku a předstaji na Drježdźanskich wikach Sachsenback wot 13. do 15. apryla prěni raz nowowuwitu pěc za wobchody Monsun-mini. Wona přenošuje wupruwowany a dotal jenož při wulkopjecach nałožowany monsunski princip na mjeńše pjecy, kotrež hodźa so w předawanskich rumnosćach pjekarnjow abo kupnicow wužiwać.

Dźensniša firma Debag ma swoje korjenje w lěta 1924 w Budyšinje załoženej wotewrjenej wikowanskej towaršnosći „Gustav Schmidt & Söhne“, kotruž běchu 1972 z mjenom „VEB Backofenfabrik Bofaba“ zestatnili. Tehdy w Mnichowje zasydlena Debag je 1990 jeničkeho producenta pjecow w NDR přewzała. W lětach po tym su Mnichowske stejnišćo zawrěli, Budyšin sta so z jeničkim sydłom předewzaća. „Jenož mało Mnichowskich sobudźěłaćerjow je tehdy sobu do Budyšina přišło“, nawoda za rozšěrjenje Oliver Theiß smějkotajo rozprawja. Wón dźě dokładnje wě, zo wjedźeše we wonych lětach dźěłowy puć zwjetša do nawopačneho směra.

Fararka Antje Schröcke je dźewjeć lět w Slepjanskej kónčinje jako dušepastyrka a poradźowarka za potrjechenych brunicoweje jamy skutkowała. Wo wobsahach jeje dźěła a planow je so ­Andreas Kirschke z fararku rozmołwjał.

Što Was hladajo na rozžohnowanje jima?

A. Schröcke: Začuwam wulku dźakownosć. Rozžohnowanska Boža słužba 24. měrca w Slepjanskej wosadźe bě jara hnujaca. Wjetši dźěl ludźi, kotřiž su přišli, znajach ze wšelkich gremijow a z wosady. Z mnohimi mějach wosobinsce činić. To je mje česćiło, zo sej prajach: „Sym ludźi woprawdźe w jich wotpowědnych žiwjenskich situacijach docpěła.“

Čehodla nětko po dźewjeć lětach skutkowanja tu přestanjeće?

A. Schröcke: Tuchwilne zrěčenje by klětu nalěto wuběžało. Tak bě načasu sej něšto­ noweho pytać a nańć. Trjebam nowe wužadanje.

Kak sće w Slepjanskej wosadźe přistup k ludźom dóstała?

17 staršiskich domow z jich dohromady 18 dźěćimi, kotrež běchu so loni w Njebjelčanskej gmejnje narodźili, je gmejna na nowolětne přijeće přeprosyła a nimale wšitke běchu wčera zastupjene. Takrjec jako startowu pomoc přepoda wjesnjanosta Tomaš Čornak (CDU) staršim pjenježny dar. Při kofeju so dorosćeni a dźěći bliže zeznachu. Foto: Feliks Haza

Pomnik Jakuba Barta-Ćišinskeho dyrbješe sej nimoducy w Lipju w Pančicach-Kukowje minjene štyri lěta z trochu zdalenosće wobhladać, dokelž nad Młynskej hrjebju žadyn móst njebě. Wot wčerawšeho tam zaso jedyn je.

Pančicy-Kukow (SN/MWj). Mosty su zdawna rjane přirunanje za zwiski mjez ludźimi, krajemi a ludami a su wuraz zwjazanosće a zhromadnosće. Tule symboliku začuwachu wčera tež w Lipju w Pančicach-Kukowje, jako tam nowy drjewany móst nad Młynskej hrjebju přepodachu. Nastał je wón w zhromadnym projekće dźěłarnje swjateho Michała w Pančicach-Kukowje a Wustawa powołanskeho aktiwizowanja w Świerzawje blisko Jelenjeje Góry, kotryž Europska unija spěchuje. Hudźbnje wobrubił je wčerawšu swjatočnosć chór Šule Ćišinskeho. A dźěći njejsu jeno serbsce a němsce, ale tež jendźelsce spěwali.

Bluń (FAG/SN). Dohromady 36 lět nawjedowaše Klaus Jurk w Blunju swój hosćenc „K załoženju“ direktnje při zwjazkowej dróze B 156. Mjeztym je tam z 33lětnej naslědnicu Mandy Meister z Čorneje Pumpy nowa generacija zaćahnyła. Lětsa w januaru wona hosćenc přewza a wjedźe jón runja předchadnikej jako swójbne předewzaće. Byrnjež sama swójbu z třomi małymi dźěćimi měła, ­je wona přeswědčena, zo tónle nadawk z pomocu podpěry ze swójskich rjadow zmištruje. „Ja rady ludźom napřećo du a spytam k nim wutrobny poměr měć. Nochcu jich jenož posłužować, ale z nimi tež raz pobjesadować“, powěda sympatiska žona.

Wuběr jědźow je hosćencarka wot swojeho předchadnika mjenje abo bóle přewzała. Na jědźnej karće steji wjace hač 20 wšelakich jědźow z wobłuka swójbneje kuchnje. Nowosć su běrny z twarohom a wjetši wuběr solotwjow. Sobu najwoblubowaniša pak je Bärbelowa burska snědań, přetož hižo 26 lět je kuchnja w režiji 63lětneje Bärbel Hensel.

Gmejnscy radźićeljo Slepoho maja hinaše plany hač wjesnjanosta

Slepo (AK/SN). Wo přichodźe bywšeho twarjenja Slepjanskeho komunalneho twarskeho zawoda su měnjenja dale jara rozdźělne. To je so na zašłym posedźenju gmejnskeje rady jasnje pokazało. Wjetšina radźićelow wobzamkny, zo ma wjesnjanosta nadawk předanje imobilije cofnyć. Runočasnje so radźićeljo za to wuprajichu, twarjenje na Wojerowskej dróze ručež móžno centralnej wopłóčkowej syći přizamknyć. Za to trěbne pjenjezy chcedźa zwjesć z danje, kotruž tam zaměstnjeny přemysłowy zawod płaći. Wjesnjanosta Reinhard Bork (njestronjan) bě za wobě předłoze wo to prosył po mjenje wothłosować.

Paduchow na awtodróze dosahnyli

Budyšin. Spěšnje wuslědźili su policisća zawčerawšim wječor padustwo na Budyskej Stieberowej. Tam běštaj mužej w starobje 29 a 32 lět we wobchodźe wjacore bleški parfima w hódnoće 130 eurow pokradnyłoj a jón wopušćejo alarm zawiniłoj. W swojim Opelu ćěkaštaj wonaj do směra na awtodróhu A 4, wjacore policajske awta smalachu za nimaj. Při wotbóčce Niederseifersdorf skućićelow skónčnje zadźeržachu. W jeju awće namakachu zastojnicy wšitke parfimowe bleški, nóž a trašawku. Nimo toho so při drogowym tesće wukopa, zo bě šofer najskerje drogi brał. Rubiznu, nóž a pistolu policisća sćazachu. Wo wšitko dalše stara so nětko kriminalna policija.

Łaz. Wo swojim pytanju za historiskimi měznikami na hranicy mjez Sakskej a Pruskej porěči Rakečan Hans-Joachim Gawor jutře we 18 hodź. we Łazowskim Domje Zejlerja a Smolerja. Jědnaće lět pytaše wón za měznikami a je wo nich knihu spisał. Spěchowanske towarstwo Łazowskeho domu na přednošk přeproša. Zastup płaći tři eura.

11.4.–17.4.2019 Budyski filmowy palast:­

After Passion: wšědnje 15:45 (nimo pó) a 20:30 (nimo pó) | štw, pj, so a wu 18:00 | pó 17:45 a 20:15 | pj a so 22:45 Willkommen im Wunder Park: štw, so, nj a wu 13:45 Willkommen im Wunder Park w 3 D: wšědnje 16:00 Alfons Zitterbacke: wšědnje 15:45 | štw, so, nj a wu 13:45 Monsieur Claude: wšědnje 18:00 a 20.15 Dumbo: štw, so, nj a wu 13:30 | štw, pj, so a wu 17:45 | srj 20:15 Asterix und das Geheimnis des Zaubertranks: nj 11:45 Ostwind: nj 11:30 Drachenzähmen leicht gemacht: nj 11:30 Die Goldfische: wšědnje 20:15 (nimo pó a srj) Escape Room: pj a so 22:45 Captain Marvel: pj a so 22:30

Kino-ekstra: Manaslu – Berg der Seelen: pó 17:15 a 20:15 | nj a srj 18:00

Wojerowski CineMotion:

After Passion: wšědnje 14:30, 18:20 a 20:45 | pj a so 23:00 Willkommen im Wunder Park w 3 D: wšědnje 16:10 Willkommen im Wunder Park: wšědnje 14:20 | so a nj 12:25 Hellboy: wšědnje 18:15 a 20:30 | pj a so 22:15 Monsieur Claude: wšědnje 18:10 (nimo srj) a 19:45 Iron Sky: pj a so 23:00 Shazam!: wšědnje 17:00 a 20:20 Dumbo: wšědnje 14:00 a 16:00 Die Goldfische: pj a so 22:40 Prinzessin Emmy: nj 12:10 Misfit: so 12:10 Asterix und das Geheimnis des Zaubertranks: 12:30 Ostwind: nj 12:20 Alfons Zitterbacke: wšědnje 13:55 a 16.15 | so a nj 12:00 Die Blüte des Einklangs: srj 18:10