Z wudaća: štwórtk, 06 junija 2019

štwórtk, 06 junija 2019 14:00

Francoskich přećelow wopytali

Budyšin (CS/SN). Nimale 40 Budyšanow wopyta tele dny partnerske město Dreux. Hosćićeljo jich wutrobnje witachu. Mnozy čłonojo Budyskeho partnerskeho towarstwa wudźeržuja hižo wjele lět přećelstwa do Dreuxja. Runje tak wutrobnje pak buchu takrjec nowačcy witani. Mjez nimi běchu šulerjo wokrjesneje hudźbneje šule ze swojimi wučerkami a instrumantami. Na jězbje do Dreuxja pozastachu w lothringskim Nancy. Tele město na wšelakore wašnje pokazuje, zo česća sej tam pólskeho krala Stanisława Leszczyńskeho, kiž bě we 18. lětstotku jako wójwoda nad Lothringskej knježił. ­Nancy ma krasne Stanisławske naměsto a wulkotny park wosrjedź města.

wozjewjene w: Łužica
štwórtk, 06 junija 2019 14:00

Do kina (06.06.19)

6.6.–12.6.2019 Budyski filmowy palast: X-Men: Dark Phoenix: wšědnje 14:45 (nimo srj) X-Men: Dark Phoenix w 3 D: wšědnje 17:15 a 20:00 | pj, so a nj 22:30 Men in Black: International w 3 D: srj 20:00 Aladdin w 3 D: wšědnje 17:00 a 19:45 (nimo srj) | pj, so a nj 22:30 Aladdin: wšědnje 14:45 (nimo srj) Rocketman: wšědnje 17:45 (nimo pó) a 19:30 John Wick: wšědnje 20:15 (nimo pó) | pj, so a nj 23:00 Pokémon Meisterdetektiv Pikachu: wšědnje 17:15 Pokémon Meisterdetektiv Pikachu: w 3 D: wšědnje 14:45 (nimo srj) Royal Corgi: wšědnje 14:00 (nimo srj) Willkommen im Wunder Park: nj a pó 12:00 Alfons Zitterbacke: nj a pó 12:30 Dumbo: nj a pó 12:15 Glam Girls: wšědnje 15:45 (nimo pó) After Passion: nj a pó 12:00 Avengers: Endgame: pj, so a nj 22:00

Kino-ekstra: Van Gogh – An der Schwelle zur Ewigkeit: pó 17:15 a 20:15

Wojerowski CineMotion:

wozjewjene w: Do kina
štwórtk, 06 junija 2019 14:00

Pytaja najlěpše ideje

Budestecy. Gmejna Budestecy swojich wobydlerjow namołwja, wubědźować so wo najlěpše ideje, za čo měła komuna po jich měnjenju 10 000 eurow zasadźić, kotrež wona lětsa a klětu za hajenje dwurěčnosće dóstanje. Wjesnjanosta Frank Lehmann (njestronjan) namjetuje, nowe nadróžne tafle nastajeć. Dale rozmysluja wo nowym dwurěčnym wuhotowanju internetnych stron gmejny, wo dwurěčnej listowej papjerje a wo runje tajkich wizitkach. Wobydlerjo móža nětko rjec, što je jim wažne.

Na swójbne popołdnjo

Stróža. Cyłe šulske lěto přewjeduja sobudźěłaćerjo zarjadnistwa biosferoweho rezerwata Hornjołužiska hola a haty z dźěćimi a młodostnymi na šulach najwše­lakoriše přirodoškitne a dalše projekty. Dźěći, młodostnych, jich swójbnych a wšěch­ dalšich zajimcow přeprošuja jutře, pjatk, wot 15 do 18 hodź. na zetkawanske popołdnjo do Stróžanskeho Domu tysac hatow. Tam chcedźa aktiwity jednotliwych skupin předstajić. Nimo toho změja program za cyłu swójbu přihotowany. Zastup je darmotny.

wozjewjene w: Z městow a wsow
štwórtk, 06 junija 2019 14:00

Serbski čaj z tradicionalnych zelow

Beate Möller je mějićelka čajoweho a korjeninoweho wobchoda na Srjedźnej hasy we Wojerecach. Wojerowčanka pak tež wobstajnje na zelowe pućowanja přeproša, podawa kursy wo wšelakich čajach a korjeninach a rozłožuje, kak móžeš je jako hojenske zela wužiwać. W swojim wobchodźe poskića wot najnowšeho tež serbski čaj we wjacorych družinach. Wone wobsteja mjez druhim z tradicionalnych zelow, kotrež běchu něhdy předewšěm w serbskich swójbach wužiwali. 10. junija budźe Beate Möller na dnju młynow w Čornochołmčanskim Krabatowym młynje zastupjena, hdźež chce tohorunja swój serbski čaj poskićeć. Foto: Silke Richter

wozjewjene w: Łužica
štwórtk, 06 junija 2019 14:00

Policija (06.06.19)

Do běrowow so zadobyli

Słónkecy. Zo třo njeznaći nawječor w Słónkecach (Schlungwitz) w gmejnje Dobruša-Huska na twarske róšty krosnuja, bě wobydlerjej zawčerawšim podhladne, a wón informowaše policiju. Po róštach dósta so trójka do zarjadniskeho twarjenja, hdźež někotre běrowy přepytachu. Hač su něšto pokradnyli, njeje jasne. Jako chcychu njeznaći přišedši z twarjenja ćeknyć, so jim pasant do puća stupi. Jemu so poradźi, 16lětneho tak dołho kruće dźeržeć, doniž policija njepřijědźe. Policisća namakachu na to nachribjetnik, kotryž bě jedyn z třoch ležo wostajił. Pola njeho móhło so wo 14lětneho hólca jednać. Třeći podhladny so zhubi.

wozjewjene w: Policija
štwórtk, 06 junija 2019 14:00

Wučerstwo njeje dźěło, ale powołanje

Serbska spisowaćelka, pedagogowka a kulturnica Wórša Wićazowa sydomdźesatnica

Swjatkownu póndźelu, 10. smažnika, swjeći woblubowana wučerka na wuměnku, spisowaćelka, kulturnica a aktiwna čłonka Zwjazka serbskich wuměłcow Wórša Wićazowa sydomdźesaćiny. Nimale pjeć lětdźesatkow je wona šulerki a šulerjow na polu serbšćiny wuwučowała a jim nimo toho – abo lěpje: paralelnje – hudźbu, reju, dźiwadło a nic naposledk serbsku literaturu spřistupnjała. Wot njeje wutworjeny kulturny ansambl Serbskeje zakładneje šule „Jurij Chěžka“, hdźež nimale cyłe swoje powołanske žiwjenje skutkowaše, bu w lěće 2014 z Mytom Domowiny za dorost wuznamjenjeny. Za nju wosobinsce wšak je wjele wjetše připóznaće, zo so jeje bywši chowancy tež po wuchodźenju šule kulturnje angažuja.

Z baleta do šule

wozjewjene w: Kultura
štwórtk, 06 junija 2019 14:00

Wuslědki (06.06.19)

Koparska tabulka krajneje klasy

1. LSV Nowe Město 24 74 : 22 55

2. SZ Drježdźany-Strěžin 24 51 : 24 50

3. Laubegast 24 65 : 33 48

4. FC Neugersdorf II 24 46 : 33 38

5. FSV Oderwitz II 24 43 : 39 34

6. VfB Běła Woda 1909 24 56 : 47 33

7. SG Weixdorf 24 50 : 47 33

8. SJ Chrósćicy 24 52 : 58 30

9. SC Borea Drježdźany 24 39 : 53 27

10. ST Ćisk 24 37 : 55 27

11. TSV Rotacija Drježdź. 24 47 : 55 26

12. SC Großröhrsdorf 24 36 : 45 24

13. ST Horni kraj-Sprjewja 24 42 : 88 22

14. ST Trjebin 24 29 : 68 13

wokrjesna klasa, stafla 1

Bart II – Mały Wjelkow 0:5 (0:2)

ST Budyšin II – Budissa Budyšink 3:1 (2:1)

Wjelećin II – Horni kraj-Sprj. III 6:1 (2:0)

Minakał – Wulka Dubrawa II/Radwor II 

3:0 (2:0)

wozjewjene w: Wuslědki
štwórtk, 06 junija 2019 14:00

W tabulce krajneje klasy so polěpšili

W minjenych tydźenjach je prěnje kopar­ske mustwo Chróšćanskeje SJ w dale a lěpšej formje wustupowało. Na kóncu sezony so młody cyłk dospołnje namaka, a wuslědki nětko skónčnje wot­běhej hrow wotpowěduja. Zbywacy kopar­ski program SJC njeje runjewon lochki, dokelž hraje jenož hišće přećiwo mustwam z hornjeho dźěla tabulki.

SJ Chrósćicy

– VfB Běła Woda 5:1 (2:0)

W domjacej partiji přećiwo Běłej Wodźe wočakowachu Chróšćanscy koparjo potajkim ćežkeho přećiwnika. Prěnje zetkanje w Běłej Wodźe bě hišće 4:4 wušło. Nětko pak poka­zachu jednu z najlěpšich hrow aktualneje serije a su so jasnje přesadźili. Po njewěstym starće kombinowaše so SJC přeco zaso wulkotnje do šěsnatki hosći. Po někotrych móžnosćach trjechi Jakub Beneš w 30. min. 1:0. Jenož pjeć mjeńšin pozdźišo zwyši Tom Henčl z dobrej třělwu z distancy na 2:0. W tej fazy hrě mějachu Chróšćenjo šansy w minutowym takće, ale njezamóchu je wužić.

wozjewjene w: Sport

Serbska debata

nowostki LND