Nowe technologije w Zhorjelcu

wutora, 16. julija 2019
artikl hódnoćić
(0 )
Zwjazkowa kanclerka Angela Merkel je wčera zhromadnje ze sakskim ministerskim prezidentom Michaelom Kretschmerom (wobaj CDU, 2. wotlěwa) twornju koncerna Siemens w Zhorjelcu wopytała, hdźež twarja parne turbiny. Na terenje zawoda ma slědźenski  centrum za wodźikowu technologiju nastać.  Foto: dpa/Sebastian Kahnert Zwjazkowa kanclerka Angela Merkel je wčera zhromadnje ze sakskim ministerskim prezidentom Michaelom Kretschmerom (wobaj CDU, 2. wotlěwa) twornju koncerna Siemens w Zhorjelcu wopytała, hdźež twarja parne turbiny. Na terenje zawoda ma slědźenski centrum za wodźikowu technologiju nastać. Foto: dpa/Sebastian Kahnert

Zwjazkowa kanclerka Angela Merkel twornju koncerna Siemens wopytała

Zhorjelc (dpa/SN). Zwjazkowa kanclerka Angela Merkel je wčera twornju koncerna Siemens w Zhorjelcu wopytała. Zhromadnje ze sakskim ministerskim prezidentom Michaelom Kretschmerom (wobaj­ CDU) a nawodu koncerna Joeom Kaeserom je sej wona wjacore stacije zawoda z 800 přistajenymi wobhladała. Je to hłowny centrum Siemensa za produkciju parnych turbinow. Bjezposrědnje do wopyta Merkel bě Siemens ze Sakskej a Fraunhoferskej towaršnosću paket přichoda za Zhorjelc podpisał. Tón před­widźi załoženje inowaciskeho campusa w zawodźe. Po zrěčenju planuja inwesticije něhdźe 30 milionow eurow a sto nowych dźěłowych městnow. Siemens chce zhromadnje z Fraunhoferskej towaršnosću labor za slědźenje z wodźikom natwarić, w kotrymž chcedźa wudobywanje, składowanje a wužiwanje wodźika přepytować.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND