Rackete Italsku wopušćiła

pjatk, 19. julija 2019
artikl hódnoćić
(0 )

Rom (dpa/SN). Kapitanka němskeje wuchowanskeje łódźe „Sea-Watch 3“, Carola Rackete, je Italsku wopušćiła. Rěčnik pomocneje organizacije Sea-Watch zdźěli, zo je so Rackete najprjedy raz do Němskeje podała a zo chce potom hišće dale. 31lětna bě ze swojej łódźu a wuchowanymi ćěkancami do přistawa na kupje Lampedusa přijěła, byrnjež jej to do toho zakazali. Italski prawicarski nutřkowny minister Matteo Salvini rjekny, zo njemóže dočakać, „tutu zapleńčenu němsku komunistku skónčnje z kraja wupokazać“.

Dublinowe prawidła změnić

Berlin (dpa/SN). Přichodna prezidentka komisije EU Ursula von der Leyen chce konstrukciske zmylki w Dublinskich prawidłach za azylowe jednanja w EU sporjedźeć a tuchwilny system na dobro srjedźomórskich statow změnić. Wona njeje nihdy zrozumiła, čehodla dyrbi migrant w tym kraju wostać, w kotrymž prěni króć na europsku zemju stupi, wona nowinarjam rjekny. Krajam, kotrež su najwjetšemu migraciskemu ćišćej wu­stajene, měli skutkownišo pomhać.

Podhladni dale w jatbje

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND