781 króć pistolu zasadźili
Podstupim (dpa/SN/ch). Policisća w Braniborskej dyrbjachu loni 781 króć swoju pistolu wužiwać. Mjez nimi běchu štyri warnowanske wutřěle, zdźěla nutřkowne ministerstwo w Podstupimje. W 777 padach dyrbjachu zranjene abo chore zwěrjata zatřělić, na přikład po njezbožach z dźiwinu. Lěta 2012 bu bróń w 584 padach a dwě lěće do toho we 818 padach wužiwana. Za lěto 2010 wozjewi ministerstwo dwaj warnowanskej wutřělej, dwě lěće pozdźišo žadyn. W Choćebuzu je w awgusće 2014 policist na ćěkaceho muža w awće třělił a jeho žiwjenjastrašnje zranił. Muža chcychu po wukazu zajeć. Přećiwo policistej přepytuja.
Nowa filtrowanska studnja
