Praskotaki mjetał

Zhorjelc (dpa/SN/ch). W Zhorjelcu staj so sobotu na demonstracijach policistaj po mjetanju praskotakow zraniłoj. Zastojnikaj poćerpještaj praskaty trawma. 21lětny pozdatny skućićel bu nachwilnje zajaty. Wón bě pječa ilegalne błyskowe praskotaki mjetał, jako demonstracija antiazyloweho zwjazkarstwa na křižowanišću na přećiwnych demonstrantow storči. Policija pak přiwšěm bilancuje, zo běštej so zhromadźiznje „bjez wjetšich mylenjow“ kónčiłoj. Na žadyn pad njemóžemy wo wukročowanjach rěčeć, zwě- sći wčera rěčnik. Policija bě ze 150 zastojnikami na městnje. Kelko wobdźělnikow so na demonstraciji „Zhorjelc so wobara“ a na přećiwnym protesće „Zhorjelc swětej wotewrjeny“ zhromadźichu, pak no- chcyše policija rjec. Wobdźělnicy rěča wo něhdźe 1 000 wobdźělnikach na stronje antiazyloweho zwjazkarstwa a snano 500 přećiwnych demonstrantach.

Motorski smjertnje znjezbožił