Interaktiwnje po měsće
Zhorjelc (SN/ch). Spočatk nowembra su Zhorjelske studijo Sakskeho wukubłanskeho a wupruwowanskeho kanala (SAEK) a šulerjo rjadownje 9 a Augustuma-Hanineho gymnazija interaktiwny kołoběh po Zhorjelcu předstajili. Woni běchu šěsć městnosćow industrijnych stawiznow wobdźěłali. Jako dźěl projekta FABRIKINO poskićeja nětko móžnosć, zabyte městna w Zhorjelcu ze smartphonom abo tabletom wuslědźić. Za to je jenož darmotna app Aurasma trěbny. Štóž nětko na městnje wotpowědny industrijny twar ze swojim mobilnym nastrojom skenuje, móže sej wot šulerjow produkowany widejopask wobhladać. Za nowym kołoběhom w Zhorjelcu steji tak mjenowana technologija rozšěrjeneje woprawdźitosće (augmented reality).
Smědźa zaso swjećić
