Łužica (18.05.15)

póndźela, 18. meje 2015 spisane wot:

Přez sto padow boreliozy

Zły Komorow (dpa/SN). Wot spočatka lěta su w Braniborskej dotal přez sto padow boreliozy zwěsćili. Kaž strowotniske ministerstwo w Podstupimje zdźěli, přizjewichu wokrjesy a bjezwokrjesne města dotal 123 padow schorjenja. Lońše ličby k přirunanju njepředleža. Loni zwěsćichu w Braniborskej cyłkownje 1 548 padow boreliozy, něšto mjenje hač w lěće 2013. K wuwiću lětušich padow schorjenja njemóžeše so strowotniske ministerstwo wuprajić. Wuwiće wotwisuje wot wjedra. Najsylnišo potrjecheny je dotal wokrjes Dubja-Błóta z 19 padami. Bakterije boreliozy, kiž přenjesu klěšće, zawinuja zahorjenje zhibadłow a čuwow kaž tež muskulatury wutroby.

Póstownicy dale stawkuja

Łužica (15.05.15)

pjatk, 15. meje 2015 spisane wot:

Do sezony startowali

Wótšowaš (SN/ch). Dźensa zahajichu w Braniborskej kupansku sezonu. Wot lěta 2008 tam wodźizny wotpowědnje braniborskemu postajenju za kupanske wodźizny kontroluja. We wokrjesu Sprjewja-Nysa so lětsa Dulocojski (Deulowitzer) jězor we wokrjesnym dźělu Wótšowaš (Atterwasch) a wulkojězor w gmejnje Turjej jako kupanskej wodźiznje wupo­kazujetej. Po mikrologiskich přepyto­wanjach je kwalita wody we woběmaj wuběrna. Za čas kupanskeje sezony jězoraj znajmjeńša jónu wob měsac přepy­tuja. Wuslědki přepytowanja so na internetnej stronje www.brandenburg.de/badestellen wozjewja.

Twarja nowy zawod

Łužica (13.05.15)

srjeda, 13. meje 2015 spisane wot:

Doktorski titul wotedał

Berlin/Baršć (dpa/SN/ch). Po wumjetowanjach wo plagiaće je bywši měšćanosta Baršća Jürgen Goldschmidt (FDP) swój doktorski titul wotedał, zdźěli wčera Techniska uniwersita Berlin. Do toho běchu nowiny Potsdamer Neueste Nach- richten wo tym rozprawjeli. Goldschmidt wopodstatni tónle krok ze swojim strowotnym stawom. „Sym so k tomu rozsudźił, zo bych so sam škitał a diskusije wo citowanskich zmylkach zakónčił“, praji wón wčera. Wědomostny wobstatk jeho dźěła pak je uniwersita připóznała. Goldschmidt je za disertaciju „Management měšćanskeho přetwara při wobkedźbowanju městotwarskich wobłukowych wuměnjenjow“ lěta 2010 akademiski stopjeń „Doktor inženjerskich wědomosćow“ dóstał. 2011 jewjachu so wumjetowanja wo plagiaće.

Zahaja temowe lěto

Łužica (12.05.15)

wutora, 12. meje 2015 spisane wot:

Požadar azyla wobskorženy

Žitawa/Zhorjelc (dpa/SN/ch). Zhorjelske statne rěčnistwo je požadarja azyla pospytaneho morjenja a strašneho zranjenja ćěła dla wobskoržiło. 21lětny z Tuneziskeje je 7. meje swojeho krajana bił, na njeho teptał, jeho z rozbitej blešu atakował a žiwjenjastrašnje zranił, zdźělichu wčera zarjady. 31lětny wopor runje hišće přežiwi. Zwada na schodźišću Žitawskeho domu požadarjow azyla bu na widejo natočena. Podhladny bě po wuprajenju policije tež po zajeću agresiwny a dyr­bjachu jeho změrować. Pozadki podawka hišće přepytuja.

Stawk traje dale

Łužica (11.05.15)

póndźela, 11. meje 2015 spisane wot:

Bliskowobchad zaso kaž hewak

Choćebuz (dpa/SN/ch). Bliskowobchad w Braniborskej so po dwutydźenskim stawku wot dźensa rano zaso mjenjebóle normalnje wotměwa. Wobchadne přede- wzaća w dźesać wobstawkowanych wo- krjesach a bjezwokrjesnych městach zasadźeja swoje busy a tramwajki po zwučenym wašnju. Ćeže činjachu spočatnje hišće zapozdźenja w Podstupimje. Dźě­łar­nistw­o ver.di je stawk wusadźiło a wot juřišeho zaso z dźěłodawarjemi jedna. Dźěłarnistwo žada sej zwyšenje mzdy wo 120 eurow wob měsac. Dźěłodawarjo poskićichu dotal stajnje 45 eurow w dwěmaj kročelomaj kaž tež jónkrótne płaćenje 180 eurow.

Za prawo rěčenja

Łužica (08.05.15)

pjatk, 08. meje 2015 spisane wot:

Wutwarej domu přihłosowali

Zły Komorow (dpa/SN). Wutwar planowaneho domu ćěkancow w Lubnjowskej spěchowanskej šuli móža přihotować započeć. Sejmik wokrjesa Hornje Błóta-Łužica je wčera wječor wotpowědny naćisk z wjetšinu schwalił, kaž rěčnica sejmika zdźěli. W spěchowanskej šuli chcedźa wot kónca lěta hač do sto ćěkancow zaměstnić. Spočatnje bě rěč wo 130. W potrjechenym wjesnym dźělu Dłopje (Kittlitz) bydli tuchwilu 137 ludźi. Přetwar domu chcedźa nětko přihotować a twarske planowanja zahajić. Lubnjowski měšćanosta Helmut Wenzel (nje­stronjan) bě w zwisku z planowanym domom­ za požadarjow azyla hroženske listy dóstawał.

Hwězdna jězba do parka

Łužica (07.05.15)

štwórtk, 07. meje 2015 spisane wot:

Wočakuja wobzamknjenje

Lubnjow/Dłopje (dpa/SN/ch). Dźensa w běhu dnja chcyše sejmik wokrjesa Hornje Błóta-Łužica wo namjeće wobzamknjenja k planowanemu domej ćěkancow rozsudźić. Po jeho schwalenju ma zarjadnistwo nadawk dóstać, přewužiwanje domu we wjesnym dźělu Dłopje (Kittlitz) přihotować a přetwar planować dać. Lubnjowski­ měšćanosta Helmut Wenzel (njestronjan) bě w zwisku z planowanym domom za požadarjow azyla hroženske listy dóstawał. Wot kónca lěta maja tam prěni ćěkancy zaćahnyć. W domje je městno za 130 ludźi. W Dłopjach samych bydli tuchwilu 137 ludźi.

Přećiwo čornemu dźěłu

Łužica (06.05.15)

srjeda, 06. meje 2015 spisane wot:

Nowy měšćanosta nastupi

Baršć (dpa/SN/ch). 25lětny Philipp Wesemann (SPD) stanje so z najmłódšim hłownohamtskim měšćanostu w Braniborskej. Dźensa wječor nastupi wón zastojnstwo w Baršću. W měrcu bě so laborant biologije w rozsudnych wólbach přećiwo kandidatej CDU Svenej Zuberej přesadźił. Dotalny měšćanosta Jürgen Goldschmidt (FDP) njebě strowotniskich přičin dla hižo kandidował. Baršć z ni­male 20 000 wobydlerjemi steji před wulkimi wužadanjemi. Wesemann chce swoje ródne město, kotrež swjeći lětsa 750. narodniny, w přichodnych wosom lětach na bydlenjahódne město wu­twarić. Za to chce předewšěm platowe twary z NDRskeho časa wotstronić.

Žadyn kónc stawka

Łužica (05.05.15)

wutora, 05. meje 2015 spisane wot:

Chcedźa załožbu rozšěrić

Choćebuz (dpa/SN/ch). Krajna załožba za Choćebuskej wuměłstwowy muzej Dieselowa milinarnja a statne dźiwadło móhła so wo w Frankfurće nad Wódru zaměstnjeny statny orchester kaž tež wo tamniši Muzej młodeho wuměłstwa rozšěrić. Kulturna ministerka Sabine Kunst (SPD) da to tuchwilu pruwować. „Rozšěrjena załožba móhła krajne nadawki dołhodobnje lěpje spjelnjeć a wuměłske profile mjenowanych kulturnych zarjadnišćow zawěsćić“, praji politikarka SPD nowinje Märkische Oderzeitung. Muzej młodeho wuměłstwa by ze swojej wuměłskej zběrku NDR planowany Muzej moderneho wuměłstwa wobohaćił, kotryž měł so z aktualnym wuchodoněmskim a wuchodoeuropskim wuměłstwom rozšěrić.

Wopomnišćo přepodali

Łužica (04.05.15)

póndźela, 04. meje 2015 spisane wot:

Smědźa za šćěpjelom točić

Nysowa niwa/Freiberg (dpa/SN/ch). Wyši hórniski zarjad w Freibergu je dał zelenu swěcu za slědźenske točenja wo składźišća koporoweho šćěpjela. KGHM koporowa AG w Nysowej niwje (Neiße­aue) smě w postajenej rólnej płoninje za wobstat­kom kopora slědźić, kaž hórniski zarjad minjeny štwórtk zdźěli. Hórniske předewzaće slědźi hižo wot lěta 2008 za składźišćemi koporoweho šćěpjela we Łužicy. Dźěła w Nisowej niwje pak dyrbjachu přechodnje zastajić, dokelž běchu wobydlerjo spřećiwjenje zapodali. Woni widźachu strachi za wobswět. Wyši hórniski zarjad pak njewi­dźe­še žane pokazki na to a točenja dowoli.

Dokal ze železowym błótom?

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND