Klóšterscy wolejbulisća derby dobyli
Na třećim hrajnym dnju běchu wolejbulisća Sokoła Budyšin a sportoweho towarstwa Marijineje hwězdy z hosćom w sportowni w Słónkecach. Tam přewjeduje mjenujcy wolejbulowe zastupnistwo sportoweho towarstwa Hnašecy/Dobruša swoje domjace hry.
ST Hnašecy-Dobruša –
Sokoł Budyšin 2:0 (25:13, 25:18)
Sokoljo započinachu měrnje a wěsće přećiwo domjacym hrać, bjeztoho zo dominancu wuprudźowachu. Ale bjez kruteje, haj njewobmjezowaneje dobyćerskeje wole njetrjebaš so do žanoho dwuboja podać. Njetraješe dołho a Sokoljo mějachu zastatk, kotryž wjace njenachwatachu. 25:13 za Hnašecy. Druha sadźba bě za hrajerjow z města tróšku lěpša, dokelž nasta wjele efektiwnych nadběhow a mało špatnych nadaćow. Jich bě w sumje jenož sydom.
ST Hnašecy-Dobruša –
ST Marijina hwězda 2:0 (25:15, 25:11)
Kermušne dypki doma wostali
Sokoł Ralbicy/Hórki – SC Großröhrsdorf 4:2 (1:2)
Zestawa domjacych: Chr. Gloxyn – Heidorn, Schultz (46. Rachela), Al. Wałda, Woko, D. Gloxyn, Korjeńk, Mjechela (88. Šiman) Bejmak (80. Buder), Šołta (90. Jakubaš) – Domaška
Po sylnych dešćach minjenych dnjow njemóžachu Sokoljo swoju domjacu hru wjac na trawniku wuhrać. Na zbožo pak móža delanscy bulkoparjo stajnje na twjerdym hrajnišću za kožanej kulu běhać, wšako tute tež sylny dešć w běhu jedneje hodźiny zaso po nimale cyłym polu zesrěba. Z Großröhrsdorfom wočakowachu Ralbičenjo sylneho a po hrajerskich kmanosćach nimale identiskeho přećiwnika. Tuž widźachu wjac hač sto přihladowarjow kermušnu njedźelu wurunanu, bojownisku a chětro zajimawu hru ze šěsć wrotami.
Žana šansana dypk přećiwo načolnikej
Biskopičanske KT 08 II – ST 1922 Radwor 5:1 (3:0)
Za hosći zasadźeni: Ehrlich – B. Grubert, Castejon, Schäfer, Paška, Reinecke, Schöne (46. Bauer), Wjacwałk, Glücklich, Schulze, Šnajder (43. Wróbl)
Čoło tabulki přećiwo pincy rěkaše sobotu w Biskopicach. Wšitcy Radworscy fanojo wědźachu, zo njeměješe to lochka hra być. Ale runje přećiwo tajkim přećiwnikam je přeco zaso móžno so wo překwapjenku postarać.
Hra njezapoča so runjewon derje za Radworski cyłk. Hižo za sydom mjeńšin nawjedowaše hosćićel 2:0 po wulkotnymaj kombinacijomaj. Hosćo běchu sej tójšto předewzali a dóstachu tak zahe dwoje wrota. Po tym móžachu Radworčenjo hrajerjow z Biskopic wot wrotow preč dźeržeć a tež někotre razy konterować, při čimž so tute derje njewuwjedźechu. Tak hrajachu hosćićeljo měrnje dale a móžachu dalše wrota wuhrać a předskok na 3:0 (36.) wutwarić. Do přestawki pak njeměješe blamaža nastać. Hosćo běchu jasnje lěpši. Móžachu sej koparjow z Radworja „přihotować“ a na prawy wokomik čakać.
Widźał, słyšał, napisał (20.11.23)
Awtor dźensa
Jan Hrjehor
We Wosadniku na stronje šěsćadwaceći steji kardinalny počink zmužitosć. A tutón njepokazachu Sokoljo Sokoła Budyšin a wolejbulisća sportoweho towarstwa Marijina hwězda tydźenja w Słónkecach jenož na halowym parkeće, jako přewjedźechu serbski wolejbulowy derby we wokrjesnej klasy Budyšin wuchod w cuzej sportowej hali, kotraž lědma serbskeho słowa słyši, ale tež na swójskej sportowej drasće. Klóšterscy wolejbulisća a tež Sokoljo z města su mjenujcy dwaj z jeno mało serbskich sportowych cyłkow, kiž noša na swojich trikotach bjezwuwzaćnje serbskorěčny napis Sokoł Budyšin a ST Marijina hwězda. Tež wjacore serbske kubłanišća kaž na přikład Serbska šula Ralbicy, Serbski gymnazij Budyšin abo Serbska šula Worklecy so jasnje na jednorěčnosć dźerža, hdyž dźe wo to, přećiwnikam, přihladowarjam a hosćom při šulerskich wubědźowanjach „Młodźina trenuje za olympiju“, při wysokoskoku z hudźbu abo wurisanju „Sportej zdar!“ pokazać, kotremu cyłkej přisłušeja. Němski přełožk prosće trěbny njeje, a to je tež prawje a derje tak.
Wuslědki (20.11.23)
Kopańca, wokrjesna wyša liga
Módro-běli Kulow – TSV Połčnica 1:0 (0:0)
Dobruša – Ottendorf-Okrilla 05 6:3 (1:1)
Ćisk 1993 – HZ Łaz/Běły Chołmc 0:3 (0:2)
Biskopičanske KT II – ST Radwor 5:1 (3:0)
SG Großnaundorf – TSV Wachau 1:1 (0:1)
Němske Pazlicy – Sprjewja 2:1 (2:0)
Sokoł Ralbicy/Hórki –
SC 1911 Großröhrsdorf 4:2 (1:2)
1. Biskopičanske KT II 13 49 : 7 36
2. ST Hnašecy-Dobruša 13 57 : 24 29
3. ST Horni kraj-Sprjewja 13 40 : 13 29
4. Sokoł Ralbicy/Hórki 13 31 : 16 26
5. SG Großnaundorf 13 23 : 23 24
6. Módro-běli Kulow 13 26 : 20 22
7. SC 1911 Großröhrsdorf 13 30 : 25 20
8. Natwar Němske Pazlicy 13 33 : 39 18
9. TSV Połčnica 13 20 : 26 18
10. Drohotka Ramnow 12 26 : 22 17
11. HZ Łaz/Běły Chołmc 13 13 : 26 15
12. Ottendorf-Okrilla 05 13 22 : 31 13
13. TSV Wachau 13 26 : 39 10
14. Hlinowski SK 1931 12 20 : 30 8
15. ST Radwor 13 18 : 44 8
16. ST Ćisk 1993 13 15 : 64 1
wokrjesna liga, stafla1
Wjernarjecy – Motor Kumwałd 6:2 (1:2)
Hodźij – ST Marijina hwězda 1:1 (1:0)
SJ Chrósćicy II – TSV Wjazońca 1:0 (1:0)
Arnsdorfske KT – ST Porchow 1:1 (0:1)
Bret.-Hauswalde – Frankenthal 5:1 (2:1)
Steinigtwolmsdorf – Minakał II 6:0 (1:0)
1. Arnsdorfske KT 13 51 : 17 34
2. Bretnig-Hauswalde 13 48 : 21 30
3. ST Marijina hwězda 13 44 : 22 26
4. ST Porchow 12 33 : 19 24
5. SZ Steinigtwolmsdorf 12 35 : 29 19
6. TSV Wjernarjecy 13 29 : 31 17
7. ST Wjelećin 12 29 : 35 16
8. Motor Kumwałd 12 35 : 35 15
9. Rakecy II/Minakał II 13 22 : 48 15
10. TSV Wjazońca 13 21 : 25 14
11. SJ Chrósćicy II 11 16 : 27 13
12. HZ Frankenthal 12 14 : 31 11
13. HZ Huska/Hodźij 12 21 : 26 10
14. SZ Drjewnica 05 11 9 : 41 2
Sport (17.11.23)
Kermušna kopańca w Delanach
Kermušnu njedźelu wočakuje prěnje koparske mustwo Sokoła Ralbicy/Hórki w Delanach zastupnistwo SC Großröhrsdorf. Před chětro ćežkim nadawkom steji Radworske mustwo. Wone dyrbi do Biskopic k načolnikej. Koparska partija hrajneho zjednoćenstwa Huska/Hodźij přećiwo Pančičanam we wokrjesnej lize hraje so w Dobruši na kumštnym trawniku.
18.11. 13:30 Biskopičanske KT II –
ST Radwor
18.11. 13:30 HZ Huska/Hodźij –
ST Marijina hwězda
18.11. 13:30 SJ Chrósćicy II –
TSV Wjazońca
18.11. 14:00 SJ Njebjelčicy –
ST Lubuš II
19.11. 13:30 Sokoł Ralbicy/Hórki –
SC Großröhrsdorf
19.11. 14:00 SJ Chrósćicy –
Drježdźanski SC
Derbyjej we Worklecach
Z wšěch šowow pukać budźe so jutře snano Worklečanska ćěłozwučowarnja. Tam stej mjenujcy přećiwnikaj prěnjeho wolejbuloweho mustwa muži cyłkaj z Wojerec a Budyšina. Z tym maja přihladowarjo hnydom dwaj derbyjej na jednym dnju. Wojerowčenjo su w aktualnej sezonje wobě hrě dobyli, mjez druhim pola aktualneho načolnika w Žitawje a wolejbulisća z města su w dotalnych hrach jeničce jednu sadźbu dobyli. Derbyje pak maja zwjetša swójske zakonje.
Wuslědki (16.11.23)
Kopańca, regionalna liga muži
FC Eilenburg – VSG Altglienicke 1:0 (0:0)
Hertha BSC II – Viktoria Berlin 0:1 (0:0)
Babelsberg – BSG Chemija Lipsk 2:0 (0:0)
Lok Lipsk – Energija Choćebuz 2:2 (1:0)
Luckenwalde – FC Erfurt 4:0 (1:0)
BFC Dynamo – Hansa Rostock II 0:0 (0:0)
Meuselwitz – Kamjeničanski FC 1:0 (1:0)
1. Greifswaldski KK 14 28 : 10 30
2. FC Energija Choćebuz 14 29 : 15 28
3. SV Babelsberg 14 19 : 14 28
4. BFC Dynamo 14 28 : 14 26
5. Viktoria Berlin 14 20 : 12 26
6. FSV Luckenwalde 15 25 : 27 22
7. ZFC Meuselwitz 14 22 : 21 21
8. FC Čerwjeno-běli Erfurt 14 22 : 16 20
9. VSG Altglienicke 13 27 : 20 19
10. FC Carl Zeiss Jena 13 20 : 13 19
11. BSG Chemija Lipsk 14 12 : 16 19
12. Lok Lipsk 14 18 : 27 16
13. Hertha BSC II 14 26 : 29 15
14. Kamjeničanski FC 13 11 : 20 14
15. FC Eilenburg 14 17 : 24 12
16. F.C. Hansa Rostock II 15 19 : 28 10
17. FSV Zwickau 13 15 : 29 9
18. Berlinski AK 14 7 : 30 8
wyša liga mužojo
VFC Plauen – Budissa Budyšin 1:0 (1:0)
Ger. Halberstadt – Marienberg 4:1 (2:0)
Biskopičanske KT – Auerbach 2:1 (0:1)
SC Freital – VfL Halle 2:1 (1:0)
1. VFC Plauen 13 28 : 11 31
2. 1. FC Magdeburg II 13 36 : 16 29
3. Germania Halberstadt 13 37 : 19 29
4. Biskopičanske KT 13 32 : 16 29
5. VfB Kśišow 13 29 : 22 22
6. SG Union Sandersdorf 13 23 : 18 22
7. SC Freital 13 21 : 16 19
8. VfB Auerbach 13 17 : 17 19
9. Budissa Budyšin 13 22 : 25 15
10. Ludwigsfeldski KK 13 16 : 24 15
11. Jednota Wernigerode 13 24 : 26 14
12. VfL Halle 13 25 : 30 13
13. ST Arnstadt 13 16 : 25 11
14. FC Grimma 13 13 : 32 10
15. Motor Marienberg 13 15 : 47 10
16. FC Jednota Rudolstadt 13 16 : 26 8
wokrjesna wyša liga
Połčnica – Němske Pazlicy 0:4 (0:2)
Kulow – SG Großnaundorf 1:0 (1:0)
Łaz/Běły Chołmc – Ramnow 0:3 (0:2)
Z nowej drastu kolesuja
Napjaty kónčny spurt na kermuši
ST Radwor –
TSV Wachau 3:3 (0:0)
Zestawa domjacych: Šěrak – B. Grubert, Castejon, Schäfer, Paška, Reineke, Nuk, Schöne (56. Schulze), Wjacławk (81. Wróbl), Glücklich, Šnajder
Po njezbožownym wustupje w Großnaundorfje mějachu Radworscy koparjo na domjacej kermuši zaso połny kader. Tutón raz steješe jara wažna hra na programje, dokelž dźěše tu wo 6 dypkow. Dotal bjez zboža hrajacy Radworčenjo nadźijachu so nětko trochu na zbožo, zo bychu sej z pincy tabulki wulězli.
Radwor přińdźe trochu lěpje do hry a steješe tež hižo někotre razy před přećiwniskimi wrotami. Reineke měješe najwjetšu šansu na 1:0, ale połoži bul prěki na Šnajdera, kotryž pak bul nimo wrotow sadźi. Po tym bě Nuk z hłowu při bulu, wrotar pak derje dźeržeše. Tež wrotar domjacych móžeše so někotre razy dopokazać a ze swojimi akcijemi mustwo wobchować. Tak dźěše bjez wuspěcha do połčasa.
Worklečanki doma dobyli
Na prěnim domjacym hrajnym dnju w nowej hrajnej dobje w sakskej klasy powitachu žony prěnjeho zastupnistwa Viktorije Worklecy sobotu žony z Hamora/Běłeje Wody kaž tež ze Žitawy. Wobě mustwje hraještej hižo w zašłej hrajnej dobje w Sakskej klasy.
Viktoria Worklecy –
TSG Hamor/Běła Woda 3:1
(24:26, 25:11, 25:18, 25:12)
