60
Redakcija Serbske Nowiny Sukelnska 27 02625 BudyšinHodowne postrowy w cuzych rěčach Snano maće wy, lube dźěći, přećelow abo swójbnych, kotřiž tuchwilu w cuzbje přebywaja. A tak chceće jich zawěsće tež k hodam postrowić. Tu je wuběr přećow w najwšelakorišich rěčach. Snano je wam so hodźace mjez nimi! bołharsce: Wesela koleda ! finsce: Hyvää Joulua ! franzosce: Joyeux Noël ! frizisce: Noflike Krystdagen ! indonesce: Selamat Hari Natal ! irsce: Nollaig Shona Dhuit ! japansce: Shinnen omedeto ! chorwatsce: Sretan Božić ! ladinsce: Bon Nadel ! letisce: Prieci’gus Ziemsve’tkus ! retoromansce: Bella Festas daz Nadal ! šotisko-galisce: Nollaig chridheil !

Po wšej Němskej ludźo w adwentnym času poprjančki pjeku. W druhich krajach maja zaso hinaše słódke chłóšćenki. Turrón na přikład je pralina, kotruž w Španiskej a někotrych łaćonskoameriskich krajach k hodam přihotuja. Turrón wobsteji z mjedu, cokora, bělka jejka kaž tež z praženych mandlow abo worješkow. Mjeztym pak je hižo wjele dalšich modernych wariantow praliny, a to ze wšelakimi aromami, kaž na přikład šokolody. Přidawki: 650 gramow mandlow 100 gramow židkeho mjedu 400 gramow próškoweho cokora Bělk třoch cyle čerstwych jejkow Mandle z kropom naparić. Prjedy hač kožu wotćehnješ, maš trochu čakać. Abo kupiš prosće hižo bělene mandle. W horcej pónoji je po tym trochu popražiš. Móžeš mandle tež při 200 stopnjach do pjecy sunyć. Hdyž su žołtobrune, maja prawu barbu. Nětko móžeš mandle hišće na mjeńše kuski rozkrać. Měd maš sćoplić. Za to staj šklu z mjedom do horceje wody a daj wodu zawarić, zo měd rozběži. Próškowy cokor a mandle z mjedom změšej. Bělk jejkow cyle husty zbij. Horcu mjedowu pastu kidaj kusk po kusku do bělka. Ćěsto daj po tym na pječensku papjeru, kotruž do toho z wolijom pomazaš.

Rys.: Christin Lukašowa
Rumpodicho, sy ty tam? Tu je Jurij Radworčan. Wjeselu so na tebje, wosebje na dary wšě. Sym wšak stajnje dušny był a w šuli dobre znamki měł. Nětk słuchaj, štož bych prajić chcył: Sy mi loni handy dał, kotryž pak sej njeběch přał. A tuž njeběch zrudźeny, hdyž bě bórze skónc’wany. Dźensa nětk će prošu zas, dar mi skónčnje laptop raz. Njewěš ty, što laptop je? Ně? Nó haj, njech je, kaž chce! W Budyšinje w centeru ći wšitko derje rozkładu. Nochcych će kritizować ... chcych jenož dobru radu dać. Rumpodicho, zrozum mje Janik bydli w Krakowje, wón mój dobry přećel je. Ženje jeho njewidźu, z laptopom to zamóžu. Hdyžkuli z nim porěču, joh wuhladam na wobrazu. Tuž luby, lubši, najlubši, spjelń tutu mału próstwu mi. Bóh dał, zo so to zešlachći. W.Š.

O
10
9
8
7
6
5
4
3
2
1
Wuhódanje: 1  huso 2  Oslo 3  demo 4  Ohio 5  wěko 6  ničo 7  info 8  čoło 9  kino 10 awtomikra

Jeli pytane słowa 1 do 10, kotrež wšitke na samsny pismik „o“ kónča, prawje zapisaće, wučitaće we wonkownym rjedźe – w słónčnej pruze – zarjadowanje w hodownym času.

1 hodowna pječeń 2 norwegska stolica 3 skrótšenka za demonstraciju 4 rěka w Sewjernej Americe 5 je na horncu 6 „... njewadźi“ 7 skrótšenka za informaciju 8 dźěl hłowy 9 hrajnišćo filmow 10 jězdźidło