Angažuje so za stawizny, rěč a kulturu

pjatk, 19. junija 2015
artikl hódnoćić
(0 )
Kuratorka Christina Kliemowa na jeje dźěłowym městnje w Choćebuskim Serbskim muzeju  Foto: Alfons Wićaz Kuratorka Christina Kliemowa na jeje dźěłowym městnje w Choćebuskim Serbskim muzeju Foto: Alfons Wićaz

Pola kuratorki Christiny Kliemoweje w Choćebuskim Serbskim muzeju

Na wulkim blidźe rozpołožene leža wšelake materialije, tež wobrazy serbskeho molerja Jana Buka. Cyła dźěłowa rumnosć z kamorami, natykanymi z kašćikami, z plakatami na sćěnje a z wulkim regalom – dźělčka wobrazoweho archiwa – wuprudźa wěstu hektisku atmosferu. Jenož wobraz delnjoserbskeho prócowarja Mata Kosyka na jednej sćěnje wisajo spožča ći wokomik wodychnjenja a dopomnjeća. „Haj na njón rady hladam. Česću sej skutkowanje Mata Kosyka na dobro delnjoserbskeje literatury. Wón je mi takrjec z přikładom“, praji 53lětna kuratorka Choćebuskeho Serbskeho muzeja Christina Kliemowa. W swojej dźěłowej stwě přihotuje wona runje přehladku wo tworjenju molerja Jana Buka. „Naš muzej je tele wobrazy pola njeho w Njebjelčicach z pomocu Domowiny nakupił a někotre sej wupožčił. Chcemy Jana Buka a jeho wuměłske skutkowanje paralelnje k wustajeńcy ,Satkula‘ Karla Vouka stajić a jeho tak počesćić.“

wozjewjene w: Kultura & wuměłstwo

Galerija

dalši wobraz (1) Hordźe pokazuje Christina Kliemowa jeje lětsa muzejej darjeny wobraz „Pśězarce w Błotach“ molerja Philippa Francka.
Prošu přizjewće so, chceće-li komentar podać

Serbska debata

nowostki LND