Prapremjera na dwojich pišćelach w tachantskej cyrkwi

pjatk, 17. awgusta 2018
artikl hódnoćić
(0 )
Komponist Feliks Brojer z organistomaj Johannesom Krahlom a Friedemannom Böhmu (wotlěwa) w Budyskej tachantskej cyrkwi Foto: Carmen Schumann Komponist Feliks Brojer z organistomaj Johannesom Krahlom a Friedemannom Böhmu (wotlěwa) w Budyskej tachantskej cyrkwi Foto: Carmen Schumann

Mjez tójšto wjerškami lětušeho Łužiskeho hudźbneho lěća zbudźi koncert 28. pražnika w Budyskej tachantskej cyrkwi wosebity zajim publikuma. Wjace hač 200 wopytowarjow bě wćipnych na prapremjeru twórby „Měrowa modlitwa – Triptychon za dwoje wulke pišćele“. Tuchwilu tež jako organist w klóštrje Marijinej hwězdźe skutkowacy Budyski komponist Feliks Brojer bě ju w nadawku za rjad spisał.

Na pišćelowym nyšporje pod hesłom „Daj nam měr“ předstajištaj cyrkwinski hudźbny direktor Friedemann Böhme z Budyšina w katolskim dźělu cyrkwje a w ewangelskim dźělu w Lipsku studowacy, mjeztym hižo časćišo wuznamjenjeny Johannes Krahl z Dobranec na instrumenće twornje Eule nimo prapremjery dalše kompozicije za dwoje pi­šćele.

wozjewjene w: Kultura & wuměłstwo
Prošu přizjewće so, chceće-li komentar podać

Serbska debata

nowostki LND