Hosćo wo klasu lěpši byli

štwórtk, 06. awgusta 2015
artikl hódnoćić
(1 )
Jedyn z młodych koparjow Chróšćanskeje SJ je Michał Młynk z Hórkow (naprawo). Tule  spyta wón Pawlej Hrjehorjej bul wzać.  Foto: Clemens Šmit Jedyn z młodych koparjow Chróšćanskeje SJ je Michał Młynk z Hórkow (naprawo). Tule spyta wón Pawlej Hrjehorjej bul wzać. Foto: Clemens Šmit

SJ Njebjelčicy – SJ Chrósćicy 1:7 (0:4)

Při horcym wjedrje witaše Njebjelčanski koparski cyłk minjenu njedźelu dalšeho sylneho přećiwnika. Chróšćenjo ze štyrjomi čěskimi hrajerjemi partiju wot spočatka postajachu a hižo po dźesać mjeńšinach přez Žura a hóstneho Čecha z 2:0 nawjedowachu. Dwě do tři šansy sej Njebjelčenjo přiwšěm nadźěłachu. Po rjanym­ přihoće Lejnarta pak Ričel přesłabje wotzamkny. A po spěšnym a dobrym posłuženju Čornaka přez Cyža storči Chróšćanski wrotar nisku třělwu z poslednim zasadźenjom k róžkej. Hišće do połčasa zwyšichu hosćo přez Zahrodnika a znowa Žura na 4:0.

Po přestawce docpě sylnje hrajacy Žur z hłójčkowanjom po wólnym kopje swoje třeće wrota. Čestne wrota za SJ Njebjelčicy poradźichu so młodemu Ričlej, kiž přewiny wrotarja z wysokej třělwu (63.). Na to pak hnydom zaso Čech do čorne­ho­ trjechi, a kónčny wuslědk 1:7 postaji pjeć mjeńšin pozdźišo Runt. Z mjerwjeńcy před Chróšćanskej klětku pak nje­dóstašej Ričel a Lejnart bul do klětki­ (73.). A w poslednjej mjeńši­­­­­­­­nje wotwobara hóstny wrotar nisku třělwu Čornaka­ runje­ hišće­ tak na wrotowej liniji­.

wozjewjene w: Sport
Prošu přizjewće so, chceće-li komentar podać

Serbska debata

nowostki LND