Sokoł Ralbicy/Hórki II
– FSV Łuty 0:1 (0:0)
Zestawa domjacych: Měškank – M. Matka, T. Matka (85. Serbin), Šěn, Róbl, Šnajder, Jakubaš, Kobalc, J. Matka (73. Šwejda), Bogusz, Budar
Pomału dyrbja so koparjo kaž tež zamołwići Sokoła II prašeć, čehodla častodosć wrota w poslednjej štwórć hodźinje přijimuja. Tomu běše tak w domjacej hrě přećiwo Nadróznej Hrabowce (0:1, 80.), tež w Rakecach njemóžachu w kónčnej fazy sobu dźeržeć. Nadawk přećiwo Łutam njebě tuž lochki, wšako ze Statnikom, Wokom a Młynkom tři wažne zepěry mustwa pobrachowachu. Sokoljo koncentrowachu so na defensiwu a přewostajichu hrajny natwar hosćom, zo bychu po dobytych bulach spěšnje doprědka hrali. Tak běše prěnja połojca jara bojowniska z mało šansami. Domjacy běchu po wólnych kopach kaž tež po róžkach strašni. Dwě móžnosći měješe Jurij Matka, z hłowu pak bul do wrotow njedósta.