Wuslědki (01.04.19)

póndźela, 01. apryla 2019 spisane wot:

Kopańca, wokrjesna wyša liga

ST Hnašecy-Dobruša

– TSV Połčnica 2:0 (0:0)

Póst Germania Budyšin

– SG Großnaundorf 4:1 (2:1)

Motor Kumwałd

– Rakečanske ST 0:2 (0:1)

Zeleno-běli Bukecy

– Drohotka Ramnow 0:7 (0:4)

Sokoł Ralbicy/Hórki

– Natwar Němske Pazlicy 2:0 (1:0)

ST Kinspork/Łužnica

– Wojerowski FC 2:5 (1:1)

ST Porchow – Módro-běli Kulow 2:2 (2:0)

ST Radwor – LSV Hory 4:1 (3:1)

tabulka:

1. Rakečanske ST  21  79:11 58

2. Módro-běli Kulow  21  49:22 46

3. Drohotka Ramnow  21  52:28 40

4. Sokoł Ralbicy/Hórki  21  38:30 36

5. Wojerowski FC  21  51:35 35

6. Póst Germ. Budyšin  21  48:37 34

7. LSV Hory  20  40:38 31

8. ST Hnašecy-Dobruša  21  43:43 31

9. TSV Połčnica  20  36:41 29

10. Motor Kumwałd  21  38:45 27

11. ST Kinspork/Łužnica  21  33:44 26

12. Natw. Němske Pazlicy  20  32:36 23

13. ST Porchow  21  26:52 15

14. Zeleno-běli Bukecy  21  27:74 14

15. SG Großnaundorf  20  33:55 13

16. ST Radwor  19  20:54 8

Sport (29.03.19)

pjatk, 29. měrca 2019 spisane wot:

Blidotenisowe hry

Worklečanscy blidotenisća 1. mustwa podadźa so jutře k rezerwje MSV Budyšina. Duel započnje so w 14 hodź. Prěnje Radworske blidotenisowe mustwo wočakuje póndźelu SZ Čerwjene Noslicy (Roth­naußlitz), a to w 19.30 hodź. Dalšej hrě:

03.04. 19:30  ST Seeligstadt –

  DJK Konjecy

06.04. 17:00 TSV Wóspork/Hrodźišćo   – Viktoria Worklecy

Wolejbulowe partije

We Worklečanskej ćěłozwučowarni hraja jutře prěni, druhi a třeći wolejbuloweje wobwodneje ligi. Wot 14 hodź. nastupja mužojo Viktorije přećiwo načol­nikej z Koblic a po tym přećiwo druhemu ze Zhorjelca. Za serbsku šestku póńdźe wosebje w druhej hrě dnja wo wicemišterstwo sezony 2018/2019. Z wuspěšnej partiju móhli młodźi dźiwi Zhorjelčanow, kotřiž maja jenož dypk wjace na konće, hišće přesćahnyć. Dalše hry:

05.04. 18:30  ST Hnašecy-Dobruša –

  ST Marijina hwězda

05.04. 19:30  Sokoł Budyšin –

  ST Marijina hwězda

05.04. 20:30  ST Hnašecy-Dobruša –

  Sokoł Budyšin

  (wšitke tři hry w Słónkecach/Schlungwitz)

Kónctydźenska kopańca

Spočatnu fazu zaspali

štwórtk, 28. měrca 2019 spisane wot:

HZ Łaz/Běły Chołmc

– ST Marijina hwězda 2:0 (2:0)

Zestawa hosći: Matik – R. Cyž (75. Jurš), Zelnak, Rab, Ch. Cyž, Peschmann, Kuring, Hawš, Pjetaš (68. Bělk), Pakoßnick, Schmidt (46. Eldor)

Při krasnym nalětnim wjedrje dóńdźe k duelej najlěpšeju koparskeju cyłkow wokrjesneje ligi, stafle 2. Po njewočakowanej domjacej poražce přećiwo cyłkej z Haselbachtala chcychu sej chowancy trenarja Erwina Kleinmanna we Łazu na kóždy pad dobyće abo znajmjeńša dypk wudobyć. To pak so njeporadźi, dokelž hosćo w prěnjej poł hodźinje hišće spachu. Nimo toho dyrbješe Kleinmann swój škit přetwarić. Tobias Škoda a Richard Hawš běštaj wupadnyłoj.

Horcy bój z dypkom mytowali

štwórtk, 28. měrca 2019 spisane wot:

FSV Wódrjeńca

– SJ Chrósćicy 4:4 (2:2)

Zestawa hosći: Králíček – L. Zahrodnik, Sentivan, F. Cyž, Püschel (60. Špitank), M. Zahrodnik, G. Zahrodnik, Henzl, Bogusz (60. Mark), Młynk, Beneš

Wuslědki (28.03.19)

štwórtk, 28. měrca 2019 spisane wot:

Kopańca, krajna klasa

Horni kraj-Sprjewja – Běła Woda  1:4 (1:0)

pinca tabulki

10. Rotacija Drježdźany 15 24 : 33 17

11. SJ Chrósćicy 13 29 : 36 15

12. ST Horni kraj-Sprjewja 15 24 : 55 13

13. SC Großröhrsdorf 15 20 : 26 12

14. ST Trjebin 15 15 : 41 6

wokrjesna liga, stafla 2

Wojerowski FC II – Łuty 4:2 (4:0)

Lubuš – HZ Wulke Ždźary 2:5 (1:2)

Mały Wosyk – Wulka Dubrawa 0:4 (0:1)

HZ Rakecy II/Šćeńca – Ćisk II 3:2 (1:1)

Njebjelčicy – Malešecy 0:0 (0:0)

Haselbachtal – Nadr. Hrabowka1:0 (0:0)

1. ST Marijina hwězda 18 49 : 9 45

2. HZ Łaz/Běły Chołmc 18 53 : 14 44

3. ST Ćisk II 19 34 : 23 37

4. Traktor Malešecy 18 43 : 20 35

5. Wojerowski FC II 18 30 : 27 29

6. SV Haselbachtal 18 31 : 26 27

7. HZ Wulke Ždźary 18 26 : 28 27

8. ST Lubuš 19 27 : 23 26

9. SJ Njebjelčicy 19 28 : 25 24

10. ST Wulka Dubrawa 19 29 : 49 21

11. SJ Chrósćicy II 18 23 : 32 18

12. FSV Łuty 17 26 : 32 17

13. HZ Rakecy II/Šćeńca 19 22 : 47 17

14. Nadrózna Hrabowka 18 26 : 40 16

15. ST Mały Wosyk 18 14 : 66 6

22. raz pobychu šulerjo Serbskeho gymnazija Budyšin (SGB) w čěskich Janskich Láznjach, zo bychu so tam w alpinskim sněhakowanju wukmanili.

W stawiznach SGB započa so sněha­kowarske wukubłanje w februaru 1995 w Malej Upje w čěskich Kyrkonošach, hdźež přebywachu šulerjo a wučerjo dwójce. 1998 započa so alpinske wukubłanje w Janskich Láznjach blisko Čor­neje hory. Lětsa w měrcu dojědźechu sej 49 šulerjow, štyrjo wučerjo a třo stu­denća (něhdyši šulerjo SGB) do znateho kwartěra pensije „Protěž“. Wjedro bě měnjate, na pistach pak knježachu idealne wuměnjenja.

Tři skupiny 22 započatkarjow wu­wučowachu wučerka za čěšćinu Jana Štillerová, student Matej Wjeńka a čěski instruk­tor Lukáš Vavrda. Marie-Luise Matješkec a Maksimilian Zahrodnik běštaj dalšej pomocnikaj. Wo tamne tři skupiny postupnikow a technisce hižo lěpšich šule­rjow starachu so sportowi wučerjo Tereza Wićazowa, Gabriela Jendrewscyna a hłowny organizator sněhakowarskeho wukubłanja Měrko Korjeńk.

Po stajnje pjećhodźinskim zwučowanju přizamkny so wječor wuhódnoćenje z pomocu wideja.

Serbscy gymnaziasća w krajnym finalu

wutora, 26. měrca 2019 spisane wot:

Po tym zo přesadźichu so wolejbulisća Serbskeho gymnazija Budyšin wu­­spěšnje we wokrjesnym finalu w Biskopicach a tež na regionalnym finalu w Rych­­bachu (Reichenbach), podachu so hólcy starobneje klasy II do Dippoldiswaldy na krajne finale. Tam nastupichu woni jako jedne ze šěsć najlěpšich šulskich wolejbulowych mustwow swojeje staroby ze Sak­skeje. Wubědźowanje wotmě so w dwěmaj staflomaj. W stafli gymnaziastow z Budyšina běchu tež mustwa Gymnazija Bernhard von Cotta z Brand-Erbisdorfa a mustwo Lipšćanskeho Krajneho gymnazija za sport.

Serbski gymnazij Budyšin – Gymnazij Bernhard von Cotta Brand-Erbisdorf 2:1

Hižo w prěnjej hrě běše niwow na po­lomaj jara wysoki. W prěnjej sadźbje partije přećiwo cyłkej z Brand-Erbisdorfa přesadźichu so Budyscy wolejbulisća z 25:22. Přiwšěm běše hra jara wurunana. W druhim přechodźe podležachu přećiwnikej snadnje z 23:25. W třećej, a zdobom rozsudnej sadźbje, woni hišće jónu pokazachu, zo zamóža tež měr wobchować, štož so skónčnje wudani. Serbska šestka přesadźi so jasnje z 15:7.

Serbski gymnazij Budyšin – Krajny gymnazij za sport Lipsk 0:2

Regionalny koparski ligist Budissa Budyšin je pola Kamjeničanskeho FC 0:1 přěhrał a so tuž bjez dypka nawróćił. Do partije pokazachu hrajerjo ze skupinskim wobrazom zhromadn­y statement za zakładne demokratiske hódnoty. Hosćićel nastupi tónraz pod wobkedźbowanjom, a to podawkow w zašłosći dla. Foto: Torsten Zettl

Lodohokejistka mytowana

wutora, 26. měrca 2019 spisane wot:

Na lětušej sportowej gali w Nišćanskim wobydlerskim domje su minjenu sobotu najlěpše sportowče, najlěpšich sportowcow a najlěpše mustwa wokrjesa Zhorjelc mytowali. Dorostowej lodohokejistce Theji Marleen Bartell ze zjednoćenstwa Lodosport Běła Woda spožčichu prěnje myto. Něhdyša šulerka Slepjanskeje šule je hižo na swětowych mišterstwach U 18 zasadźena była. Wot noweje sezony hraje wona z dwójnej licencu za cyłkaj Lodowych mjedwjedźow juniors w Berlinje a Liškow w Běłej Wodźe.

W kategoriji mustwa wuzwolichu Łužiske lodohokejowe liški na třeće městno. Prěnje městno wobsadźi lodohoke­jowy cyłk Tornados Niska, druhe Akro­batikowy team Niska. Marcel Rjelka

Nowy dobyćer turněra CDU

wutora, 26. měrca 2019 spisane wot:

We Worklecach wotmě so njedawno 9. młodźinski koparski turněr zapósłancow krajneho sejma Alojsa Mikławška a Franka Hirchi kaž tež europskeho zapósłanca Hermanna Winklera.

Dohromady wobdźěli so we Worklečanskej sportowej hali dźesać wólnočasnych koparskich teamow. Tež tři serbske cyłki běchu zastupjene. Zakitowarja pokala ze Smjerdźaceje zastupowaše cyłk z Pančic-Kukowa a tež dwaj kolektiwaj Wor­klečanskich koparskich přećelow poda­chu so na halowy parket. Dale hrajachu Gymnazij Kamjenc, Gymnazij Wojerecy, Traktor Jitk, DRK Komando Ohorn, Accumotive I a II a TSV 1805 Ohorn.

Halowy rěčnik Jonas Klawitter, kiž je tež šulerski rěčnik Kamjenskeho Lessingoweho gymnazija, měješe tón dźeń kopicu­ dźěła, wšako su koparjo wjele wrotow třěleli. Mjenje dźěła měješe sudnik Detlef Kral při zwjetša fairnym wotběhu wubědźowanja. Moto tež bě, z wjeselom při kopańcy dobru zhromadnosć pěstować.

nawěšk

nowostki LND