Dobry test za wobě mustwje

póndźela, 11. februara 2019 spisane wot:

Sokoł Ralbicy/Hórki

– ST Marijina hwězda 1:2 (1:1)

Za domjacych zasadźeni: Schöne – M. Matka, K. Matka, D. Gloxyn, Schultz, Šewc, Domaška, Hilbich, Šołta, G. Kurjat, M. Kurjat, Korjeńk, Budar, Bejmak, Rawš, Kobalc

za hosći zasadźeni: Matik – Peschmann, Čornak, Zelnak, Melnyk, Rab, Eldor, Pakoß­nick, Wróbl, Pjetaš, Schmidt, Cyž, Hawš

Po tym zo dyrbjachu lětsa hižo tójšto testowych koparskich partijow wjedra dla wotprajić, bě Ralbičanske twjerde hrajnišćo njedźelu připołdnju derje přihotowane. Do duela Sokoljo wčera dopołdnja hišće trenowachu a po tym zhromadnje wobjedowachu, prjedy hač witachu načolnika wokrjesneje ligi do Delan.

Dominik Hofmann, Felix Schöne, Lukas Wucht a Florian Schier (wšitcy BC Sachsen-90 Budyšin) su sej sobotu na finalnym hrajnym­ dnju tak mjenowaneje trisezony na krajnych mišterstwach w Lipšćanskim bowlingowym centeru BowlPlay slěbro­ wubě­dźili. Dobyło je w starobnej klasy młodźina A mustwo Flying Bowlers Kamjenica před Budyšanami a BV Mark­kleebergscy Boogie-Pins. Felix Schöne (druhi wotlěwa, Budyšin) je do Serbskeje wyšeje šule Budyšin chodźił. Foto: Florian Schier

Wjace móžno było

póndźela, 11. februara 2019 spisane wot:

FSV Union Fürstenwalde – FSV Budissa Budyšin 1:0 (0:0)

Zestawa hosći: Schulz – Kunze, Patka, Weiß, Kral, Schlicht, Merkel (84. Langr), Bär (71. Treu), Schmidt, Mack, Bönisch (73. Kašiar)

Regionalna liga zaso hraje, tež hdyž hodźeštej so při starće jenož dwě partiji přewjesć. Budissa Budyšin nastupi wčera w Friesenstadionje, w domjacej arenje FSV Union Fürstenwalde.

Awtor dźensa

André Strelow

Tež na kopanišćach skónčnje zaso za bulom honja. Druha połserija je so započała, a nětko tež w zwjazkowej koparskej lize zaso napjatosć knježi. Rekordny němski mišter z Mnichowa steji pak jenož na druhim městnje tabu­l­ki, a to ze zastatkom pjeć dypkow k načolnikej Dortmundej. Lochkosć, kotruž Bayerojo w minjenych lětach wuprudźachu, jim dotal faluje. Přiwšěm hišće ničo­ rozsu­dźe­ne njeje. Wosobinsce so nadźijam, zo napjatosć hač k poslednjemu hrajnemu dnjej traje. Rjenje by było, bychu-li so načol­nym cyłkam BVB, FCB a Borussiji z Mönchengladbacha hišće dalše zastupnistwa přibližili. To by atraktiwitu na dalši wyši stopjeń přinjesło. Zajimawe tohorunja budźe, kak Mnichowčenjo z champions league, ze zwjazkowej ligu kaž tež z pokalnym kołom DFB trójne poće­žowanje znjesu.

Wuslědki (11.02.19)

póndźela, 11. februara 2019 spisane wot:

Kopańca, regionalna liga muži

Fürstenwalde – Budissa Budyšin 1:0 (0:0)

Erfurt – Germania Halberstadt 0:2 (0:1)

1. Kamjeničanski FC 19 50 : 15 51

2. Berlinski AK 19 39 : 22 39

3. Čerwjeno-běli Erfurt 19 37 : 17 36

4. Hertha BSC II 19 37 : 24 35

5. Wacker Nordhausen 19 27 : 17 33

6. SV Babelsberg 19 31 : 24 27

7. Germania Halberstadt 20 27 : 27 25

8. Lok Lipsk 19 23 : 22 24

9. Union Fürstenwalde 20 29 : 35 24

10. FC Viktoria Berlin 19 26 : 17 22

11. VfB Auerbach 18 21 : 27 22

12. Budissa Budyšin 20 13 : 27 21

13. Biskopičanske KT 19 15 : 30 21

14. ZFC Meuselwitz 19 30 : 39 20

15. VSG Altglienicke 19 29 : 38 20

16. BFC Dynamo 19 20 : 36 20

17. HŁ Neugersdorf 18 19 : 35 19

18. Optik Rathenow 18 17 : 38 9

Sport (08.02.19)

pjatk, 08. februara 2019 spisane wot:

Hnydom dwójce doma

Hnydom dwójce za sobu nastupja Worklečanscy blidotenisća prěnjeho mustwa jutře w domjacej sportowni. Wot 11 hodź. rěka přećiwnik ST Horken Ketlicy a wot 15 hodź. SZ Wětnica/Hola.

Dalše pokalne koło

W pokalnym kole Zapadołužiskeho koparskeho zwjazka (WFV) ma hrajny wuběrk WFV tři partije ze štwórćfinala planowane. Za jutře w 13 hodź. Wjazońca – Wachau a za njedźelu w 13 hodź. Wjelećin – Ramnow a Porchow – Němske Pa­z­licy. Prěni połfinalist je hižo jasny. Srjedź decembra bě mustwo Wojerowskeho FC duel wokrjesneju wyšeju ligistow z 2:0 přećiwo Póst Germaniji Budyšin dobyło.

Koparske dypkowe hry

Regionalna liga startuje jutře do druheje połserije a na wokrjesnej runinje maja so wupadnjene duele nachwatać.

09.02. 13:30 HŁ Neugersdorf –

  Hertha BSC II

09.02. 14:00 FC Energija Choćebuz –

  FC Würzburger Kickers

09.02. 14:00 Motor Kumwałd –

  Wojerowski FC

10.02. 11:00 LSV Hory –

  Módro-běli Kulow

10.02. 13:30 Biskopičanske KT –

  Lok Lipsk

Koparskej testowej hrě

Jenož kosmetiska korektura wuslědka

štwórtk, 07. februara 2019 spisane wot:

FC Energija Choćebuz

– ST Wehen Wiesbaden 2:3 (0:3)

Zestawa FC Energije: Spahić – Starcew, Knechtel, Matuwila, Schlüter, Schneider, Zickert (46. Raak), Bender (55. Scheidhauer), Geisler, Rangelow (67. Mamba), Broschinski

Dokelž je tójšto koparjow FC Energije Choćebuz zranjenych a dokelž je so ka­pitan Marc Stein z Choćebuza rozžo­hnował, bě trenar Claus Dieter Wollitz nu­zowany, po zdaću najmłódše startowe mustwo cyłeje třećeje ligi na hrajnišćo pósłać. Hnydom šěsć koparjow su ze swójskeho dorosta a wjetšina z nich je pod 19 lětami. Na tym pak njesměmy so po­storčić, pře wjele indiwidualnych zmylkow zmóžnichu hosćom dočasnje rewanšu za domjacu poražku 0:2. Hakle po změnje stronow, jako buštaj najprjedy Kevin Scheidhauer, a pozdźišo tež Streli Mamba zaměnjenaj, nastachu rjane akcije­ před wrotami hosći. Scheidhauer a Mamba postaraštaj so pola 4 500 přihladowarjow z 1:3 (82.) a 2:3 (90.) wo nadźiju na znajmjeńša jedyn dypk. Na kóncu pak njedosahaše čas při „Wšo abo ničo“­. Georg Zielonkowski

Kwartet nowačkow pola FC Energije

štwórtk, 07. februara 2019 spisane wot:

Dokelž je dypkowa hra FC Energije Cho­će­buz pola hrajneho zjednoćenstwa Unter­haching wupadnyła, předstajimy wam raz zym­ske nowopřichady. W busu do Unterhachinga a wróćo sedźachu mjenujcy hnydom štyrjo nowi FCE.

Nimo Roberta Müllera, kotrehož smy hi­žo­­ skrótka předstajili, rěka nowopřichad čisło dwaj Jürgen Gjasula (na wobrazu). Wón přińdźe k FCE wot Viktorije Berlin. 1,89 metrow wulki srjedźopólny hrajer z Albanskeje je zrěčenje hač do junija 2019 podpisał. Jeli FC Energija w třećej lize­ wostanje, so zrěčenje wo dalše lěto­ podlěši. Gjasula bě so w albanskim Ti­rana narodźił a kopački za Freiburg, Kaiserslautern, Sankt Gallen, Basel a Litex Lovetch šnórował. W Němskej bu 33lětny pola FSV Frankfurt, MSV Duisburg, VfR Aalen, Greuther Fürth a Viktoria Berlin zasadźeny. Jürgen Gjasula ma 191 hrow w druhej zwjazkowej lize, sydom w prěnjej zwjazkowej lize a 150 hrow na eu­ropskej runinje.

Hišće městna w koparskim campje

štwórtk, 07. februara 2019 spisane wot:

Tež lětsa zaso budźe Zapadołužiski koparski zwjazk (WFV) swój dźewjaty ewag Kamjenc – prózdninski koparski camp při Baltiskim morju přewjesć, a to wot 21. 28. julija 2019.

Přizjewić smědźa so holcy a hólcy lětni­kow 2005 do 2009. Po wotrěčenju ze staršimi smědźa so tež młódše abo starše dźěći přizjewić. Cyłkownje 54 městnow ma WFV k dispoziciji, 45 su hižo wobsadźene a kruće knihowane. Dalše informacije steja we wupisanju na internetowych stronach www.westlausitzer-fussballverband.de/feriencamp.html.

Na dotalnych wosom koparskich campach­­ bě so hižo wjac hač 500 dźěći a do­rosćenych wobdźěliło. Mjez nimi běchu tež přeco serbscy dorostowi koparjo a z Jó­zefom Šwonom tež čłon předsydstwa Serbskeho Sokoła.

Kompletny camp z busowym transferom z Kamjenca k morju, sydom pře­no­cowanjemi, połnej pensiju, zastupnymi lisćikami, koparskim bulom a modernej hrajerskej garnituru płaći 309 eurow.

Jurij Bjeńš

Prěni nowopřichad

srjeda, 06. februara 2019 spisane wot:
FC Energija Choćebuz je so ze škitarjom Robertom Müllerom na zrěčenje dojednało. 32lětny, 1,87 m wulki, nutřkowny škitar přińdźe wot ligoweho konkurenta KFC Uerdingen do Łužicy. Podpisał je wón zrěčenje hač do junija 2020. Rodźeny Schwerinjan a něhdyši narodny hrajer U 21 Němskeje ma tójšto nazhonjenjow w profijowej kopańcy. Dotalne stacije rěkachu Carl Zeiss Jena, Holstein Kiel, Hansa Rostock, SV Wehen Wiesbaden, VfR Aalen a KFC Uerdingen. Tak přińdźe Müller na 297 hrow w třećej lize Němskeje, 55 partijow w druhej lize a 11 zasadźenjow w pokalnym kole Němskeho koparskeho zwjazka. Georg Zielonkowski

nawěšk

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.

nowostki LND