Wulět na Šwedski kamjeń hodźi so z pućowanjom derje zwjazać

srjeda, 29. julija 2015
artikl hódnoćić
(0 )
Zymska zahroda restawranta „Šwedski kamjeń“ a wuhladna wěža přeprošujetej na platow zapadołužiskeje hory blisko Połčnicy ze samsnym mjenom  Foto: Axel Arlt Zymska zahroda restawranta „Šwedski kamjeń“ a wuhladna wěža přeprošujetej na platow zapadołužiskeje hory blisko Połčnicy ze samsnym mjenom Foto: Axel Arlt

Wšojedne hač runinu parkowanišća pěši docpěješ abo tam z awta wulězeš, hnydom ći wětřik wokoło nosa duje. „Na tym pytnješ, zo sy na Šwedskim kamjenju“, praji z posměwkom Simone Fischer. Wona je šefina hórskeho restawranta „Šwedski kamjeń“ na 420 metrow wysokej horje blisko Połčnicy.

Wosebje tych, kotrymž je zapadna Łuži­ca skerje cuza, kónčina mjez Steinu, Ohornom a awtodróhu A 4 překwapja. Tohodla měł so wulět na Šwedski kamjeń snano z pućowanjom zahajić. „Z čer­wjenej smužku markěrowany puć wjedźe na Žiwiny a dale k žórłu Čor­neho Halštrowa. Přez lěs Luchsenburg móže­će so sem wróćić“, Simone Fischer poruča. Na pućowanskej karće pódla hrajkanišća při parkowanišću nańdźeš wšelake móžnosće, ze Žuric pochadźaca hosćencarka wuswětla. Krajinowje zajimawa kónčina tež kolesowarjow wabi.

wozjewjene w: Hospodarstwo

Galerija

dalši wobraz (1)
Prošu přizjewće so, chceće-li komentar podać

Serbska debata

nowostki LND