Rafał Šěrak rjek hrajneho dnja

wutora, 17. oktobera 2017
artikl hódnoćić
(0 )

Napjata blidotenisowa hra wuwi so při dypkownej hrě mjez DJK Konjecy a SZ Seeligstadt njedawno na Konječan wjesnej žurli. Hosćo běchu do duela hišće bjez poražki a chcychu seriju dale wjesć. Konječenjo dyrbjachu z Pětrom Bejmu stajneho hrajerja narunać. Rafał Šěrak z třećeho mustwa jeho zastupowaše. Po dwójkach nawjedowachu Konječenjo z 2:1 a po prěnim kole jednotliwcow 6:3. Wšitko wupadaše za jasnym dobyćom. Tola w druhim kole přińdźechu do wuskosćow, a to při stawje 8:6. Nětko wotwisowaše wšitko wot rezerwoweho hrajerja Šěraka. Přez njewšědny wukon hewak wo dwě klasy niže hrajaceho – doby rozsudny duel z 3:1 – móžachu serbscy blidotenisća z 9:6 dobyć.

wozjewjene w: Sport
Prošu přizjewće so, chceće-li komentar podać

Serbska debata

nowostki LND